follow us:
ప్రస్తుతం సమాజంలో బంధం, వావివరసలు అనే పదాలకు అర్థాన్నే మార్చేస్తున్నారు. కొందరు కోరి అక్రమ సంబంధాలను పెట్టుకుని వైవాహిక జీవితాన్ని నాశనం చేసుకుంటుంటే.. ఇంకొందరు మాత్రం కామంతో రంకెలేసే కొందరి చేతుల్లో కీలు బొమ్మాల్లా మారిపోతున్నారు. వావివరసలు మరిచి వారితో పక్క పంచుకోవాలని రంకెలేసే కొందరి నీఛుల అకృత్యాలకు బలవుతున్నారు. కోరిక తీర్చుకోవడానికి ఆడది అయితే చాలు.. వరసతో సంబంధం ఏంటి అనే రీతిలో కొందరు మృగాళ్లు రెచ్చిపోతున్న తీరు నిత్యం చూస్తూనే ఉన్నాం. ఇక్కడ వావివరసలే కాదు వయసుతో కూడా సంబంధం లేదు అన్నట్లుగా ఇంకొందరు చేస్తున్న ఆగడాలు చూస్తుంటే జుగుప్సాకరంగా ఉంటుంది. తాజాగా అలాంటి ఘటన ఒకటి వనపర్తి జిల్లా చెన్నూరులో వెలుగులోకి వచ్చింది.
వివరాల్లోకి వెళితే.. వనపర్తి జిల్లా గోపాల పేట మండలం చెన్నూరులో ఓ కోడలు మామకు దేహశుద్ధి చేసింది. ఒక పెద్ద కర్ర తీసుకుని మామ రాములును కోడలు ఇష్టారీతిన కొట్టేసింది. ఆ తర్వాత అతణ్ని ఆస్పత్రికి తరలిస్తుండగా మార్గం మధ్యలోనే మృతిచెందినట్లు సమాచారం. అయితే ఆమె ఎందుకు అంతలా కొట్టిందని ప్రశ్నించగా తన మామ లైంగిక వేధింపులకు గురిచేస్తున్నట్లు ఆరోపించింది. అయితే అందుకు సంబంధించిన సాక్షాధారాలు సైతం తన వద్ద ఉన్నట్లు చెబుతున్నారు. ఓ రోజు మామ తనను లైంగికంగా వేధిస్తున్న విషయాన్ని ఆమె ఫోన్‌ లో చిత్రీకరిచింది. ఎంత చెప్పినా తన మామ ఆగడాలు ఆపడం లేదంటూ కర్రతో విచక్షణారహితంగా కొట్టడంతో అతను మృతి చెందినట్లు తెలుస్తోంది.
ఇదీ చదవండి: అంత్యక్రియలకు డబ్బులు లేక తల్లి డెడ్ బాడీని డ్రమ్ములో కప్పి పెట్టిన కొడుకు!
ఈ విషయంపై మృతుడి బంధువులు మరోలా స్పందిస్తున్నారు. ఆస్తి కోసమే తన మామను ఆ యువతి కొట్టిచంపిందని ఆరోపిస్తున్నారు. అయితే వీడియోలో మాత్రం మామ రాములు కోడలితో అసభ్యంగా ప్రవర్తిస్తుండటం ఉంది. మామను కొట్టే సమయంలో యువతి బంధువులు సైతం అక్కడే ఉన్నారు. ఆమె మామను కొడుతుండగా యువతి సోదరుడు ఇంకా కొట్టాలంటూ ప్రోత్సహించాడు. నీ మనవరాలి వయసుండే మా అక్కతో ఇలాంటి నీఛపు పనులు చేస్తావా? మా దగ్గర అన్నీ ఆధారాలు ఉన్నాయి అంటూ దగ్గరుండి దాడి చేయించారు. ఈ ఘటనపై మీ అభిప్రాయాలను కామెంట్స్ రూపంలో తెలియజేయండి.
