ద్రావిడ్‌ చెప్పినట్లు వింటున్న విరాట్‌ కోహ్లీ! అందుకే..

టీమిండియా హెడ్‌ కోచ్‌ రాహుల్‌ ద్రావిడ్‌ ఎంత క్రమశిక్షణగా ఉంటాడో ప్రత్యేకంగా చెప్పాల్సిన పనిలేదు. ఆటగాడిగా కొన్ని ఏళ్ల పాటు అతన్ని చూసిన క్రికెట్‌ అభిమానులను అడిగితే కూడా చెప్తారు ఈ విషయం. అలాగే టీమిండియా టెస్టు జట్టు కెప్టెన్‌ విరాట్‌ కోహ్లీ మైదానంలో ఎంత అగ్రెసివ్‌గా ఉంటాడో కూడా అందరికి తెలిసిందే. ఇలా రెండు భిన్న ధృవాలుగా ఉన్న వీరిమధ్య సాన్నిహిత్యం ఎలా ఉంటుందో అని ద్రావిడ్‌ టీమిండియా కోచ్‌గా రావడాని​కి ముందు అంతా భావించారు.

ఈ అనుమానాలను పటాపంచలు చేస్తూ.. ద్రావిడ్‌, కోహ్లీ అత్యంత సన్నిహితంగా మెలుగుతున్నారు. ఈ క్రమంలో కోచ్‌గా ద్రావిడ్‌ సూచనలను కెప్టెన్‌ కోహ్లీ తూచా తప్పకుండా పాటిస్తున్నట్లు సమాచారం. వాస్తవానికి విరాట్‌ కోహ్లీ రెండో టెస్టు మ్యాచ్‌ ప్రారంభానికి ముందు మీడియా సమావేశానికి రావాల్సి ఉంది. కానీ కోహ్లీ రాలేదు. ద్రావిడ్‌ ఈ సమావేశానికి వచ్చాడు. దీంతో విలేకరులు కోహ్లీ ఫామ్‌లో లేడు కాబట్టే మీడియా సమావేశానికి రాలేదా? అని ప్రశ్నించారు. దీనిపై ద్రావిడ్‌ వివరణ ఇస్తూ.. అదేం లేదని, నేనే తనని ఏ విధమైన మీడియా సమావేశాల్లో పాల్గొనవద్దని చెప్పినట్లు వెల్లడించారు.

New year, same motivation. pic.twitter.com/25PNy69kGJ

— Virat Kohli (@imVkohli) January 2, 2022

దానికి ఒక కారణం ఉన్నట్లు పేర్కొన్నాడు. సౌతాఫ్రికాతో జరగబోయే మూడో టెస్టు కోహ్లీకి వందో టెస్టు కానుందని.. దాన్ని ప్రత్యేకంగా ఉంచేలా.. ఆ మ్యాచ్‌కి ముందు కోహ్లీ మీడియా సమావేశానికి హాజరవుతాడని ద్రావిడ్‌ పేర్కొన్నాడు. ఇలా ద్రావిడ్‌ పెట్టిన కండీషన్‌ను విరాట్‌ కోహ్లీ ఫాలో అవుతున్నట్లు తెలుస్తుంది. మరి కోహ్లీ, ద్రావిడ్‌ మధ్య సాన్నిహిత్యంపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: ప్రపంచ రికార్డుకు ఏడు అడుగుల దూరంలో విరాట్‌ కోహ్లీ