follow us:
తెలుగు వెండి తెరపై ఎప్పటికప్పుడు ఎంతోమంది హీరోయిన్లు వస్తూనే ఉంటారు. వాళ్లలో కొందరు స్టార్స్ గా ఫేమ్ తెచ్చుకుని స్థిరపడిపోతుంటారు. మరికొందరు మాత్రం అటు సినిమాల్లో యాక్ట్ చేస్తూనే, మరోవైపు రియాలిటీ షోల్లో కనిపిస్తారు. అలా కెరీర్ పరంగా బాగానే ఉంటారు. ఓ స్టేజీ వచ్చిన తర్వాత ఎంచక్కా పెళ్లి చేసుకుని కొత్త జీవితంలోకి అడుగుపెడుతుంటారు. అలాంటి వారిలో హీరోయిన్ పూర్ణ ఒకరు. ప్రస్తుతం ఫ్యామిలీ లైఫ్ ని ఎంజాయ్ చేస్తున్న ఆమె.. ప్రగ్నెంట్ అయిన సంగంతి తెలిసిందే. ఇటీవలే ఆమె సీమంత వేడుక ఘనంగా జరిగింది. ఈ వేడుకకు సంబంధించిన ఫోటోలను కూడా సోషల్ మీడియాలో పోస్ట్ చేసింది. ప్రస్తుతం ఈ పిక్స్ నెట్టింట్లో తెగ చక్కర్లు కొడుతున్నాయి.
మలయాళ భామ పూర్ణ ‘శ్రీమహాలక్ష్మి’ సినిమాతో టాలీవుడ్ లో నటిగా పరిచయమైంది. ఆ తర్వాత అల్లరి నరేష్ హీరోగా నటించిన సీమటపాకాయ్ సినిమాతో మంచి గుర్తింపు సంపాదించింది. తన అందం, అభినయంతో తెలుగు ప్రేక్షకులను ఆకట్టుకుంది ఈ మలయాళ భామ పూర్ణ. సీమటపాకాయ్ సినిమాతో వచ్చిన క్రేజ్ తో అవును, అవును 2, లడ్డుబాబు, జయమ్ము నిశ్చయమ్మురా తదితర సినిమాల్లో నటించింది. అలానే రాజుగారి గది, శ్రీమంతుడు, సిల్లీ ఫెలోస్, అదిగో, సువర్ణ సుందరి, పవర్ ప్లే, తీస్ మార్ ఖాన్, అఖండ, దృశ్యం 2 లాంటి మూవీస్ లోనూ ప్రత్యేక పాత్రలో నటించి.. అందర్ని ఆకట్టుకుంది. ప్రస్తుతం నాని హీరోగా నటిస్తున్న ‘దసరా’లో కీలక పాత్ర పోషించింది. మరోవైపు ఢీ, శ్రీదేవి డ్రామా కంపెనీ షోల్లోనూ జడ్జిగా సందడి చేసింది.
ఇలా సినీ కెరీర్ పరంగా బిజీగా ఉన్న పూర్ణ.. 2022 జూన్ 12న దుబాయి బిజినెస్ మేన్ అసిఫ్ అలీని పెళ్లి చేసుకుని అందరికీ షాకిచ్చింది. ఇలా వెండితెర జీవితం నుంచి పూర్ణ కొత్త జీవితంలోకి అడుగుపెట్టింది. ఆ తర్వాత నుంచి నెమ్మదిగా సినిమాలు, షోలకు దూరమవుతూ వచ్చింది. ఆమె చేతిలో ప్రస్తుతం కొన్ని ప్రాజెక్టులే ఉన్నాయి. వాటిని ఇప్పటికే పూర్తి చేసినట్లు కనిపిస్తుంది. ఈ క్రమంలోనే కొన్ని నెలల క్రితం తాను తల్లి కాబోతున్నట్లు గుడ్ న్యూస్ చెప్పింది.
అందుకు సంబంధించిన తన కుటుంబసభ్యులతో చేసుకున్న సెలబ్రేషన్ ని యూట్యూబ్ లో వీడియో తీసి పోస్ట్ చేసిన సంగతి తెలిసిందే. తాజాగా పూర్ణ సీమంత వేడుకలు జరిగాయి. ఈ వేడుకలో కుటుంబ సభ్యులు మాత్రమే పాల్గొన్నారు. ఫ్యామిలీ ఫ్రెండ్స్ తో ఫోటోలు దిగుతూ పూర్ణ ఎంతో ఉత్సాహంగా కనిపించింది. ప్రస్తుతం పూర్ణ సీమంతం వేడుక ఫోటోలు సోషల్ మీడియాలో వైరల్ అవుతోన్నాయి. అయితే ఈ ఫోటోలు చూసినటువంటి అభిమానులు ఆమెకు శుభాకాంక్షలు తెలియజేస్తున్నారు. మరి.. వైరల్ అవుతోన్న పూర్ణ సీమంతం ఫోటోలపై మీ అభిప్రాయాలను కామెంట్స్ రూపంలో తెలియ జేయండి.
View this post on Instagram
