follow us:
తేజ నిడమానూరు అంటే పెద్దగా పరిచయం లేని పేరు. ప్రస్తుతం నెదర్లాండ్స్ తరపున జాతీయ జట్టుకి ఆడుతున్న ఈ బ్యాటర్ మన ఇండియావాడు మాత్రమే కాదు తెలుగు వాడు కూడా. అయితే ఈ నెదర్లాండ్స్ క్రికెటర్ మాత్రం అచ్చం ధోని చేసినట్టే ఒక పని చేసి ఆశ్చర్యపరిచాడు.
వరల్డ్ కప్ క్వాలిఫయర్స్ లో భాగంగా నెదర్లాండ్ విజయం సాధించడంలో కీలక పాత్ర పోషించాడు మన తెలుగు కుర్రాడు తేజ నిడమానూరు. 76 బంతుల్లోనే 111 పరుగులు చేసి నెదర్లాండ్ సంచలన విజయం సాధించడంలో కీలక పాత్ర పోషించాడు. ఎంతో అనుభవమున్న ఒక స్పెషలిస్ట్ బ్యాటర్ లా ఆడుతూ జట్టుని విజయ తీరాలకు చేర్చాడు. తేజ నిడమానూరు విజయవాడకి చెందిన కుర్రాడు. అసలు అతని ప్రయాణం.. ‘విజయవాడ టూ నెదర్లాండ్స్ నేషనల్‌ క్రికెట్ టీమ్‌’ వరకు ఎలా సాగిందో ఇప్పుడు తెలుసుకుందాం..
పుట్టింది విజయవాడ.. పెరిగింది హైదరాబాద్‌.. రూలింగ్‌ నెదర్లాండ్స్! ఈ మధ్య వచ్చిన బాలకృష్ణ వీరసింహారెడ్డి సినిమాలో డైలాగ్‌కు కాపీలా ఉన్నా.. ఇది రియల్‌. విజయవాడలో పుట్టిన కుర్రాడు ఇప్పుడు నెదర్లాండ్స్ నేషనల్‌ క్రికెట్ టీమ్‌లో స్టార్‌గా మారిపోయాడు.
ఆ కుర్రాడు పుట్టింది ఆంధ్రప్రదేశ్ లోని విజయవాడలో. కానీ నెదర్లాండ్స్ క్రికెట్ జట్టుకు ఆడుతున్నాడు. ఏదో ఉన్నానంటే ఉన్నానన్నట్లు కాకుండా తాజాగా జరిగిన ఓ మ్యాచ్ లో సెంచరీతో రికార్డ్ సృష్టించాడు. తెలుగోడి సత్తా ఏంటో ప్రూవ్ చేశాడు.