ధోనీ తోపు అని ఒప్పుకున్న టీమిండియా దిగ్గజం.. అలా చేసేసరికి అంతా షాక్!

ఐపీఎల్ లో ధోనీకి ఇది లాస్ట్ సీజన్ కాదు. దీని గురించి స్వయంగా అతడే ఓ మ్యాచ్ సందర్భంగా క్లారిటీ ఇచ్చాడు. దీంతో ఫ్యాన్స్ హమ్మయ్యా అని ఊపిరి పీల్చుకున్నారు. చెప్పింది వేరు రియాలిటీలో జరుగుతున్నది వేరు. ధోనీ చేస్తున్న పనులు చూస్తుంటే బాధ, గర్వం అనే రెండు ఎమోషన్స్ ఒకేసారి వస్తున్నాయి. ఈ ఐపీఎల్ లో సీఎస్కే జట్టు లీగ్ దశలో చెన్నైలో తన లాస్ట్ మ్యాచ్ ఆడేసింది. కానీ కోల్ కతాపై ఓడిపోయింది. సరే గెలవడం ఓడిపోవడం సంగతి పక్కనబెడితే.. ధోనీ చేసిన పని అందరినీ షాక్ లోకి తీసుకెళ్లిపోయింది. మరో దిగ్గజ క్రికెటర్ చేసిన పని అయితే.. ధోనీ ఫ్యాన్స్ జీవితాంతం కాలర్ ఎగరేసుకునేలా చేసింది.

ఇక వివరాల్లోకి వెళ్తే.. ఈ ఐపీఎల్ లో మోస్తరు ప్రదర్శన చేస్తూ వచ్చిన చెన్నై సూపర్ కింగ్స్ ఇప్పటివరకు 13 మ్యాచుల్లో ఏడింటిలో గెలిచింది. ఓ మ్యాచ్ వర్షం కారణంగా రద్దవడంతో ఓ పాయింట్ వచ్చింది. దీంతో 15 పాయింట్లతో రెండో స్థానంలో కొనసాగుతోంది. తాజాగా కోల్ కతాతో మ్యాచ్ లో 6 వికెట్ల తేడాతో ఓడిపోయింది. అయితే హోమ్ గ్రౌండ్ చెపాక్ లో ఇదే తనకు చివరి మ్యాచ్ అన్నట్లు ధోనీ.. స్టేడియం మొత్తం తిరుగుతూ ఫ్యాన్స్ కి అభివాదం చేస్తూ సందడి చేశాడు. ఈ ఫొటోల్ని చెన్నై జట్టు తన సోషల్ మీడియా ఖాతాల్లో పోస్ట్ చేసింది. దీంతో ఫ్యాన్స్ ఎమోషనల్ అవుతున్నారు. రిటైర్మెంట్ ఇచ్చేస్తున్నావా అంటూ తెగ బాధపడుతున్నారు.

ధోనీ రిటైర్మెంట్ అనేది.. చెన్నై ప్లే ఆఫ్స్ కి వెళ్లి కప్ గెలుచుకున్నాక ఇస్తాడా లేదా అనేది తెలియాల్సి ఉంది. ప్రస్తుత పరిస్థితులు చూస్తుంటే మాత్రం ధోనీ రిటైర్మెంట్ ఇచ్చేయడం గ్యారంటీ అనిపిస్తోంది. అయితే ఇప్పటివరకు ఏ కెప్టెన్ కి దక్కని గౌరవం ధోనీకి దక్కింది. అదే టీమింటియా దిగ్గజ క్రికెటర్ సునీల్ గావస్కర్.. ఏకంగా ధోనీ ఆటోగ్రాఫ్ ని తన షర్ట్ పై తీసుకున్నాడు. అది కూడా స్టేడియంలో అందరూ చూస్తుండగానే. దీన్ని ఐపీఎల్ లో జరిగిన అద్భుతమనే చెప్పొచ్చు. ఎందుకంటే ఏ కెప్టెన్ కి గానీ క్రికెటర్ కి గానీ భవిష్యత్తులోనూ ఇలాంటి అవకాశం రాదు! ఇది కచ్చితంగా చెప్పొచ్చు. ఎందుకంటే ధోనీ లాంటి మరొకడు రాడు, రాలేడు. ఇదంతా చూస్తున్న ఫ్యాన్స్.. ధోనీని దిగ్గజ క్రికెటరే తోపు అని ఒప్పుకొన్నాడు. ఇక ఈ జన్మకి ఇది చాలు అని అనుకుంటున్నారు. మరి ధోనీ చెపాక్ లో తిరగడం, గావస్కర్ షర్ట్ పై సంతకం పెట్టడం లాంటివి చూస్తుంటే మీకేం అనిపిస్తోంది? కింద కామెంట్ చేయండి.

Legendary! MS Dhoni Signs Autograph On Sunil Gavaskar’s Shirt During CSK’s Lap Of Honour at Chepauk

This is surreal ♥️
Best Day of my Life 🥹
You are OG @mahi7781 🤌🏻
Best moments of IPL 2023 so far#IPL2023 #CSKvKKR #dhoni #csk #autograph #MSDhoni pic.twitter.com/M3AixAWF08

— Sonik Roonwal (@RoonwalSonik) May 14, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.