సెంట్రల్ రైల్వేలో 2422 ఉద్యోగాలు.. మెరిట్ ఆధారంగా ఎంపిక..

సెంట్రల్ రైల్వేలో పలు అప్రెంటిస్ పోస్టుల భర్తీకి నోటిఫికేషన్ విడుదల చేసింది రైల్వే రిక్రూట్మెంట్ సెల్. సెంట్రల్ రైల్వే అధికార పరిధిలోని వర్క్ షాప్స్/యూనిట్లలో 2422 పోస్టులు ఖాళీగా ఉన్నట్లు నోటిఫికేషన్ లో తెలిపింది. ఫిట్టర్, కార్పెంటర్, వెల్డర్, మెషినిస్ట్, పెయింటర్ వంటి పలు పోస్టుల భర్తీకి ఆసక్తి గల అభ్యర్థులను ఆన్ లైన్ లో దరఖాస్తు చేసుకోవాల్సిందిగా సూచించింది. మెరిట్ ఆధారంగా అభ్యర్థులను ఎంపిక చేసి.. దేశంలోని పలు క్లస్టర్స్ లో ఉన్న సెంట్రల్ రైల్వే యూనిట్లు, రైల్వే రిక్రూట్మెంట్ సెల్, సెంట్రల్ రైల్వేల్లో ఉద్యోగాల్లో నియమిస్తారు. మరి ఈ పోస్టులు ఏంటి? పోస్టుకి కావాల్సిన అర్హతలు ఏమిటి? జీతం ఎంత ఇస్తారు? ఎలా దరఖాస్తు చేసుకోవాలి? వంటి వివరాలు మీ కోసం. 

మొత్తం పోస్టులు: 2422

• ముంబై క్లస్టర్ లో పోస్టులు : 1659
• భుసావల్ క్లస్టర్ లో పోస్టులు: 418
• పూణే క్లస్టర్ లో పోస్టులు: 152
• నాగ్ పూర్ క్లస్టర్ లో పోస్టులు: 114
• సోలాపూర్ క్లస్టర్ లో పోస్టులు: 79

అర్హతలు: 

• పదవ తరగతి పాసై ఉండాలి. లేదా 10+2 ఎగ్జామినేషన్ సిస్టమ్ కింద కనీసం 50 శాతం ఉత్తీర్ణత కలిగి ఉండాలి. 
• నేషనల్ కౌన్సిల్ ఫర్ ఒకేషనల్ ట్రైనింగ్ జారీ చేసిన నేషనల్ ట్రేడ్ సర్టిఫికెట్ ఉండాలి. 
• లేదా నేషనల్ కౌన్సిల్ ఫర్ ఒకేషనల్ ట్రైనింగ్/స్టేట్ కౌన్సిల్ ఫర్ ఒకేషనల్ ట్రైనింగ్ జారీ చేసిన ప్రొవిజనల్ సర్టిఫికెట్ ఉండాలి. 

దరఖాస్తు రుసుము: 

• ఎస్సీ/ఎస్టీ/పీడబ్ల్యూడీ/మహిళా అభ్యర్థులకు: ఫీజు లేదు 
• ఇతర అభ్యర్థులకు: రూ. 100/-

వయసు పరిమితి: 15/12/2022 నాటికి కనీసం 15 ఏళ్ల నుంచి 24 ఏళ్ళ లోపు ఉండాలి.  

వయసు సడలింపు: 

• ఎస్సీ/ఎస్టీ అభ్యర్థులకు: 05 ఏళ్లు 
• ఓబీసీ అభ్యర్థులకు: 03 ఏళ్లు
• దివ్యాంగులకు: 10 ఏళ్లు 

ఈ సామాజిక వర్గానికి చెందిన వారు ఖచ్చితంగా ఈ తేదీల మధ్య పుట్టి ఉండాలి:

• యూఆర్: 15/12/1998 నుంచి 15/12/2007
• ఎస్సీ, ఎస్టీ: 15/12/1993 నుంచి 15/12/2007
• ఓబీసీ: 15/12/1995 నుంచి 15/12/2007 

అభ్యర్థుల ఎంపిక: మెరిట్ ఆధారంగా ఎంపిక చేస్తారు. 

స్టైపెండ్: నెలకు రూ. 7,000/-

దరఖాస్తు ప్రక్రియ: ఆన్ లైన్ లో 

దరఖాస్తు చివరి తేదీ: 15/01/2023 సాయంత్రం 5 గంటల వరకూ

 

• నోటిఫికేషన్ కోసం ఇక్కడ క్లిక్ చేయండి
• దరఖాస్తు చేసుకునేందుకు ఇక్కడ క్లిక్ చేయండి
• దరఖాస్తు ఎలా చేసుకోవాలో తెలుసుకోవడం కోసం ఇక్కడ క్లిక్ చేయండి
• రైల్వే వెబ్ సైట్ కోసం ఇక్కడ క్లిక్ చేయండి