8వ తరగతి అర్హతతో పోస్టాఫీస్ లో ఉద్యోగాలు.. నెలకు 60 వేలకు పైగా జీతం!

భారతీయ పోస్టాఫీస్ పలు పోస్టుల భర్తీకి నోటిఫికేషన్ విడుదల చేసింది. అర్హత, ఆసక్తి కలిగిన అభ్యర్థుల నుంచి దరఖాస్తులను ఆహ్వానిస్తోంది. చెన్నైకి చెందిన మెయిల్ మోటార్ సర్వీస్ లో పలు పోస్టులు ఖాళీగా ఉన్నాయని ఆఫీస్ ఆఫ్ సీనియర్ మేనేజర్ నోటిఫికేషన్ లో పేర్కొన్నారు. జనరల్ సెంట్రల్ సర్వీస్, గ్రూప్ సి, నాన్ గెజిటెడ్, నాన్ మినిస్టీరియల్ విభాగాల్లో పలు పోస్టులకు అభ్యర్థులను ఆహ్వానిస్తోంది. 8వ తరగతి పాసైన అభ్యర్థులు కూడా ఈ జాబ్ కి అప్లై చేసుకోవచ్చు. మరి ఆ పోస్టులు ఏంటి? ఆ పోస్టులకి జీతం ఎంత ఇస్తారు? ఇంకా ఏమైనా అర్హతలు కావాలా? ఎలా అప్లై చేసుకోవాలి? ఆఖరు తేదీ ఎప్పుడు? వంటి వివరాలు మీ కోసం. 

మొత్తం ఖాళీలు: 07

• ఎం.వీ. మెకానిక్ (స్కిల్డ్): 04
• ఎం.వీ. ఎలక్ట్రీషియన్ స్కిల్డ్): 01
• కాపర్ & టిన్స్మిత్ (స్కిల్డ్): 01
• అప్ హోల్స్టర్(స్కిల్డ్): 01    

కేటగిరీల వారీగా ఖాళీలు:

• ఎం.వీ. మెకానిక్ (స్కిల్డ్): ఎస్సీ 01 + ఈడబ్ల్యూఎస్ 01 + యూఆర్ 02
• ఎం.వీ. ఎలక్ట్రీషియన్ (స్కిల్డ్): యూఆర్ 01
• కాపర్ & టిన్స్మిత్ (స్కిల్డ్): ఎస్సీ 01
• అప్ హోల్స్టర్(స్కిల్డ్): ఓబీసీ  01

జీతం: రూ. 19,900 నుంచి రూ. 63,200/- వరకూ + అలవెన్సులు

వయసు పరిమితి: 

• యూఆర్ & ఈడబ్ల్యూఎస్ అభ్యర్థులకు:  01/07/2022 నాటికి 18 నుంచి 30 సంవత్సరాల వయసు ఉండాలి. 
• ప్రభుత్వ ఉద్యోగులకు: 40 ఏళ్ల వరకూ

వయసు సడలింపు:

• ఎస్సీ: 05 ఏళ్లు
• ఓబీసీ: 03 ఏళ్లు

అర్హత:

• ప్రభుత్వ గుర్తింపు పొందిన ఏదైనా టెక్నికల్ ఇన్స్టిట్యూషన్ లో ఎం.వీ. మెకానిక్, ఎం.వీ. ఎలక్ట్రీషియన్, కాపర్ & టిన్స్మిత్, అప్ హోల్స్టర్ ఇలా ఏదైనా ఒక సంబంధిత ట్రేడ్ లో సర్టిఫికెట్ కలిగి ఉండాలి. 
• లేదా ఎనిమిదవ తరగతి ఉత్తీర్ణులై ఉండి.. సంబంధిత ట్రేడ్ లో ఏడాది పాటు అనుభవం ఉండాలి. 
• ఎం.వీ. మెకానిక్ పోస్టుకి దరఖాస్తు చేసుకునే అభ్యర్థులు ఎవరైతే ఉన్నారో.. వారికి ఖచ్చితంగా హెవీ మోటార్ వెహికల్ డ్రైవింగ్ లైసెన్స్ ఉండాలి. సర్వీస్ లో ఉన్న ఏ వాహనాన్ని అయినా పరీక్షించగలిగేలా ఉండాలి. 

