ఐపీఎల్ లో మొదలైన కొత్త టెన్షన్.. అతడు కరోనా బారినపడటంతో!

ఐపీఎల్ తాజా సీజన్ లో కరోనా కలకలం. అవును మీరు విన్నది నిజమే. గత రెండు మూడు సీజన్ల నుంచి మ్యాచులు, ప్లేయర్లకు సమస్యగా మారిన ఈ వైరస్.. ఇప్పుడు మరోసారి టోర్నీకి అడ్డంకిగా మారేలా కనిపిస్తుంది. ప్రస్తుత సీజన్ ప్రారంభమైన వారం రోజులు కూడా కాలేదు. అప్పుడే తొలి కేసు నమోదైంది. దీంతో అందరూ తెగ టెన్షన్ పడుతున్నారు. ప్లేయర్లతో పాటు కామెంటేటర్స్ కూడా అలెర్ట్ అయిపోతున్నారు. ప్రస్తుతం ఈ విషయం కాస్త ఫ్రాంచైజీల మధ్య డిస్కషన్ కు కారణమైంది. ఇంతకీ ఏం జరుగుతోంది? కరోనా ఎవరికి వచ్చింది?

ఇక వివరాల్లోకి వెళ్తే.. డిఫెండింగ్ ఛాంపియన్ గుజరాత్ జట్టు దిల్లీపై గెలిచింది. మంగవారం జరిగిన ఈ మ్యాచ్ మంచి ఇంట్రెస్టింగ్ గా సాగింది. ఈ లీగ్ లో వన్ ఆఫ్ ది కామెంటేటర్ అయిన ఆకాశ్ చోప్రా.. ఈ పోరుకు కామెంటరీ చేయాల్సింది. కానీ ప్రారంభం కావడానికి ముందే ఆయనకు కొవిడ్ పాజిటివ్ గా తేలింది. ఈ విషయాన్ని అతడే స్వయంగా ట్విట్టర్ పోస్ట్ చేశాడు. ప్రస్తుతం హిందీ కామెంటరీ ప్యానల్ లో కీ మెంబర్ గా ఉన్న అతడికి కరోనా రావడంతో.. కొన్నాళ్లకు అతడు వర్క్ కి బ్రేక్ తీసుకోనున్నాడు. ఇప్పుడు ఇతడికి వైరస్ సోకడం మాటేమో గానీ మిగతా కామెంటరీ ప్యానెల్ లోని సభ్యులు కంగారు పడుతున్నారు. ఇందులో ఆకాశ్ చోప్రాతో పాటు జహీర్ ఖాన్, సెహ్వాగ్, కుంబ్లే, ఉతప్ప, ఆర్పీ సింగ్ తదితర భారత మాజీ క్రికెటర్లు ఉన్నారు.

వీళ్లంతా కూడా ఇప్పుటివరకు ఆకాశ్ చోప్రాతో కలిసి ఐపీఎల్ మ్యాచులకు కామెంటరీ చెప్పుకొచ్చారు. అయితే ఇతడికి స్వల్ప లక్షణాలు ఉన్నట్లు తేలింది. కామెంటేటర్స్ వస్తే పెద్దగా ప్రాబ్లమ్ ఉండకపోవచ్చు గానీ స్టార్ ప్లేయర్లకు ఈ వైరస్ సోకితే మాత్రం మ్యాచులో మజా పోయే ఛాన్సు ఉంటుంది. ఈ విషయంలో బీసీసీఐ అప్రమత్తంగానే ఉంది. క్రికెటర్లు అక్కడికి ఇక్కడికి జర్నీ చేస్తున్నప్పుడు మాస్కులతోనే కనిపిస్తున్నారు. అయినాసరే టోర్నీలో కరోనా తొలికేసు నమోదు కావడంతో అందరూ జాగ్రత్తపడిపోతున్నారు. మరి ఐపీఎల్ తాజా సీజన్ లో కొవిడ్ కేసు నమోదు కావడంపై మీరేం అనుకుంటున్నారు. మీ అభిప్రాయాన్ని కింద కామెంట్ చేయండి.

Caught and Bowled Covid. Yups…the C Virus has struck again. Really mild symptoms…all under control. 🤞
Will be away from the commentary duties for a few days…hoping to come back stronger 💪 #TataIPL

— Aakash Chopra (@cricketaakash) April 4, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.