follow us:
భారత మహిళా జట్టులో పవర్ హిట్టర్ అనగానే ఓపెనర్ స్మృతి మందాన పేరే వినిపిస్తుంది. ఇంత టాలెంట్ ఉన్న ప్లేయర్ కాబట్టే ఈమె గత కొన్ని సీజన్స్ నుండి విమెన్స్ బిగ్ బాష్ లీగ్ లో సిడ్నీ థండర్స్‌ జట్టుకి ప్రాతినిధ్యం వహిస్తోంది. ఇక ఈ సీజన్ వుమెన్స్‌ బిగ్‌బాష్‌ లీగ్‌లో భాగంగా బుధవారం సిడ్నీ థండర్స్‌, మెల్‌బోర్న్‌ రెనీగేడ్స్‌ మధ్య మ్యాచ్ జరిగింది. ఈ మ్యాచ్‌లో స్మృతి మందాన విశ్వ రూపం చూపించింది.
ఈ మ్యాచ్ లో ముందుగా బ్యాటింగ్ చేసిన మెల్‌బోర్న్‌ రెనిగేడ్స్‌ నిర్ణీత 20 ఓవర్లలో 4 వికెట్ల నష్టానికి 175 పరుగులు చేసింది. తరువాత భారీ లక్ష్య చేధనతో బరిలోకి దిగిన సిడ్నీ థండర్స్‌ కి మందాన రూపంలో అద్భుతమైన ఆరంభం లభించింది. కానీ.., ఆమెకి మిగతా ప్లేయర్స్ నుండి అవసరమైన సహకారం మాత్రం లభించలేదు. దీంతో… సిడ్నీ థండర్స్‌ 4 పరుగుల తేడాతో ఓడిపోయింది. కానీ.., స్మృతి మందాన మాత్రం సుడిగాలి ఇన్నింగ్స్ ఆడి టీమ్ ని గెలిపించడానికి చివరి వరకు పోరాడింది.
మొత్తం 64 బంతుల్లో 14 ఫోర్లు, 3 సిక్సర్లతో 114 పరుగులు నాటౌట్‌ గా నిలిచి.. మెల్‌బోర్న్‌ రెనిగేడ్స్‌ బౌలర్స్ ని ఊచకోత కోసింది. స్మృతి మందాన దాటికి ఒకానొక సమయంలో సిడ్నీ థండర్స్‌ ఏక పక్షమే అనిపించింది. కానీ.., చివరిలో మందానకి సహకారం లోపించడంతో మ్యాచ్ చేరింది. కానీ.., స్మృతి మందాన సూపర్ సెంచరీకి మాత్రం క్రికెట్ ఫ్యాన్స్ ఫిదా అవుతున్నారు. ప్రస్తుతం ఈ వీడియో సోషల్ మీడియాలో వైరల్ అవుతోంది. మరి.. స్మృతి మందాన బ్యాటింగ్ ట్యాలెంట్ పై మీ అభిప్రాయాన్ని కామెంట్స్ రూపంలో తెలియజేయండి.
A beautiful innings!
Congratulations, @mandhana_smriti 🤩 #WBBL07 pic.twitter.com/Jwo4E1fN3X
— Weber Women’s Big Bash League (@WBBL) November 17, 2021