ఎంపిక ప్రక్రియ: కాంపిటీటివ్ ఎగ్జామ్ ఆధారంగా అభ్యర్థులను ఎంపిక చేస్తారు. 

దరఖాస్తు ప్రక్రియ: ఆఫ్ లైన్ లో చేసుకోవాలి. 

దరఖాస్తు చేసుకోవడానికి సూచనలు:

• నోటిఫికేషన్ లో ఉన్న అప్లికేషన్ ఫార్మ్ ని ప్రింట్ తీసుకోవాలి. 
• ఇంగ్లీష్/హిందీ/తమిళం ఏదో ఒక భాషలో అప్లికేషన్ ను పూరించాలి. 
• ఏ పోస్టుకి అప్లై చేస్తున్నారు, అభ్యర్థి పేరు, కులం, తండ్రి పేరు వంటి వివరాలు పూరించాలి. 
• పాస్ పోర్ట్ సైజ్ ఫోటో ఒకటి అతికించి.. పేజీ కింద సంతకం చేయాలి. 
• ఎన్ని పోస్టులకైనా అప్లై చేయవచ్చు. అయితే విడివిడిగా అప్లై చేయాలి. 
• ఏ పోస్ట్ కి అప్లై చేస్తే ఆ పోస్ట్ పేరు పెట్టాలి. (ఉదాహరణ: అప్లికేషన్ ఫర్ ది పోస్ట్ ఆఫ్ స్కిల్డ్ ఆర్టిసన్ ఇన్ ట్రేడ్ ఎం.వీ. మెకానిక్) 

అప్లికేషన్ ని పంపవలసిన చిరునామా:

• The Senior Manager (JAG), Mail Motor Service, No.37, Greams Road, Chennai – 600 006 చిరునామాకి స్పీడ్ పోస్ట్ లేదా రిజిస్టర్డ్ పోస్ట్ ద్వారా మాత్రమే అప్లికేషన్ ని పంపించాలి.  

అప్లికేషన్ తో పాటు పంపించవలసిన జిరాక్స్ కాపీ డాక్యుమెంట్లు:

• వయసు నిర్ధారణ సర్టిఫికెట్ జిరాక్స్(పాన్ కార్డు, ఆధార్ కార్డు లేదా ఎడ్యుకేషనల్ సర్టిఫికెట్)
• ఎడ్యుకేషనల్ క్వాలిఫికేషన్ సర్టిఫికెట్ జిరాక్స్
• టెక్నికల్ క్వాలిఫికేషన్ సర్టిఫికెట్ జిరాక్స్
• డ్రైవింగ్ లైసెన్స్/లైసెన్స్ ఎక్స్ట్రాక్ట్ సర్టిఫికెట్ (ఎం.వీ. మెకానిక్ పోస్టుకు అప్లై చేసేవారు మాత్రమే)
• ట్రేడ్ ఎక్స్పీరియన్స్ సర్టిఫికెట్ జిరాక్స్
• కుల ధ్రువీకరణ సర్టిఫికెట్ జిరాక్స్
• ఈడబ్ల్యూఎస్ అభ్యర్థులు అయితే చట్టపరంగా జారీ చేయబడిన ఆదాయ ధ్రువీకరణ మరియు ఆస్తుల సర్టిఫికెట్ జిరాక్స్ సబ్మిట్ చేయాల్సి ఉంటుంది. 

దరఖాస్తు ఫీజు: 

• ఎస్సీ/ఎస్టీ/మహిళా ఉద్యోగులకు: దరఖాస్తు ఫీజు లేదు
• మిగతా అభ్యర్థులకు: రూ. 100/-

అర్హత గల అభ్యర్థులకు పరీక్ష ఫీజు:

• ఎస్సీ/ఎస్టీ/మహిళా ఉద్యోగులకు: పరీక్ష ఫీజు లేదు
• మిగతా అభ్యర్థులకు: రూ. 400/-

దరఖాస్తుకి ఆఖరు తేదీ: 09/01/2023 సాయంత్రం 5 గంటల వరకూ

• నోటిఫికేషన్ కోసం ఇక్కడ క్లిక్ చేయండి
•  మరింత సమాచారం కోసం ఇక్కడ క్లిక్ చేయండి

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.