ట్విట్టర్ మాజీ సీఈవోపై ‘హిండెన్‌బర్గ్ రీసెర్చ్’ సంచలన ఆరోపణలు

అదానీ గ్రూప్‌పై సంచలన ఆరోపణలు చేసి వెలుగులోకి వచ్చిన యూఎస్ షార్ట్ షెల్లింగ్ సంస్థ హిండెన్ బర్గ్ రీసెర్చ్ మరో బాంబ్ పేల్చింది. త్వరలో మరో కీలక నివేదికను విడుదల చేయనున్నామని గురువారం ప్రకటించిన కాసేపటికే అన్నంత పని చేసింది. ట్విట్టర్ మాజీ సీఈవో జాక్ డోర్సే నేతృత్వంలోని చెల్లింపుల సంస్థ ‘బ్లాక్ ఇంక్‌‘ భారీ అక్రమాలకు పాల్పడిందని హిండెన్ బర్గ్ వెల్లడించింది. అందుకు సంబంధించిన నివేదికను తమ ట్విట్టర్ ఖాతాలో పోస్ట్ చేసింది.

అదానీ సామ్రాజ్యం ఒక మాయాజాలం అంటూ హిండెన్ బర్గ్ రీసెర్చ్ వదిలిన నివేదిక ఎంత పని చేసిందో అందరికీ విధితమే. లక్షల కోట్ల సంపద ఆవిరయ్యింది. అదానీ గ్రూప్ కంపెనీలతో పాటు ఆయన వ్యక్తిగత సంపద కూడా తిరిగిపోయింది. ప్రపంచ కుబేరుల్లో రెండో స్థానంలో ఉన్న అదానీ ఏకంగా 23వ స్థానానికి పడిపోయారు. అప్పటినుంచి వార్తల్లోనే ఉంటున్న హిండెన్ బర్గ్ సంస్థ త్వరలో మరో కీలక నివేదికను విడుదల చేయనున్నామని గురువారం ప్రకటించింది. అయితే, అది దేనిపై అనే వివరాల్ని మాత్రం వెల్లడించలేదు. అలాగే ఎప్పుడో కూడా కచ్చితంగా చెప్పలేదు. కేవలం ‘‘త్వరలో మరో పెద్ద నివేదిక’’ అని మాత్రమే ట్వీట్‌ చేసింది. అనంతరం గంటల వ్యవధిలోనే ఆ వివరాలను వెల్లడించింది. జాక్ డోర్సే నేతృత్వంలోని బ్లాక్‌ సంస్థ చేసిన అక్రమాల చిట్టా ఇదేనంటూ హిండెన్‌బర్గ్ రీసెర్చ్ ఒక రిపోర్టును విడుదల చేసింది.

తమ రెండేళ్లలో పరిశోధనలో కీలక విషయాలను గుర్తించినట్టు హిండెన్‌బర్గ్ తన వెబ్‌సైట్‌లో ప్రచురించింది. జాక్ డోర్సే నేతృత్వంలోని ‘బ్లాక్ ఇంక్‌’ సంస్థ.. కస్టమర్లు తక్కువగా ఉన్నప్పటికీ.. ఎక్కువగా చూపించి పెట్టుబడిదారులను తప్పుదారి పట్టించిందని రిపోర్టులో వెల్లడించింది. అంతేకాకుండా వారి ఖర్చులను తక్కువ చేసి బ్లాక్ వ్యాపారానికి తెరతీసిందని పేర్కొంది. బ్లాక్‌ సంస్థకు చెందిన ‘అండర్‌బ్యాంక్’ కస్టమర్లలో ఎక్కువమంది నేరస్థులు లేదా అక్రమ కార్యకలాపాలలో పాల్గొన్న వారే ఉన్నారని ఆరోపించింది. తాము సమీక్షించిన ఖాతాల్లో 40 శాతం నుండి 75 శాతం నకిలీవని, ఒకే వ్యక్తి పేరిట ఉన్న అదనపు ఖాతాలని వెల్లడించింది. కాగా, ఈ నివేదిక వెలువడిన కాసేపటిలోనే ప్రీమార్కెట్ ట్రేడింగ్‌లో బ్లాక్ షేర్లు 18 శాతం కుప్పకూలడం గమనార్హం. 2009లో ఏర్పాటైన బ్లాక్‌ సంస్థ మొబైల్ బ్యాంకింగ్ సేవలను అందిస్తుంది.

NEW FROM US:

Block—How Inflated User Metrics and “Frictionless” Fraud Facilitation Enabled Insiders To Cash Out Over $1 Billionhttps://t.co/pScGE5QMnX $SQ

(1/n)

— Hindenburg Research (@HindenburgRes) March 23, 2023

We also think Jack Dorsey has built an empire—and amassed a $5 billion fortune—professing to care deeply about demographics he is taking advantage of.

Having sold shares near the top, he’s ensured he’ll be fine regardless of the outcome for everyone else.https://t.co/JSJtjx0MkD

— Hindenburg Research (@HindenburgRes) March 23, 2023