follow us:
సాధారణంగా మనం బ్రతకాలంటే మన గుండెను ఆరోగ్యాంగా చూసుకోవాలని వైద్యులు సూచిస్తుంటారు. ఆ గుండె బాగుండాలంటే శరీరంలో కొలస్ట్రాల్(కొవ్వు) ఉండకూడదు. ఒకవేళ శరీరంలో కొవ్వు ఎక్కువగా ఉందంటే.. గుండెను కాపాడుకోవాలనే ప్రయత్నాలు విఫలం అవుతూనే ఉంటాయి. ఎందుకంటే శరీరంలో కొవ్వుంటే గుండెపోటు వచ్చే అవకాశం ఉంటుంది.
గుండెపోటు అనేది సీరియస్ అనడానికి కొలస్ట్రాల్ ని ముఖ్య కారణంగా చెబుతారు. గుండెపోటు ఇక WHO నివేదికల ప్రకారం.. ప్రపంచవ్యాప్తంగా అధిక మరణాలకు కారణం గుండెపోటేనట. రక్త నాళాలలో కొలస్ట్రాల్ ఏర్పడటం వల్ల గుండెపోటు వచ్చే అప్రమాదం ఉంటుంది. అయితే.. శరీరానికి కూడా కొలెస్ట్రాల్ అనేది లిమిటెడ్ గా అవసరమే. అందుకోసం కొన్ని పండ్లు, కూరగాయలతో చెడు కొలస్ట్రాల్ ను దూరం చేయవచ్చు. మరి శరీరంలో కొవ్వును కరిగించే పండ్లు, కూరగాయలు ఏమేం ఉన్నాయో చూద్దాం.
యాపిల్: గుండె వ్యాధి ఉన్నవారు రోజుకో యాపిల్ తింటే మంచిదని చెబుతుంటారు వైద్యులు. యాపిల్ తినడం వలన బాడీలో కొలస్ట్రాల్ కంట్రోల్ అవుతుంది. కాబట్టి ప్రతి రోజూ ఒక యాపిల్ తింటే గుండెకు చాలా మంచిది.
అవోకాడో: ఈ పండును కూడా రెగ్యులర్ ఫుడ్ లో చేర్చుకోవాలి. ఎందుకంటే ఈ సూపర్ ఫుడ్ మీ ఆరోగ్యానికి అనేక విధాలుగా ఉపయోగపడుతుంది. అన్ని వ్యాధులను దూరం చేస్తుంది. దీనిలో ఫ్యాటీ యాసిడ్‌ లతో పాటు విటమిన్‌ ఎ, బి, ఇ, ఫైబర్‌, మినరల్స్‌, ప్రొటీన్లు పుష్కలంగా ఉన్నాయి. చక్కెర శాతం చాలా తక్కువగా కాబట్టి కొలస్ట్రాల్ ను కరిగించడానికి చాలా మంచిదని చెబుతుంటారు డాక్టర్స్.
పప్పుధాన్యాలు: ప్రోటీన్‌ కోసం ఇవి చాలా మంచివి. అందుకే గుండె సంబంధిత సమస్యలు ఉన్నప్పుడు పప్పులు తినాలని సూచిస్తుంటారు. పప్పులు కొలస్ట్రాల్ పెరగకుండా చేస్తాయి.
ఆకుకూరలు: కొలస్ట్రాల్ కంట్రోల్ లో ఉండాలంటే.. ఆకుకూరలు చాలా మంచివి. అదీగాక ఆకుకూరలు, కూరగాయలు తినడం వల్ల ఎలాంటి వ్యాధులు రావు. గుండె వ్యాధులు ఉంటే.. ఎండాకాలంలో ఎక్కువగా మజ్జిగ తీసుకోవాలి. ఇది డీ హైడ్రేషన్‌ కి గురవ్వకుండా కాపాడతాయి.
వాటర్: ఎండాకాలంలో దాహం లేకున్నా తరచుగా నీళ్లు తాగుతూ ఉండాలి.
ఫ్రూట్స్: నీరుశాతం ఎక్కువగా ఉండే పుచ్చకాయ, దోసకాయ లాంటి పండ్లని తినే లిస్టులో చేర్చుకుంటే సరిపోతుంది.
(గమనిక.. అధ్యయనాలు.. వైద్యుల సూచనల సంబంధిత నివేదికల ప్రకారం ఈ వివరాలను అందించాం)
