follow us:
దర్శక ధీరుడు రాజమౌళి డైరెక్షన్‌లో.. రామ్‌ చరణ్‌, జూనియర్‌ ఎన్టీఆర్‌ వంటి ఇద్దరూ స్టార్‌ హీరోలతో తెరకెక్కిన ఈ చిత్రం ఆర్‌ఆర్‌ఆర్‌. మన దేశంలోనే కాక విదేశాల్లో కూడా సత్తా చాటుతోంది. ఇక తాజాగా ఈ సినిమాలోని నాటు నాటు పాటకు గోల్డెన్‌ గ్లోబ్‌ అవార్డు వచ్చింది. దీనిపై ప్రధాని నరేంద్ర మోదీ సహా ప్రముఖులంతా సంతోషం వ్యక్తం చేస్తూ.. అభినందనలు తెలుపుతున్నారు. తెలుగు వారి కీర్తి పతాకాలను అంతర్జాతీయ వేదిక మీద రెపరెపలాడించారు అంటూ ట్రిపుల్‌ ఆర్‌ టీంపై ప్రశంసలు కురిపిస్తున్నారు. సీఎం జగన్‌ కూడా ట్రిపుల్‌ ఆర్‌ టీమ్‌ను ప్రశంసిస్తూ.. ‘‘తెలుగు జెండాను ఎంతో ఎత్తులో ఎగరేసినందుకు మేమంతా గర్వపడుతున్నాం’’ అంటూ ట్వీట్‌ చేశాడు. దీనిపై ప్రముఖ గాయకుడు అద్నాన్ సమీ అభ్యంతరం వ్యక్తం చేశాడు. వేర్పాటువాదాన్ని ప్రోత్సాహిస్తున్నారు అంటూ కామెంట్‌ చేశాడు.
అయితే అద్నాన్ సమీ ట్వీట్‌పై నెటిజనులు, వైసీపీ నేతలు ఆగ్రహం వ్యక్తం చేస్తున్నారు. ఈ క్రమంలో ఏపీ వైద్యారోగ్య శాఖ విడదల రజినిమంత్రి స్పందిస్తూ.. అద్నాన్ సమీకి స్ట్రాంగ్‌ కౌంటర్‌ ఇచ్చారు. ‘‘ఒకరి మూలాన్ని గౌరవించడం వేర్పాటువాదాన్ని తెలియజేయదు. మీరు ట్విట్టర్‌లో అతిగా ఆలోచించే బదులు.. భారతదేశానికి మరో గోల్డెన్‌ గ్లోబ్‌ అవార్డు తెచ్చేలా కృషి చేయడం మంచిది’’ అంటూ ఎద్దేవా చేశారు. ప్రస్తుతం ఈ విషయం సోషల్‌ మీడియాలో హాట్ టాపిక్‌గా మారింది.
Taking pride in one’s own identity doesn’t allay their patriotism. Respecting one’s origin doesn’t convey separatism. Let’s not confuse both.
Rather than overthinking on Twitter, maybe you should work towards getting India another #GoldenGlobe @AdnanSamiLive https://t.co/YZuY1JrZCf— Rajini Vidadala (@VidadalaRajini) January 11, 2023
ఇక సీఎం జగన్‌ ట్వీట్‌కి రిప్లై ఇస్తూ.. ‘‘ అది తెలుగు జెండానా? మీ ఉద్దేశం భారతీయ జెండా అనా? ముందు మనం భారతీయులం. కాబట్టి దేశం నుంచి మీకు మీరు వేరుచేసుకోవడం దయచేసి మానుకోండి. ముఖ్యంగా అంతర్జాతీయంగా మనమంతా ఒక దేశం. వేర్పాటువాద ధోరణి అనేది అస్సలు మంచిది కాదు. దీన్ని 1947లో మనం చూశాం. ధన్యవాదాలు.. జై హింద్’’ అని అద్నాన్ సమీ ట్వీట్‌ చేశాడు. అది కాస్త వివాదానికి కేంద్ర బిందువయ్యింది. తెలుగు వారి ఖ్యాతిని ప్రశంసిస్తే వేర్పాటు వాదం అవుతుందా.. అద్నాన్ సమి చేసిన ఈ వ్యాఖ్యలతో మీరు ఏకీభవిస్తారా.. దీనిపై మీ అభిప్రాయాలను కామెంట్స్‌ రూపంలో తెలియజేయండి.
Telugu flag? You mean INDIAN flag right? We are Indians first & so kindly stop separating yourself from the rest of the country…Especially internationally, we are one country!
This ‘separatist’ attitude is highly unhealthy as we saw in 1947!!!
Thank you…Jai HIND!🇮🇳 https://t.co/rE7Ilmcdzb— Adnan Sami (@AdnanSamiLive) January 11, 2023
