follow us:
డబ్బులు ఎవ్వరికీ ఊరికే రావు.. ఈ మాట అక్షర సత్యం. కానీ.., కష్టపడి సంపాదించే ప్రతి రూపాయిని జాగ్రత్తగా ఇన్వెస్ట్ చేసుకుంటూ వెళ్తే… రిటైర్మెంట్ తరువాత అద్భుతమైన రిటర్న్స్ పొందవచ్చు. ఇలాంటి స్కీమ్ లు చాలానే ఉన్నాయి. కానీ.., ఇలాంటి అన్నీ స్కీమ్స్ పేద, మధ్య తరగతి ప్రజలు అందుబాటులో ఉండేవి కావు. వారు నెల నెల ఇంటి ఖర్చులకే డబ్బు సరిపోక అల్లాడుతుంటారు. అలాంటి ప్రజలు స్కీమ్స్ లో డబ్బులు కట్టడం అసాధ్యం. కానీ.., ఇప్పుడు మనం చెప్పుకోబోయే స్కీమ్ ప్రజలందరికీ సాధ్యమయ్యేదే. అదే అటల్ పెన్షన్ యోజన స్కీమ్.. రిటైర్మెంట్ తరువాత ఫిక్సిడ్ పెన్షన్ కావాలి అనుకుంటే ఈ స్కీమ్ గురించి జాగ్రత్తగా తెలుసుకోండి.
అటల్ పెన్షన్ యోజన స్కీమ్.. కచ్చితంగా పేద, మధ్య తరగతి ప్రజల కోసం రూపొందించిందే. ఈ స్కీమ్ లో జాయిన్ అవ్వాలంటే కనీస వయస్సు 18 ఏళ్లు కాగా, గరిష్ట వయస్సు 40 ఏళ్లు. 60 ఏళ్ళు వచ్చే వరకు.. రోజుకి 7 రూపాయలు ఇన్వెస్ట్ చేస్తే.. 60 ఏళ్ళు వచ్చిన తరువాత ప్రతినెల రూ.5000 ఫిక్సిడ్ పెన్షన్ అందుతుంది. అయితే.., ఇది గరిష్ట పరిమితి.
ఇంకా వివరంగా చెప్పాలంటే.. మనం ప్రతినెలా జమ చేసే దాని బట్టి పెన్షన్ వస్తుంది. ఉదాహరణకి రూ.1,000 పెన్షన్ కావాలంటే నెలకు రూ.42 చొప్పున, రూ.2,000 పెన్షన్ కావాలంటే నెలకు రూ.84 చొప్పున, రూ.3,000 పెన్షన్ కావాలి అనుకుంటే రూ.126 చొప్పున, రూ.4,000 పెన్షన్ కావాలంటే రూ.168 చొప్పున, రూ.5,000 పెన్షన్ కావాలి అనుకుంటే రూ.210 ప్రతి నెల జమ చేయాల్సి ఉంటుంది. నెలకి 200 రూపాయలు అంటే.. ఇంట్లో ఏ చిన్న ఖర్చు ఆపుకున్నా.. ఆ డబ్బులు మిగిలిపోతాయి. కాబట్టి.. పేద, మధ్య తరగతి వారికి రిటైర్మెంట్ తరువాత ఒక మంచి జీవితం కావాలి అనుకుంటే ఈ అటల్ పెన్షన్ యోజన స్కీమ్ చాలా అద్భుతమైనది. ఈ స్కీమ్ లో మీరు చేరాలి అనుకుంటే.. దగ్గరలో ఉన్న పోస్టాఫీస్ ని సంప్రదించండి. మరి.. ఈ స్కీమ్ పై మీ అభిప్రాయాలను కామెంట్స్ రూపంలో తెలియ చేయండి.
