follow us:
పల్లెటూర్లలో సినిమా థియేటర్లు ఉండవు. సిటీకి వెళ్లి చూడాల్సి వస్తుంది. లేదంటే సినిమా రిలీజైన ఆరు నెలలకో, ఏడాదికో పండగ సందర్భంగా వీధిలో ప్రాజెక్టర్ పెట్టి ప్రదర్శిస్తారు. ఆ రోజులు తలచుకుంటే భలే అనిపిస్తుంది కదూ. మళ్ళీ అలాంటి రోజులు వస్తే బాగుంటుంది కదా. మీకెప్పుడైనా అలా ఒక సినిమాని ప్రదర్శించాలని అనిపించిందా? ఒకటి, రెండు రోజులు సినిమా ప్రదర్శిస్తే ఏముంటుంది? రోజూ సినిమా బొమ్మ ఆడితే వచ్చే ఆ కిక్కే వేరు అని మీకు అనిపించిందా? మీరెప్పుడైనా సినిమా థియేటర్ కి ఓనర్ అవ్వాలని అనుకున్నారా? ఓనరా? బ్యానరా? చాల్లే కోట్లు పెట్టుబడి కావాలి. కోట్లలో పెట్టుబడి మన వల్ల ఎక్కడవుద్దండి? ఇయన్నీ అయ్యే యాపారాలు కాదులే అని అనుకుంటున్నారా? అయితే మీరు పాప్ కార్న్ లో కాలేసినట్టే.
ఎందుకంటే కోట్లు పెట్టుబడితో పని లేకుండా తక్కువ పెట్టుబడితో నెలకు లక్షలు సంపాదించుకునే అవకాశం కల్పిస్తుంది కేంద్ర ప్రభుత్వం. చిన్న చిన్న పల్లెటూర్లలో థియేటర్లు అనేవి ఉండవని మీకు తెలిసిందే. ఇలాంటి గ్రామాల్లో మినీ థియేటర్లు పెడితే వేల మందికి ఉపాధి మార్గం దొరుకుతుందన్న ఉద్దేశంతో భారత ప్రభుత్వం ఈ సరికొత్త బిజినెస్ ఐడియాని లాంఛ్ చేసింది. ఒక పక్క ప్రభుత్వ ప్రోత్సాహం, మరో పక్క బ్యాంకులు లోన్లు ఇస్తాయి. బిజినెస్ స్టార్ట్ చేయడానికి ఇంతకంటే మంచి అకేషన్ ఇంకేం ఉంటుంది చెప్పండి. మరి ఈ బిజినెస్ ఏంటి? ఎంత పెట్టుబడి అవుతుంది? రిజిస్ట్రేషన్ కి ఎంత అవుతుంది? బిజినెస్ కి కావాల్సిన అర్హతలు ఏమిటి? అనే వివరాలు మీ కోసం.
కామన్ సర్వీస్ సెంటర్ మీకు ఐడియా ఉండే ఉంటుంది. కేంద్ర ప్రభుత్వ ఆధీనంలో ఎలక్ట్రానిక్స్ మరియు ఐటీ మంత్రిత్వ శాఖ కింద పని చేసే కామన్ సర్వీస్ సెంటర్లు.. గ్రామాల్లో ప్రజలకు విస్తృతంగా సేవలను అందిస్తున్నాయి. ఇప్పుడు లక్షలు సంపాదించాలను కలలు కనే యువత కోసం ఈ సీఎస్సీ థియేటర్ కాన్సెప్ట్ తో మన ముందుకు వచ్చింది. మినీ థియేటర్/సినిమా హాల్ కి ఓనర్ అవ్వాలనుకునే వారిని కామన్ సర్వీస్ సెంటర్ ఆహ్వానిస్తోంది. ఆసక్తి ఉన్న వారు ఆన్ లైన్ లో ఒక అప్లికేషన్ ఫారంని పూరించాలి. అయితే ఈ థియేటర్ కి ఓనర్ అవ్వాలంటే పెట్టుబడి ఉండాలి. థియేటర్ నిర్మాణానికి 7.5 లక్షల వరకూ పెట్టుబడి అవుతుంది.
మీకు తగిన అర్హతలు ఉంటే స్టేట్ బ్యాంక్ ఆఫ్ ఇండియా, పంజాబ్ నేషనల్ బ్యాంక్ వంటి బ్యాంకులు బిజినెస్ లోన్లు ఇస్తాయి. మీ దగ్గర కొంత డబ్బు ఉండి.. తక్కువ పెట్టుబడి అవసరం అయితే గనుక ముద్ర పథకం కింద లోన్ పొందవచ్చు. థియేటర్ ఒక్కటే కాదు, థియేటర్ సమీపంలో ఫుడ్ కోర్టులు, ఫన్ జోన్స్, ఇతర బిజినెస్ యాక్టివిటీస్ వంటి వాటిని కూడా సెట్ చేసే యోచనలో కూడా ఉంది. రూరల్ సినిమా యజమానులు.. మల్టీప్లెక్స్ లో రిలీజ్ అయిన రోజునే సినిమాలను రిలీజ్ చేసుకోవచ్చునని కామన్ సర్వీస్ సెంటర్ తెలిపింది. కాబట్టి సినిమా కొనుక్కున్నవారికి కూడా లాభమే.
అయితే థియేటర్ ఓనర్ అవ్వాలంటే లైసెన్స్ కోసం రిజిస్ట్రేషన్ చేయించుకోవాలి. దీనికి అయ్యే ఖర్చు కేవలం రూ. 21 వేలు. ఒకవేళ మీ అప్లికేషన్ రిజక్ట్ అయితే మీ డబ్బుని వెనక్కి తిరిగి ఇచ్చేస్తారు. లొకేషన్ వివరాలు, మాల్ లోపల గానీ లోకల్ మార్కెట్ లో గానీ సొంత బిల్డింగ్ లో గానీ ఓపెన్ ప్లేస్ లో ఇలా థియేటర్ ని ఎక్కడ సెటప్ చేయాలనుకుంటున్నారో అప్లికేషన్ ఫారంలో వివరాలు పొందుపరచాల్సి ఉంటుంది. అలానే మీ ఊరు చుట్టూ ఉన్న పొరుగు గ్రామాలు ఎన్ని ఉన్నాయో కూడా చెప్పాలి. ఒకసారి ఫారం పూరించి సబ్మిట్ చేసిన తర్వాత కామన్ సర్వీస్ సెంటర్ వాళ్ళు మిమ్మల్ని సంప్రదిస్తారు. మరింకెందుకు ఆలస్యం కింద ఉన్న లింక్ పై క్లిక్ చేసి మీ వివరాలు పొందుపరిచి.. ఈ థియేటర్ బిజినెస్ కి లైసెన్స్ పొందండి. థియేటర్ కి ఓనర్ అయిపోండి. ఆల్ ద బెస్ట్.
क्या आप सिनेमा के मालिक बनना चाहते?
कम निवेश में सर्वश्रेष्ठ सिनेमा सेटअप और हर महीने 5 लाख तक कमाने की संभावना।
वीएलईएस, यहां अपनी रुचि जमा करें: https://t.co/zVw6lAY2T5#CSC #DigitalIndia #RuralEmpowerment #CSCRuralCinemas #OctoberCinema pic.twitter.com/fLoZzJJwbm
— CSCeGov (@CSCegov_) November 27, 2022
