follow us:
దేశంలో ప్రతిరోజూ పదుల సంఖ్యల్లో రోడ్డు ప్రమాదాలు జరుగుతున్నాయి. డ్రైవర్ల నిర్లక్ష్యం, అతి వేగం ఈ ప్రమాదాలకు కారణం అవుతున్నాయని అధికారులు అంటున్నారు.
ఇటీవల దేశ వ్యాప్తంగా ప్రతిరోజూ ఎక్కడో అక్కడ పదుల సంఖ్యల్లో రోడ్డు ప్రమాదాలు జరుగుతూనే ఉన్నాయి. ఈ రోడ్డు ప్రమాదాల్లో ఎంతోమంది తమ పెద్ద దిక్కు కోల్పోయి రోడ్డున పడుతున్నారు. మద్యం సేవించి వాహనాలు అతివేగంగా నడపడం, కొన్ని ప్రకృతి వైపరిత్యాల వల్ల ఇలాంటి ప్రమాదాలు జరుగుతున్నాయి. ఏది ఏమైనా ఎన్ని కట్టుదిట్టాలు తీసుకుంటున్నా.. రోడ్డు ప్రమాదాలను మాత్రం అరికట్టలేకపోతున్నారు అధికారులు. ఈ మద్య కాలంలో కొంతమంది డ్రైవర్ల బరితెగించి మరీ ప్రవర్తిస్తున్నారు.. కారు ఢీకొట్టి ఆ వ్యక్తులను కిలోమీటర్ల వరకు ఈడ్చుకు వెళ్లిన ఘటనలు ఎన్నోవెలుగులోకి వచ్చాయి. ఇలాంటి ఘటనే ఢిల్లో మరొకటి చోటు చేసుకుంది. వివరాల్లోకి వెళితే..
దేశ రాజధాని ఢిల్లీలో కంఝవాలా లో జరిగి ఘటన మాదిరిగానే అత్యంత వేగంగా ప్రయాణిస్తున్న కారు టూ వీలర్ ని ఢీ కొట్టడంతో దానిపై ప్రయాణిస్తున్న ఇద్దరు వ్యక్తులో ఒకరు తీవ్ర గాయాలతో చనిపోగా మరో వ్యక్తి గాయాలతో ఆస్పత్రిలో చేరారు. ఈ దారుణ ఘటన కస్తూర్భా గాంధీ మార్గంలో శనివారం జరిగింది. ఓ వ్యక్తి ఈ ఘటనకు సంబంధించిన వీడియో తన ఫోన్ లో చిత్రీకరించి సోషల్ మీడియాలో అప్ లోడ్ చేయగా.. ప్రమాదానికి సంబంధించిన దృశ్యాలు ఆలస్యంగా వెలుగులోకి వచ్చాయి. టాల్‌స్టాయ్ మార్గ్ కూడలి వద్ద బైక్ పై వెళ్తున్న ఇద్దరు యువకులను మహింద్రా ఎక్స్ యూవీ కారు బలంగా ఢీ కొట్టింది. దీంతో బైక్ పై ఉన్న ఓ వ్యక్తి కారుపై పడ్డాడు.. మరో వ్యక్తి ఎగిరి అవతల పడ్డాడు.
ఇంత దారుణం జరిగినా కారులో ఉన్న డ్రైవర్ ఏమాత్రం కనికరం చూపించకుండా కారును అలాగే 3 కిలోమీటర్ల ఆ వ్యక్తిని ఊడ్చుకు వెళ్లాడు. ఈ ఘటనను ప్రత్యక్ష సాక్షి అయిన మహ్మద్ బిలాల్ తన స్కూటీ తో పాటు కారును వెంబడించి వీడియో తీశాడు. బిలాల్ కారును వెంబడించి ఎంతగా హారన్ కొట్టి ఆపమని చెప్పినా వినిపించుకోకుండా అలాగే వెళ్లిపోయాడు. అలా తీవ్రంగా గాయపడ్డ వ్యక్తిని ఢిల్లీ గేట్ సమీపంలో కారు నుంచి కింద పడేసి అక్కడ నుంచి కారులో పరార్ అయ్యాడు. తీవ్రంగా గాయపడ్డ ఆ వ్యక్తి అక్కడే మరణించాడు. మృతుడిని దీపాంశు (30) గా గుర్తించారు. ఈ ఘటనలో గాయపడ్డ మరో వ్యక్తి ముకుల్ (20) పరిస్థితి కూడా విషమంగా ఉంది. ఈఘటనపై ఢిల్లీ పోలీసులు కేసు నమోదు చేసి కారు నడిపిన హర్నిత్ సింగ్ చావ్లాను అరెస్ట్ చేశారు. ప్రమాద సమయంలో డ్రైవర్ మద్యం సేవించినట్లు పోలీసులు తెలిపారు.
#WATCH | Man Dies In Delhi Hit-And-Run, Seen Lying On Roof As Car Driven For 3 Km
Following a car hit a motorcycle one of the men on a motorcycle was thrown several feet away, while the other landed on the roof of the car
Incident took place at the intersection of Kasturba… pic.twitter.com/7ta267NDjT
— Subodh Kumar (@kumarsubodh_) May 3, 2023
