follow us:
మీరు గృహిణులా..? ఇంట్లో ఖాళీగా ఉంటున్నారా..? అయితే.. ఈ కథనం మీకోసమే.. ఇంట్లో ఖాళీగా ఉంటూ సమయాన్ని వృథా చేసుకోకుండా ఈ వ్యాపారం చేస్తే.. ప్రతి నెలా స్థిరమైన ఆదాయం పొందవచ్చు. ఈ బిజినెస్ ఏంటి..? ఎలా ప్రారంభించాలి..? లాభాలు ఎలా ఉంటాయన్నది తెలియాలంటే కింద చదివేయండి..
ఆదాయంలో మార్పులు లేనప్పటికీ.. ఏటా ఖర్చులు మాత్రం పెరుగుతున్నాయి. ఇక నిత్యావసర వస్తువుల ధరలు చూస్తే ఒకపూట తినడం మానుకోవాలన్న ఆలోచన రాక తప్పదు. ఇలాంటి రోజుల్లో భార్యభర్తలిద్దరూ సంపాదిస్తే తప్ప ఇళ్లు గడవదు. అందువల్ల నగరాల్లో నివసిస్తున్న చాలామంది ఇళ్లలో భార్యభర్తలిద్దరూ ఉద్యోగాలు చేస్తుంటారు. అయితే కొందరికి ఇళ్లు, పిల్లలను చూసుకునే వారు లేక ఇంటికే పరిమితం అవ్వాల్సి వస్తుంది. అలాంటి మహిళల కోసమే ఈ చక్కని బిజినెస్ ఐడియా. మహిళలు ఇంట్లోనే ఉంటూ.. వీలున్న సమయంలోనే ఈ బిజినెస్ చేస్తూ నెలకు రూ. 50వేలు సంపాదించుకోవచ్చు. ఈ బిజినెస్ ఏంటి..? ఎలా ప్రారంభించాలి..? లాభాలు ఎలా ఉంటాయి..? అన్నది ఇప్పుడు తెలుసుకుందాం..
సునామీ.. భూకంపం వంటి ప్రకృతి విపత్తులు ముంచుకొచ్చి ప్రపంచం మునిగిపోతున్నా మగువలకు అందం మీద ఇంట్రెస్ట్ తగ్గదు. ఈమధ్య కాలంలో పురుషులు కూడా ఎగబడుతున్నారనుకోండి.. మమ్మల్నే అంటున్నారని మహిళలు భావించకూడదు. అందంగా ఉండాలని ప్రతి ఒక్కరూ కోరుకుంటారు. దీన్నే బిజినెస్ గా మలుచుకోండి. బ్యూటీ పార్లర్ లాభదాయకమైన వ్యాపారం మరియు అభివృద్ధి చెందుతున్న వ్యాపారం. కోవిడ్ లాంటి సంక్షోభం సమయంలోనూ ఈ బిజినెస్ కు ఏమాత్రం డిమాండ్ తగ్గలేదంటే అర్థం చేసుకోండి.. ఈ వ్యాపారం ఎంత లాభదాయకమైనదో.. ఈ మధ్యకాలంలో ఈ వ్యాపారం ద్వారా చాలామంది మహిళలు లక్షల ఆదాయాన్ని గడిస్తున్నారు. మీరు ప్రతి నెలా స్థిరమైన ఆదాయం పొందాలంటే ఈ వ్యాపారం సరైనదని చెప్పొచ్చు.
ఈ బిజినెస్ ప్రారంభించాలంటే ముందుగా మీరు బ్యూటీషియన్ కోర్సు నేర్చుకొని ఉండాలి లేదా ఏదేని పార్లర్ లో శిక్షణ అయినా తీసుకోని ఉండాలి. అప్పుడే ఈ వ్యాపారం గురించి ఆలోచించవచ్చు. ఎందుకంటే ట్రైనింగ్ లేకుండా ఈ వ్యాపారం చేయడం అంత ఈజీ కాదు. ఏముందిలే మనుషుల్ని పెట్టుకొని ఎలాగోలా ముందుకు సాగిద్దామన్నా కొన్ని ఆటంకాలు ఎదురుకావచ్చు. ఇంట్లో ఉండే ఈ వ్యాపారం ప్రారంభించవచ్చు కావున మహిళలకు ఎలాంటి సందేహాలు అక్కర్లేదు. మీ చుట్టు పక్కలవారే.. మీ కస్టమర్లు. ఒకవేళ ఎక్కువ ఆదాయం కావాలనుకుంటే మాత్రం.. ఎక్కువ రద్దీ ఉన్న ప్రాంతాన్ని ఎంచుకోవాలి.
ఈ వ్యాపారాన్ని మీరు ఇంట్లోనే ప్రారంబించాలనుకుంటే పెద్దగా పెట్టుబడి అవసరముండదు. కేవలం 15వేల పెట్టుబడితో ఈ బిజినెస్ ప్రారంభించవచ్చు. పార్లర్ కు అవసరమైన వస్తువులు మాత్రమే కొనుగోలు చేయాల్సి ఉంటుంది. అదే పెద్దెత్తున పెట్టాలనుకుంటే మాత్రం లక్ష నుంచి రెండు లక్షల వరకు పెట్టుబడి పెట్టాల్సి ఉంటుంది. ఇక లాభాల విషయానికొస్తే.. ఇది మీ పని విధానంపైనే ఎక్కువుగా ఆధారపడి ఉంటుంది. మీరు వినియోగదారులకు నచ్చేలా ఉంటే ఆటోమెటిగ్గా వారు మీ వద్దకు వస్తారు. వచ్చిన వారితో స్నేహపూర్వకంగా ప్రవర్తిస్తే మిమ్మల్ని ఎప్పటికీ వదులుకోరు. అంతేకాదు కస్టమర్ల ఇంటికి వెళ్లి సేవలందించడం ద్వారా మీరు మరింత సంపాదించవచ్చు.
ఇంకా చెప్పాలంటే.. ఈ వ్యాపారం ద్వారా రెండు విధాలుగా ఆదాయం పొందవచ్చు. ఒకటి మీ దగ్గరకు వచ్చే కస్టమర్లు ద్వారా.. మరొకటి మీరు ఇతరులకు ట్రైనింగ్ ఇవ్వడాం ద్వారా. అంతేకాదు.. బ్యూటీ ప్రొడక్ట్స్ అమ్మడం.. బ్యూటీ థెరఫీ చేయడం ద్వారా మరింత ఆదాయం పొందవచ్చు. ఇంకా మెహందీ పెట్టడం నేర్చుకున్నట్లయితే పెళ్లిలకు, ఫంక్షన్లకు ఈ సేవలు అందించడం ద్వారా మీరు అదనంగా డబ్బు సంపాదించవచ్చు. గ్రామీణ ప్రాంతాల్లో కూడా ఈ బిజినెస్ ప్రారంభించవచ్చు. మహిళలకు సరైన ఉపాధి అందించే ఈ వ్యాపారాన్ని వెంటనే ప్రారంభించండి. ఈ బిజినెస్ పై.. మీ అభిప్రాయాలను కామెంట్ల రూపంలో తెలియజేయండి.
