రాత పరీక్ష లేకుండా ప్రభుత్వ ఉద్యోగాలు.. మెరిట్ ఆధారంగా ఎంపిక..

భారత ప్రభుత్వ అటామిక్ ఎనర్జీ మంత్రిత్వ శాఖకు చెందిన యురేనియం కార్పొరేషన్ ఆఫ్ ఇండియా లిమిటెడ్ (యూసీఐఎల్) ఎక్స్ ఐటీఐ అభ్హ్యర్థుల నుంచి పలు పోస్టులకు దరఖాస్తులను ఆహ్వానిస్తోంది. ట్రేడ్ అప్రెంటిస్ షిప్ ట్రైనింగ్ కోసం 239 పోస్టుల భర్తీకి అభ్యర్థుల నుంచి దరఖాస్తులను స్వీకరిస్తోంది. ఫిట్టర్, ఎలక్ట్రీషియన్, వెల్డర్ వంటి పలు పోస్టులను జార్ఖండ్ ప్రాంతంలో ఉన్న యురేనియం కార్పొరేషన్ లో భర్తీ చేయనున్నారు. మరి ఈ పోస్టులకు ఉండాల్సిన అర్హతలు ఏమిటి? వయసు పరిమితి ఎంత ఉండాలి? జీతం ఎంత ఇస్తారు? ఎలా అప్లై చేసుకోవాలి? వంటి వివరాలు మీ కోసం. 

మొత్తం ఖాళీలు: 239

• ఫిట్టర్ పోస్టులు: 80
• ఎలక్ట్రీషియన్: 80
• వెల్డర్ (గ్యాస్, ఎలక్ట్రిక్):40
• టర్నర్/మెషినిస్ట్: 12
• ఇన్స్ట్రుమెంట్ మెకానిక్: 05
• మెకానికల్ డీజిల్/మెకానికల్ ఎంవీ: 12
• కార్పెంటర్: 05
• ప్లంబర్: 05

అర్హతలు:

• మెట్రిక్ లేదా పదో తరగతిలో కనీసం 50 శాతం ఉత్తీర్ణత సాధించి ఉండాలి.
• నేషనల్ కౌన్సిల్ ఫర్ ఒకేషనల్ ట్రైనింగ్(ఎన్సీవీటీ) ఇన్స్టిట్యూట్ లో సంబంధిత ట్రేడ్ లో ఐటీఐ ఉత్తీర్ణత సాధించి ఉండాలి.

వయసు పరిమితి: 30.11.2022 నాటికి 18 ఏళ్ల నుంచి 25 ఏళ్ల లోపు ఉండాలి. 

వయసు సడలింపు: ప్రభుత్వ నిబంధనల ప్రకారం 

• ఎస్సీ/ఎస్టీ: 05 ఏళ్లు
• ఓబీసీ (ఎన్సీఎల్): 03 ఏళ్లు

ఈ పోస్టులకి ఎవరు అనర్హులు:

• అభ్యర్థులు ఎవరైతే ప్రభుత్వ లేదా ప్రైవేట్ ఇండస్ట్రియల్ ఆర్గనైజేషన్ లో అప్రెంటిస్ షిప్ ట్రైనింగ్ అయ్యి, ట్రైనింగ్ అవుతున్న వారు ఈ పోస్టులకు అనర్హులు.

స్టైపండ్: 

అప్రెంటిస్ పోస్టులకి ఎంపికైన వారికి నెలకి కనీస స్టైపండ్ చెల్లించడం జరుగుతుంది.

ఎంపిక విధానం:

• ఐటీఐలో వచ్చిన మెరిట్ ఆధారంగా అంటే మార్కుల ఉత్తీర్ణత శాతం బట్టి ఎంపిక చేస్తారు.

దరఖాస్తు ప్రక్రియ: ఆన్ లైన్ లో చేసుకోవాలి. 

దరఖాస్తు చేసుకునే విధానం:

• https://www.apprenticeshipindia.gov.in/ వెబ్ సైట్ లోకి వెళ్ళాలి. 
• పైన కుడివైపు మెనూ బటన్స్ ఉంటాయి. వాటిలో నాల్గవది అయిన రిజిస్టర్ బటన్ మీద క్లిక్ చేయాలి. 
• క్యాండిడేట్ అని సెలెక్ట్ చేయాలి. 
• ఒక రిజిస్ట్రేషన్ పేజ్ ఓపెన్ అవుతుంది. 
• అందులో మీ పేరు, జనన తేదీ, మొబైల్ నంబర్, మెయిల్ ఐడీ వంటి వివరాలు పొందుపరిచి.. పాస్వర్డ్ క్రియేట్ చేసుకోవాలి. 
• సబ్మిట్ చేశాక మీ మెయిల్ కి యాక్టివేషన్ లింక్ వస్తుంది. అది క్లిక్ చేస్తే వెరిఫికేషన్ పూర్తవుతుంది. 
• రిజిస్ట్రేషన్ ప్రక్రియ పూర్తవుతుంది. 
• ఆ తర్వాత https://www.apprenticeshipindia.gov.in/login లోకి వెళ్లి లాగిన్ అవ్వాలి. 

లాగిన్ అయ్యాక అప్ లోడ్ చేయవలసిన డాక్యుమెంట్లు:

• పదోతరగతి మార్క్స్ షీట్, ఫైనల్ ఐటీఐ మార్క్స్ షీట్
• కుల ధృవీకరణ పత్రం (ఎస్సీ/ఎస్టీ/ఓబీసీ (ఎన్సీఎల్ అభ్యర్థులకు మాత్రమే))
• ఈడబ్ల్యూఎస్ అభ్యర్థులు ధృవీకరణ పత్రం జత చేయాలి. 
• దివ్యాంగులైతే మెడికల్ సర్టిఫికెట్ అప్ లోడ్ చేయాలి. 
• ఫోటో మరియు సంతకం అప్ లోడ్ చేయాలి. 
• ఆధార్ కార్డు, పాన్ కార్డు అప్ లోడ్ చేయాలి. 
• ఆధార్ కార్డుతో అనుసంధానం అయి ఉన్న బ్యాంకు ఖాతా వివరాలు అప్ లోడ్ చేయాలి. 

దరఖాస్తు చేసుకునేందుకు ఆఖరు తేదీ: 30/11/2022

• దరఖాస్తు కోసం ఇక్కడ క్లిక్ చేయండి.
• నోటిఫికేషన్ కోసం ఇక్కడ క్లిక్ చేయండి.
• అప్రెంటిస్ ట్రైనింగ్ కోసం రిజిస్టర్ చేసుకునేందుకు ఇక్కడ క్లిక్ చేయండి.
• దరఖాస్తు ప్రక్రియ పూర్తి చేసేందుకు ఇక్కడ క్లిక్ చేయండి.
• పూర్తి సమాచారం కోసం ఇక్కడ క్లిక్ చేయండి.