రాత పరీక్ష, ఇంటర్వ్యూ లేకుండా 1045 ప్రభుత్వ ఉద్యోగాలు.. పది నుండి పీజీ వరకు అర్హులే

నిరుద్యోగులకు శుభవార్త. ప్రభుత్వ సంస్థల్లో ఉద్యోగం చేయాలనుకుంటున్న వారికి ఇదొక సదవకాశమనే చెప్పవచ్చు. పదోతరగతి చదివినా, బీటెక్ చేసినా ఈ ఉద్యోగానికి దరఖాస్తు చేసుకోవచ్చు. ఇంతకు ఎక్కడ ఆ ఉద్యోగాలంటారా.. చెబితే త్వరగా దరఖాస్తు చేసుకుందాం అనుకుంటున్నారా.. అయితే ఈ సమాచారం మీ కోసమే. పవర్ గ్రిడ్ కార్పొరేషన్ ఆఫ్ ఇండియా లిమిటెడ్ (పీజీసిఐఎల్) భారీ నోటిఫికేషన్ విడుదల చేసింది. అయితే అప్రెంటీస్ ప్రాతిపదికన ఈ ఉద్యోగాలు ఉండనున్నాయి. 2023-24కు సంబంధించిన ఈ నోటిఫికేషన్‌ ద్వారా అప్రెంటిస్ ఖాళీలను భర్తీ చేయనుంది పీజీసీఐఎల్.

మొత్తంగా 1045 ఖాళీలకు నోటిఫికేషన్ విడుదలయ్యింది. మొత్తం దేశ వ్యాప్తంగా ఉన్న పీజీసీఐఎల్ రీజన్లలో అప్రెంటీస్ పోస్టులు భర్తీ చేయనుంది. జులై 31 లోగా ఆన్ లైన్‌లో అర్హులు దరఖాస్తు చేసుకోవాలి. పదో తరగతి, ఐటీఐ, డిప్లొమా, బీఈ, బీటెక్‌, బీఎస్సీ అభ్యర్థులు కూడా ఆయా విభాగాల్లోని అప్రెంటీస్ పోస్టులకు దరఖాస్తు చేసుకోవచ్చు. ఇంతకు ఆ ఖాళీలు ఎక్కడెక్కడ ఉన్నాయో, విద్యార్హతలకు, వయో పరిమితికి సంబంధించిన పూర్తి వివరాలు తెలుసుకుందాం.

అప్రెంటిస్‌షిప్ ట్రేడ్‌ విభాగాలు: గ్రాడ్యుయేట్ (ఎలక్ట్రికల్), గ్రాడ్యుయేట్ (కంప్యూటర్ సైన్స్), గ్రాడ్యుయేట్ (ఎలక్ట్రానిక్స్/ టెలికమ్యూనికేషన్ ఇంజినీరింగ్), హెచ్‌ఆర్ ఎగ్జిక్యూటివ్, సీఎస్‌ఆర్ ఎగ్జిక్యూటివ్, పీఆర్ అసిస్టెంట్, ఐటీఐ- ఎలక్ట్రీషియన్, డిప్లొమా (ఎలక్ట్రికల్), డిప్లొమా (సివిల్), గ్రాడ్యుయేట్ (సివిల్), లా ఎగ్జిక్యూటివ్, సెక్రటేరియల్ అసిస్టెంట్.

విద్యార్హత: విభాగాన్ని అనుసరించి పదో తరగతి, ఐటీఐ, డిప్లొమా, బీఈ, బీటెక్‌, బీఎస్సీ, ఎల్‌ఎల్‌బీ, ఎంబీఏ ఉత్తీర్ణులై ఉండాలి.

శిక్షణ వ్యవధి: ఏడాది.. వేతనం : నెలకు రూ.13,500 నుంచి రూ.17,500 స్టైఫండ్ చెల్లిస్తారు.

కనిష్ఠ వయసు: 18 ఏళ్లు నిండి ఉండాలి.

ఎంపిక ప్రక్రియ: అకడమిక్‌ మార్కులు, సర్టిఫికెట్‌ వెరిఫికేషన్‌ ఆధారంగా ఎంపిక చేస్తారు.

దరఖాస్తు విధానం: ఆన్‌లైన్‌ విధానంలో దరఖాస్తు చేసుకోవాలి.

దరఖాస్తులకు చివరి తేదీ: జులై 31, 2023

మొత్తం ఖాళీలు: 1045
కార్పొరేట్ సెంటర్ (గుర్గావ్)-53
నార్తర్న్‌ రీజియన్ -1 : 135
నార్తర్న్‌ రీజియన్ -2(జమ్ము)- 79
నార్తర్న్‌ రీజియన్ -III(లక్నో)- 93
ఈస్ట్రన్ రీజియన్‌-1(పాట్నా)- 70
ఈస్ట్రన్‌ రీజియన్‌-2(కోల్‌కతా)- 67
నార్త్‌ ఈస్ట్రన్‌ రీజియన్‌(షిల్లాంగ్)- 115
ఒడిశా ప్రాజెక్ట్స్‌(భువనేశ్వర్)- 47
వెస్ట్రన్‌ రీజియన్‌-1(నాగ్‌పుర్)- 105
వెస్ట్రన్‌ రీజియన్‌-2(వడోదర)- 106
సదరన్‌ రీజియన్‌-1(హైదరాబాద్)- 70
సదరన్‌ రీజియన్‌-2(బెంగళూరు)- 105