follow us:
ఆస్ట్రేలియా స్పిన్‌ మాంత్రికుడు షేన్ వార్న్ హఠాన్మరణం క్రీడాలోకంలో తీవ్ర విషాదం నిపింది. తన స్పిన్‌ మయాజాలంతో ప్రత్యర్ధి బ్యాటర్లకు చుక్కలు చూపించిన లెజెండ్‌.. ఇక లేడన్న వార్తను అతడు అభిమానులు జీర్ణించుకోలేకపోతున్నారు. గుండెపోటుతోనే ఆయన ప్రాణాలు కోల్పోయినట్టు వార్తలు వెలువడుతున్నాయి. అయితే.. అచేతన స్థితిలో పడిఉన్నషేన్‌ వార్న్ ను బతికించడానికి..తన ముగ్గురు స్నేహితులు విశ్వ ప్రయత్నాలు చేశారని.. సుమారు 20 నిమిషాల పాటు అతడిని కాపాడేందుకు వారు చేసిన ప్రయత్నాలేవీ ఫలించలేదని థాయ్‌లాండ్ పోలీసులు మీడియాకు తెలిపారు. వార్న్ కొద్ది రోజులుగా నలుగురు స్నేహితులతో కలిసి థాయ్‌లాండ్ లోని ప్రైవేటు విల్లాలో బసచేస్తున్నాడు. ఈ క్రమంలోనే శుక్రవారం(మార్చి 4) రాత్రి మరణించాడు.
“అప్పటివరకు వారితో సరదాగా గడిపిన షేన్ వార్న్.. భోజనానికి రాకపోవడంతో స్నేహితుల్లో ఒకరు అతడి గదికి వెళ్లి చూడగా అప్పటికే అచేతనంగా పడి ఉన్నాడు. దీంతో వెంటనే స్పందించిన నలుగురు స్నేహితులు వార్న్ గుండెపోటుకు గురై ఉంటాడని భావించి.. ఛాతి భాగంలో సుమారు 20 నిమిషాల పాటు సీపీఆర్ చేసి ప్రాణాలు కాపాడాలని ప్రయత్నించారని థాయ్‌లాండ్ పోలీసులు మీడియాకు తెలిపారు. వెంటనే అంబులెన్స్ అక్కడికి చేరుకోవడం.. ఆస్పత్రికి తరలించాక వైద్యులు మళ్లీ సీపీఆర్ నిర్వహించినా ఫలితం లేకపోయింది” అని థాయ్‌లాండ్ చెందిన ఓ పోలీసు ఉన్నతాధికారి వెల్లడించారు.
ఇక వార్న్ మృతిపట్ల యావత్‌ క్రీడాలోకం దిగ్భ్రాంతికి గురైంది. తమ అభిమాన సహచరుడు లేడనే వార్త విని క్రికెట్‌ ప్రముఖులు విషాదంలో మునిగారు. వార్న్ కుటుంబానికి ఈ కష్ట కాలంలో ధైర్యాన్ని ప్రసాదించాలని దేవున్ని ప్రార్థించారు. 1969 సెప్టెంబర్ 13 న ఆస్ట్రేలియాలోని విక్టోరియాలో జన్మించిన వార్న్ అసలుపేరు.. షేన్ కీత్ వార్న్. 1992 లో ఆస్ట్రేలియా తరపున టెస్టుల్లో అరంగ్రేటం చేసిన వార్న్.. 2007 లో చివరి మ్యాచ్ ఆడాడు. 145 టెస్టు మ్యాచులు ఆడిన వార్న్ 273 ఇన్నింగ్స్ ల్లో 708 వికెట్లు తీశాడు. ఇక 1993 లో వన్డేల్లో అరంగ్రేటం చేసిన వార్న్ 194 వన్డేల్లో 293 వికెట్లు తీశాడు.
A tribute to the 👑 pic.twitter.com/hRAuacZ8fy
— Cricket Australia (@CricketAus) March 4, 2022
45 seconds on Shane Warne !
A simple edit !
It takes $0 for you to like this and remember him !
I m shattered !💔#ShaneWarne #CricketAustralia #GOAT𓃵 pic.twitter.com/Py9UknPmFJ— 4_0ThisAshes (@bhanuaryal49) March 5, 2022
