మీకు దమ్ముంటే ఆ పని చేయండి. యాంకర్ రవి భార్య నిత్య సవాల్!

తెలుగు బుల్లితెరపై వస్తున్న బిగ్ బాస్ రియాల్టీ షో కి మంచి ఆదరణ లభిస్తుంది. ప్రస్తుతం బిగ్ బాస్ చివరిదశకు చేరింది. రేపటిలో విన్నర్ ఎవరో తెలిసిపోతుంది.. ఇందుకోసం అన్నీ సిద్దం చేస్తున్నారు. ఈ సారి బిగ్ బాస్ హౌస్‌లో ఉన్న కంటెస్టెంట్లే అనుకుంటే.. బయటకు ఫ్యాన్స్ కూడా వికృత చర్యలకు పాల్పడుతున్నారు. ఫ్యాన్స్ మధ్య సోషల్ మీడియాలో వార్ నడుస్తోంది. పచ్చి బూతులతో  దూషించుకోవడమే కాకుండా.. తాము అభిమానించే కంటెస్టెంట్స్ ఒకవైపు సపోర్ట్ చేస్తూనే.. ఆపోజిట్ కంటెస్టెంట్స్‌‌పై నెగిటివ్ ప్రచారం. ఈ క్రమంలో సోష‌ల్ మీడియాలో కొంత‌మంది ఫేక్ అకౌంట్లు సృష్టించి,  యాంకర్ రవి, ఆయన కుటుంబ స‌భ్యుల్ని దారుణంగా ట్రోల్ చేయడమే కాకుండా.. చిన్న పిల్ల అని కూడా చూడకుండా రవి కూతుర్ని సైతం ట్రోల్ చేశారు. దీనిపై రవి, అతని భార్య నిత్య ఆవేదన చెందిన విషయం తెలిసిందే.

ఈ క్రమంలో సోషల్ మీడియాలో నెగిటివ్ తనపై వస్తున్న ప్రచారానికి తెరదించుతూ.. ట్రోల్స్ చేసేవారిపై  సైబర్ క్రైమ్‌లో కంప్లైంట్ చేశారు రవి. ఇదిలా ఉంటే.. తాను ఎలాంటి ఇబ్బందులు ఎదుర్కొన్నానో తెలియజేస్తూ.. నెగిటివ్ ట్రోల్స్ చేసే వాళ్లకి క్లాస్ పీకింది రవి వైఫ్ నిత్య. బిగ్ బాస్ హౌజ్ లోకి వెళ్లే ముందు తనను రవి పూర్తిగా సంసిద్దం చేశాడని.. మానసికంగా ఎన్ని ఇబ్బందులు ఎదురైనా ఎదుర్కొవాలని చెప్పినట్టు తెలిపింది. బిగ్ బాస్ హౌజ్ లో రవి ఉన్నంత కాలం ప్రతిరోజూ ఏదో ఒక ఇబ్బందికరమైన పోస్ట్ లు తనను ఎంతో ఆవేదనకు గురి చేసేవని.. ఒక దశలో రవి అకౌంట్ ఓపెన్ చేయాలంటే భయవేసేది.. ఏదైనా పోస్ట్ పెడితే దారుణంగా కామెంట్స్ వచ్చేవి.

నా అకౌంట్‌లో కామెంట్లు పెట్టడం మొదలుపెట్టారు.. చాలా పోస్ట్‌లు డిలీట్ చేశాను.. బ్లాక్ చేశాను.. రిపోర్ట్ చేశాను కానీ ట్రోల్స్ మాత్రం అస్సలు ఆగలేదని ఆవేదన వ్యక్తం చేసింది. ఫేక్ ట్రోల్ చేసేవారికి దమ్ముంటే వాళ్ల సొంత పేజ్‌ నుంచి పోస్ట్‌లు పెట్టొచ్చు.. కానీ భయం. ఇంకా దారుణంగా కొంత మంది మా పాప అకౌంట్‌ని వదల్లేదు. పాప పోస్టులు చూడదు.. అకౌంట్ యూజ్ చేయదు.. కానీ చిన్న పాపపై కూడా కామెంట్లు పెడుతుంటే వీళ్లు ఇంత దిగజారిపోయారా? నేను నా అకౌంట్‌లో ఎవర్నైతే బ్లాక్ చేశానో.. వాళ్లే పాప అకౌంట్‌లోకి వచ్చి మెసేజ్‌లు పెట్టేవారు.

నాకు అర్థమైన విషయం ఏంటంటే వాళ్లు మమ్ముల్ని మానసికంగా హింసించాలని ఫిక్స్ అయినట్లు అర్ధమైంది. నేను ఏం చేశాను.. రవి అంత పెద్ద తప్పు ఏం చేశాడు అంటూ ప్రశ్నించింది. మీకు నచ్చినవాళ్లకి సపోర్ట్ చేయడం కోసం వేరొకర్ని హింసించడం.. మానసికంగా కృంగిపోయేలా చేయడం కరెక్ట్ కాదు అంటూ ఆగ్రహం వ్యక్తం చేశారు రవి భార్య నిత్య.