follow us:
సినీ ఇండస్ట్రీలో హర్రర్ నేపథ్యంలో వచ్చి.. ఒక కొత్త ట్రెండ్ సృష్టించిన మూవీ ‘చంద్రముఖి’. 2005 లో పి.వాసు దర్శకత్వంలో రజినీకాంత్, నయనతార, జ్యోతిక కీలకపాత్రల్లో నటించిన ‘చంద్రముఖి’ బాక్సాఫీస్ షేక్ చేసింది. ఓవైపు కడుపుబ్బా నవ్విస్తూనే భయపెట్టే ఈ చిత్రం అప్పట్లో థియేటర్లో ప్రేక్షకులను భలే అలరించింది. చంద్రముఖి సూపర్ హిట్ కావడంతో ఈ మూవీ సీక్వెల్ వస్తుందని అందరూ భావించారు.. కానీ అలా జరగలేదు. చాలా కాలం తర్వాత ఈ మూవీ సీక్వెల్ తెరకెక్కించబోతున్నారు. పి. వాసు దర్శకత్వంలో రాఘవ లారెన్స్ హీరోగా చంద్రముఖి2 ప్రేక్షకుల ముందుకు రాబోతుంది.
చంద్రముఖి ఏ స్థాయిలో హిట్ అయ్యిందో అందరికీ తెలిసిందే. వరుస పరాజయాలతో సతమతం అవుతున్న సూపర్ స్టార్ రజినీకాంత్ కి ఈ మూవీ మంచి బూస్టింగ్ ఇచ్చింది. ఇక చంద్రముఖి పాత్రలో నటించిన జ్యోతిక నటనపై విమర్శకులు సైతం ప్రశంసలు కురిపించారు. ఒక రకంగా చెప్పాలంటే ఈ మూవీకి జ్యోతిక ప్రాణం పోసింది అనొచ్చు. ప్రస్తుతం ఈ సిక్వెల్ లో జ్యోతిక నటించడం లేదు.. అంత పవర్ ఫుల్ పాత్రలో ఎవరు కనిపించబోతున్నారా అని ప్రేక్షకులు ఎంతో ఎదురు చూస్తున్నారు. తెరపై ఇప్పటి వరకు ఎన్నో పేర్లు చక్కర్లు కొట్టాయి.. తాజాగా చంద్రముఖి పాత్రలో బాలీవుడ్ క్వీన్ కంగనా రౌనత్ ని తీసుకోబోతున్నట్లు సినీ వర్గాల్లో టాక్ నడుస్తుంది.
కంగనా రౌనత్ తన ఇన్ స్టాగ్రామ్ వేదికగా స్టార్ డైరెక్టర్ పి.వాసు మూవీలో నటించబోతున్నట్లు పోస్ట్ చేసింది. అంటే చంద్రముఖి గా కంగనా నటిస్తుందన్న వార్తలు ఫిలిమ్ ఇండస్ట్రీలో తెగ వైరల్ అవుతున్నాయి. గతంలో జయలలిత బయోపిక్ లో నటించిన కంగనాకు తమిళంలో ఇది రెండో చిత్రం. డైరెక్టర్ వాసు దర్శకత్వంలో నటించడం పై కంగనా ఎంతో సంతోషాన్ని వ్యక్తం చేస్తుంది. అంతా ఓకే అయితే కంగనా ఈ చిత్రం షూటింగ్ లో వచ్చేనెలలో పాల్గొనే అవకాశం ఉన్నట్టుగా వార్తలు వస్తున్నాయి.
ప్రస్తుతం కంగనా రౌనత్ ‘ఇందిరాగాంధీ ఎమర్జెన్సీ’ చింత్రంలో టైటిల్ రోల్ లో నటిస్తుంది. చంద్రముఖి మొదటి భాగంలో జ్యోతిక.. గంగ పాత్రలో అమాయకంగా ఉంటూ అందరినీ భయపెట్టింది. అంతేకాదు తోం..తోం..తోం.. అనే పాట ఇప్పటికీ మారుమోగుతూనే ఉంది. మరి ఈసారి కంగనా ఎలాంటి పాత్రలో నటించి భయపెడుతుందో చూడాలి. ఈ మూవీ అప్పట్లో రూ.9 కోట్లతో నిర్మిస్తే.. సుమారు 70 కోట్ల వరకు రాబట్టిందని ఇండస్ట్రీ టాక్. ఇక లారెన్స్ కొంత కాలంగా హీరోగా స్వియదర్శకత్వంలో కాంచన సీరీస్ తో కడుపుబ్బా నవ్విస్తూ.. భయపెట్టాడు. ఇక చంద్రముఖి 2 లో లారెన్స్ ఎలాంటి పాత్రలో కనిపిస్తాడో అని ఫ్యాన్స్ ఎంతో కుతూహలంగా ఎదురు చూస్తున్నారు.
