follow us:
తెలుగు బుల్లితెరపై వస్తున్న బిగ్ బాస్ సీజన్ 5 ఈసారి చాలా సప్పగా సాగుతుందని ఆడియన్స్ అభిప్రాయపడుతున్నారు. ముఖ్యంగా గ్రూప్ లు కట్టి ఆటను రక్తి కట్టించకుండా చేస్తున్నారి ఫైర్ అవుతున్నారు. ఇక ఏడోవారం కెప్టెన్సీ టాస్క్ కూడా రచ్చ రచ్చగా సాగింది. రెండు రోజులుగా కొనసాగిన కెప్టెన్సీ పోటీదారుల టాస్క్ లో షణ్ముఖ్, సిరి, శ్రీరామ్, యానీ, సన్నీ,మానస్ విజేతలుగా నిలిచారు. వీరందరికీ బిగ్ బాస్ ఇచ్చిన కెప్టెన్సీ టాస్క్ ”వెంటాడు వేటాడు”. అసలే సరదా పక్కనపెట్టి వైల్డ్ బిహేవ్ చేస్తోన్న ఇంటి సభ్యులు ఈ టాస్క్ లో మరింత రెచ్చిపోయినట్టే కనిపించింది.
తాజాగా కెప్టెన్సీ పదవి కోసం ఇచ్చిన టాస్క్ లో శ్రీరామ్, సన్నీ మధ్య పెద్ద గొడవే జరిగింది. ఈ వారం కెప్టెన్సీ హూదాలో ఉన్న సన్నీతో శ్రీరామ్ పెద్ద గొడవ పెట్టుకున్నాడు. సన్నీ ఇండిపెండెంట్ ప్లేయర్ అనుకున్నా అని సెటైర్ వేయడం.. దానికి సన్నీ రా చూసుకుందాం అంటూ రెచ్చిపోవడంతో వారి మద్య పెద్ద గొడవ జరిగింది. మిగతా ఇంటి సభ్యులు వారించడంతో కాస్త కూల్ అయ్యాడు సన్ని. సెకెండ్ రౌండ్ లో శ్రీరామ్ ఏకంగా మానస్ ని టార్గెట్ చేశాడు. శ్రీరామ్, మానస్ ఔట్ అని సంచాలక్ జెస్సీ చెప్పడంతో సన్నీ వాగ్వాదానికి దిగాడు. తన డెసిషన్ ఫైనల్ అని తేల్చిచెప్పాశాడు జెస్సీ.
థర్డ్ రౌండ్ లో యానీ, షణ్ముక్, సిరి బరిలో దిగారు. ఇక్కడ యానీ మాస్టర్ విశ్వరూపం చూపించింది. అయితే అందరూ అనుకున్నట్టుగానే సిరీ, షణ్ముక్ ఒక్కటైనట్టు కనిపించింది.. దాంతో యానీ మాస్టర్ తీవ్ర ఆగ్రహానికి గురయ్యారు. మీరంతా గ్రూపులుగా ఆడుతున్నారని, సింగిల్‌గా ఆడేవారు ఎలా గెలుస్తారంటూ తన థర్మాకోల్ సంచిని కిందపడేసింది. వీడు వాడికి.. వాడు వీడికి సపోర్ట్ చేసుకుంటే.. సింగిల్ ఎలా ఆడి గెలుస్తారని బాధపడింది. ఈ ఇంట్లో ఉన్నంతవరకూ కెప్టెన్ అవ్వనంటూ శపథం చేసింది. ఆమెను ఓదార్చేందుకు సన్నీ వెళ్లగా అతడిపై కూడా ఫైర్ అయింది. నా కళ్ల ముందుకు రాకంటూ వార్నింగ్‌ ఇచ్చింది. ‘పందులే గుంపులుగా ఆడతాయి, సింహం సింగిల్‌గా ఆడుతుంది’ అంటూ డైలాగులు వదిలింది. ‘గేమ్‌లో షణ్ముఖ్ నా దగ్గరకు వస్తున్నాడు, మొగోడు ఆడే ఆట ఇదేనా’ అని మండిపడిపోయింది. నీకో గుంపుంది వెళ్లు అంటూ గొడవ పెట్టుకుంది.
ఆవేశంగా ఉన్న యానీ మాస్టర్ వద్దకు వచ్చిన శ్రీరామ్, రవి ఆమెను మరింత రెచ్చగొట్టారు.. ఇక్కడ గ్రూపులు బాగా అయ్యాయని.. వాళ్లకు వాళ్లే సపోర్ట్ చేసుకుంటున్నారని.. ఇదేక్కడి స్టాటజీ అంటూ ఫైర్ అయ్యారు. అయితే ఈ గొడవ చాలా సేపే జరిగింది. నాలుగో రౌండ్ లో సిరి-షణ్ముక్ పోటీ పడగా షణ్ముక్ విజేతగా నిలిచాడు. ఏడోవారం ఇంటి కెప్టెన్ అయిన షణ్ముక్ ని బిగ్ బాస్ అభినందించారు. అసలు గేమ్ ఇప్పుడే మొదలైందన్నాడు సన్నీ. మొదటి నుంచి కాంట్రవర్సీగా ఉంటున్న షణ్ముక్ కెప్టెన్సీలో హౌజ్ మేట్స్ ఎలా ఉంటారో చూడాలి.
