follow us:
బిగ్‌బాస్‌ సీజన్‌ 6 ముగింపు దశకు వచ్చేసింది. ఒక ఎపిసోడ్‌ను మించి మరో ఎపిసోడ్‌ ఆకట్టుకుంటున్నాయి. షోను మరింత రసవత్తరంగా మారుస్తున్నాయి. తాజాగా, హౌస్‌మేట్స్‌ను చూడటానికి వారి వారి కుటుంబసభ్యులు హౌస్‌లోకి అడుగుపెట్టారు. దీంతో హౌస్‌లో అయిన వాళ్లను చూడటానికి వెయ్యి కళ్లతో ఎదురు చూస్తున్న కంటెస్టెంట్లకు ఎంతో ఊరట లభించింది. అయిన వారిని చూడగానే సంతోషంలో మునిగితేలారు. ఈ నేపథ్యంలో లేడీ కంటెస్టెంట్లలో ఒకరైన ఇనయా సుల్తానాను చూడటానికి ఆమె తల్లి హౌస్‌లోకి వచ్చింది. తల్లిని చూడగానే ఇనయా ఎమోషనల్‌ అయింది. ఆమె దగ్గరకు పరిగెత్తుకుంటూ వెళ్లి గట్టిగా కౌగిలించుకుంది. తల్లికి క్షమాపణ కూడా చెప్పింది. ఇలాంటి సన్ని వేశాలు బిగ్‌బాస్‌ హౌస్‌లో కామనే అయినా.. ఇనయ తల్లికి క్షమాపణ చెప్పటం వెనుక ఓ పెద్ద కథే ఉంది.
ఇది చాలా ఏళ్ల క్రితం మొదలైన కథ. ఆ కథలో ఇనయానే హీరో, హీరోయిన్‌. తండ్రి కలను నెరవేర్చడానికి ఇనయా పడుతున్న కష్టాలు అందరినీ చలింప చేస్తాయి. ఇనయా తండ్రి చాలా ఏళ్ల క్రితం నటుడు కావాలని ఇండస్ట్రీకి వచ్చారు. అయితే, ఆయన నటుడు కాలేకపోయారు. ఆ బాధతోనే ఇంటికి తిరిగి వెళ్లిపోయారు. నటుడు కాలేకపోయానన్న బాధను ఇంట్లో వారికి అప్పుడప్పుడు చెబుతూ ఉండేవాడు. తండ్రి బాధను తెలుసుకున్న ఇనయా ఆలోచనల్లో మార్పు వచ్చింది. ఎలాగైనా తండ్రి కలను తాను నెరవేర్చాలని భావించింది. సినిమాల్లో రానించాలని కంకణం కట్టుకుంది. కానీ, ఇందుకు ఇనయా కుటుంబసభ్యులు ఒప్పుకోలేదు. సినిమాల్లోకి ఆడపిల్ల వెళ్లటం ఏంటని అన్నారు. ఇనయా వారి మాటలను పట్టించుకోలేదు. తండ్రి కలను నెరవేర్చాలని మాత్రమే ఆలోచించింది.
I once again want to clarify that the guy in this video is not me and the Girl in Red is not @inaya_sultana and I swear this on American President JOE BIDEN pic.twitter.com/K8nNera7Rc
— Ram Gopal Varma (@RGVzoomin) August 22, 2021
చదువు పూర్తయిన తర్వాత సినిమా అవకాశాల కోసం హైదరాబాద్‌ వచ్చింది. ఇక అప్పటినుంచి ఆమెకు కుటుంబంతో ఉన్న సంబంధాలు తెగిపోయాయి. ఆఖరికి తల్లి కూడా ఇనయాతో మాట్లాడటం మానేసింది. ఇనయా మాత్రం సినిమా అవకాశాల కోసం ఎంతో కష్టపడేది. ఆ కష్టానికి ఫలితంగా చిన్న చిన్న అవకాశాలు రాసాగాయి. ఈ నేపథ్యంలోనే ఆమె తండ్రి మరణించాడు. ఆ కష్టాన్ని దిగమింగుకుని చనిపోయిన తండ్రి కలను ఎలాగైనా నెరవేర్చాలని శపథం పట్టింది. ఇనయాకు చిన్న చిన్న పాత్రల్లో అవకాశాలు వస్తున్నా.. పెద్దగా గుర్తింపురాలేదు. ఇలాంటి సమయంలో ఇనయా బర్త్‌డే వేడుకలో రామ్‌ గోపాల్‌ వర్మతో ఆమె డ్యాన్స్‌ చేసిన వీడియో సోషల్‌ మీడియాలో వైరల్‌గా మారింది. దీంతో ఆమెకు పిచ్చ పబ్లిసిటీ వచ్చింది. అది కూడా నెగటివ్‌ పబ్లిసిటీ అయినా ఆమె ఇవన్నీ పట్టించుకోలేదు.
తన పనేంటో తాను చూసుకునేది. ఆ తర్వాత పలు సినిమాలో కీలక పాత్రల్లో సైతం నటించింది. ఈ నేపథ్యంలోనే ఆమెకు బిగ్‌బాస్‌ 6లో అవకాశం వచ్చింది. హౌస్‌లోకి అడుగుపెట్టిన తర్వాత కూడా ఆమె తన వ్యక్తిత్వాన్ని పక్కన పెట్టలేదు. తాను ఏది నమ్మిందో అదే చేస్తూ వస్తోంది. తన దైన స్టైల్లో గేమ్‌ను ఆడుతూ ఉంది. తన ఆటతో సగటు ప్రేక్షకుడి దృష్టిని ఆకర్షిస్తోంది. ఇంతలా కష్టపడుతున్న ఆమెకు దేవుడు ఓ మంచి, మరిచిపోలేని కానుకను ఇచ్చాడు. సినిమాల్లోకి వచ్చినందుకు ఇనయాతో మాటలు తెంచుకున్న తల్లే తన కోపాన్ని పక్కనపెట్టింది. కూతురిలోని కసికి మురిసిపోయి ఇనయాను క్షమించేసింది. ఏన్నో ఏళ్లు మాట్లాడని ఆమె ఇనయా కోసం హౌస్‌లోకి వచ్చింది. ఇదే ఇనయా పట్టుదలకు దక్కిన ఓ పెద్ద బహుమానం అని చెప్పొచు. ఎవరితో అయితే, వద్దుపో అనిపించుకుందో.. వారినే వద్దకు వచ్చేలా చేసుకుంది.
