follow us:
ప్రభుత్వ ఉద్యోగాల కోసం ఎదురుస్తున్న అభ్యర్థులకు గుడ్ న్యూస్. కేంద్ర ప్రభుత్వ సంస్థల్లో ఉద్యోగాలకు ప్రకట వెలువడింది. సివిల్, మెకానికల్, ఎలక్ట్రికల్, క్యాంటిటీ సర్వేయింగ్ అండ్ కాంట్రాక్ట్స బ్రాంచీల్లో డిప్లోమా, సంబంధిత కోర్సుల్లో ఇంజినీరింగ్ చదివిన వారికి స్టాఫ్ సెలక్షన్ కమిషన్(SSC)జూనియర్ ఇంజినీర్స్ ఉద్యోగ నియామకాలకు ప్రకటన విడుదల చేసింది.ఎస్ఎస్ సీ ద్వారా ఉద్యోగం పొందిన వారు దేశ వ్యాప్తంగా ఉన్న కేంద్ర ప్రభుత్వ సంస్థల్లో గ్రూప్-బి జూనియర్ ఇంజినీర్ పోస్టుల్లో నియమితులవుతారు. ఇవి నాన్ గెజిటెడ్ పోస్టులు. తాజాగా విడుదలైన ఈ జూనియర్ ఇంజినీర్ ఉద్యోగాల నోటిఫికేషన్ కు సంబంధించిన పూర్తి వివరాలు ఇప్పుడు తెలుసుకుందాం..
ఈ నోటిఫికేషన్ ద్వారా జూనియర్ ఇంజినీర్ గా నియమితులైన వారికి కేంద్ర జలసంఘం, సెంట్రల్ పబ్లిక్ వర్క్స్ డిపార్ట్ మెంట్ , కేంద్ర జల, విద్యుత్ రిసెర్చ్ స్టేషన్ , మిలిటరీ ఇంజినీరింగ్ సర్వీస్ , సరిహద్దు రహదారుల సంస్థ, ఫరక్కా బ్యారేజ్ ప్రాజెక్టు, ఫోర్ట్స, షిప్సింగ్ అండ్ వాటర్ వేస్, డైరెక్టరేట్ ఆఫ్ క్యాలిటీ అస్యూరెన్స్ తదితర సంబంధిత విభాగంలో పనిచేసే అవకాశం లభిస్తుంది. అయితే ఈ ఉద్యోగాలకు దరఖాస్తు చేసుకునేందుకు డిప్లోమా ఇన్ సివిల్, మెకానికల్, ఎలక్ట్రికల్, తత్సమాన డిగ్రీ చదివిన వారు అర్హులు. ఇక వయోపరిమితి విషయానికి వస్తే.. ఈ పోస్టులకు అనుగుణంగా 18 -32 మధ్య వయస్సు ఉండాలి. వివిధ కేటగిరీల వారికి వయోపరిమితుల్లో సడలింపులు కూడా ఉన్నాయి. ఇక జీత భత్యాల విషయానికి వస్తే… సెవెన్త్ పే స్కేలు ప్రకారం రూ.35,400- రూ.1,12,400 ఉంటుంది. దరఖాస్తు ఫీజు రూ.100 చెల్లించాలి. మహిళలు, ఎస్సీ, ఎస్టీ, దివ్యాంగులు, ఎక్స్-సర్వీస్ మెన్ లకు ఈ ఫీజు చెల్లింపు నుంచి మినహాయింపు ఉంటుంది.
పరీక్ష విధానం: ఇది రెండు అంచెల్లో ఉంటుంది. పేపర్-1, పేపర్-2 గా ఉంటాయి. పేపర్-1 ఆన్ లైన్ విధానంలో ఆబ్జెక్టివ్ తరహాలో నిర్వహిస్తారు. ఇందులో మొత్తం 200 మార్కులకు ..200 ప్రశ్నలు ఉంటాయి. పరీక్ష వ్యవధి రెండు గంటలు. పేపర్-2 ఆఫ్ లైన్ లో జరిగే రాత పరీక్ష. ఇది 300 మార్కులకు జరుగుతుంది. పరీక్ష సమయం రెండు గంటలు.
తెలుగు రాష్ట్రాల్లో పరీక్ష కేంద్రాలు: హైదరాబాద్, కరీంనగర్, వరంగల్, చీరాల, గుంటూరు. కాకినాడ, కర్నూలు , నెల్లూరు, రాజమండ్రి, తిరుపతి, విజయవాడ, విశాఖపట్నం, విజయనగరం.
దరఖాస్తు: ఆన్ లైన్ ద్వారా దరఖాస్తు చేసుకోవాలి.
ఆన్ లైన్ దరఖాస్తు తేదీలు: 12.08.2022 నుంచి 02.09.2022
దరఖాస్తులో మార్పులు, కరెక్షన్ ఛార్జీలు చెల్లింపు తేది: 04.09.2022
ఈ నోటిఫికేషన్ కి సంబంధించి పూర్తి వివరాల కోసం ఇక్కడ క్లిక్ చేయండి
