follow us:
రాశులను బట్టి కూడా మనుషుల ప్రవర్తన ఉంటుందని జ్యోతిష్య శాస్త్రం చెబుతుంది. ఒక్కో రాశి వారు ఒక్కో విధమైన ప్రవర్తనను కలిగి ఉంటారట. గెలుపు విషయంలో కొన్ని రాశుల వారు చాలా దూకుడుగా వ్యవహరిస్తారట.
విజయం అంటే ఇష్టపడని వారు ఎవరు ఉండరు చెప్పండి. మన ఉన్నతి.. మనం సాధించే విజయాల మీదే ఆధారపడి ఉంటుంది. అందుకే పోటీ అన్నది మొదలైనప్పుడు అందరూ విజయం కోసం చూస్తూ ఉంటారు. అయితే, కొంతమందికి గెలుపు అనివార్యం కాకపోయినా.. మొండిగా గెలుపు సాధించటానికి ప్రయత్నిస్తూ ఉంటారు. ఎంతలా అంటే ఎదుటి వ్యక్తిని హింసించి, బాధించైనా సరే గెలుపు సాధించటానికి ప్రయత్నిస్తారు. గెలుపుకోసం ఎంతకైనా తెగిస్తారు. రాశులను బట్టి కూడా కొంతమందిలో గెలుపు కాంక్ష ఉంటుందని, గెలుపుకోసం ఎంతకైనా తెగించే ప్రవర్తన ఉంటుందని జ్యోతిష్య శాస్త్రం చెబుతోంది. ఈ రాశుల వారు గెలుపు కోసం ఎంత వరకైనా వెళతారు. ఎంతకైనా తెగిస్తారు. అలాంటి రాశుల వారు ఎవరంటే..
మేషం : ఈ రాశి వారు ప్రతీ విషయంలోనూ పోటీని కోరుకుంటారు. గెలవటం అంటే వీరికి మహా ఇష్టం. అందుకే గెలవటానికి తీవ్రంగా ప్రయత్నిస్తారు. వీరు ఏ విషయంలోనైనా ఓడిపోతే తీవ్రమైన కోపానికి గురవుతారు.
సింహం : వీరికి ఓడిపోవటం అస్సలు ఇష్టం ఉండదు. చిన్న పోటీలో ఓటమి పాలైనా అస్సలు తట్టుకోలేరు. తమకు ఇష్టమైన వాటిలో ఓటమి అంటే ప్రాణం పోయినట్లుగా భావిస్తారు.
వృశ్చికం : ఈ రాశి వారు ప్రతీ పోటీని చావు బతుకుల సమస్యగా భావిస్తూ ఉంటారు. ఓడిపోతే తట్టుకోలేరు. తమను ఓడించినవారి ప్రాణాలు తీయటానికి కూడా వెనకాడరు.
మకరరాశి : ఈ రాశి వారు కష్టాన్ని ఎక్కువ నమ్ముకుంటారు. అనుకున్న దాంట్లో ఓటమి వస్తే మాత్రం అస్సలు తట్టుకోలేరు. డిప్రెషన్‌లోకి వెళ్లిపోతారు.
ధనస్సు : ఈ రాశుల వారికి కూడా గెలుపంటే అత్యంత ఇష్టం. గెలవటానికి ఎంతటి కష్టాన్నైనా భరిస్తారు. ఓటమి ఎదురైతే మాత్రం ఇళ్లు పీకి పందిరి వేస్తారు. మరి, గెలుపుకోసం ఎంతకైనా తెగించే ఈ రాశుల వారిపై మీ అభిప్రాయాలను కామెంట్ల రూపంలో తెలియజేయండి.
