follow us:
క్రికెటర్లనైనా.. క్రికెట్ అభిమానులనైనా.. మీ ఫేవరేట్ క్రికెటర్ ఎవరంటే టక్కున చెప్పే పేరు ‘సచిన్ టెండూల్కర్’. అదే కాలంలో అంతర్జాతీయంగా చూస్తే.. బ్రియాన్ లారా, రికీ పాంటింగ్, ఆడమ్ గిలిక్రిస్ట్, వసీమ్ అక్రమ్.. ఇలా వారికీ నచ్చిన దిగ్గజ ఆటగాళ్ల పేరు చెప్పడం సహజం. కానీ టీమిండియా ఆల్ రౌండర్ హార్ధిక్ పాండ్యా తన పేవరేట్ క్రికెటర్.. పైన పేర్కొన్న వాళ్లెవరూ కాదంటున్నాడు. ఆధునిక కాలంలో గొప్ప క్రికెటర్లుగా పేరొందిన సెహ్వాగ్, గంగూలీ, ధోని, విరాట్ కోహ్లి వంటి వాళ్లు కూడా కాదంటున్నాడు. మరెవరు?. అదేనండి.. నిత్యం వార్తల్లో ఓ వెలుగు వెలుగుతూ ఉంటాడు కదా.. టీమిండియా మాజీ ఆటగాడు, ఓపెనర్, విదర్భ క్రికెటర్ ‘వసీం జాఫర్’. ఈ విషయాన్ని హార్దిక్ స్వయంగా వెల్లడించాడు.
“నాకు సచిన్, జాక్వస్ కలిస్, విరాట్ ల ఆటంటే చాలా ఇష్టం. వీళ్లే గాక చాలా మంది దిగ్గజాల ఆటను నేను ఇష్టపడతాను. కానీ నా ఫేవరేట్ క్రికెటర్ మాత్రం వసీం జాఫరే. అతడొక లెజెండరీ క్రికెటర్. జాఫర్ బ్యాటింగ్ చేస్తుంటే అలాగే చూడాలనిపిస్తుంది. పలు సందర్భాల్లో నేను కూడా జాఫర్ బ్యాటింగ్ స్టైల్ ను కాపీ కొడదామనుకున్నా. కానీ అతడి క్లాస్ ను అందుకోలేకపోయా..” అని హార్దిక్ చెప్పుకొచ్చాడు.
Hardik Pandya Reveals his favourite Cricketer. #WasimJaffer #HardikPandya pic.twitter.com/tX108qJtw0
— Cricket Updates Official (@Cric8_updates) June 7, 2022
టీమిండియా తరఫున 31 టెస్టులు ఆడిన జాఫర్.. 1,944 పరుగులు చేశాడు. అప్పటికే భారత జట్టులో సచిన్, సెహ్వాగ్, లక్ష్మణ్, ద్రావిడ్.. వంటి దిగ్గజాలు ఉండటంతో జాఫర్ కు జట్టులో ఉన్నప్పటికీ పెద్దగా అవకాశాలు రాలేదు. అయినా జాఫర్ తనకు అందివచ్చిన అవకాశాలను పూర్తిగా సద్వినియోగం చేసుకున్నాడు. తాను ఆడిన 31 టెస్టుల్లోనే.. 5 సెంచరీలు, 11 హాఫ్ సెంచరీలు సాధించాడు. జాతీయ జట్టులో జాఫర్ కు అంతగా గుర్తింపు దక్కకపోయినా దేశవాళీలో మాత్రం జాఫర్ టన్నుల కొద్దీ పరుగులు సాధించాడు. 260 ఫస్ట్ క్లాస్ఏ మ్యాచులాడిన జాఫర్.. ఏకంగా 19,410 పరుగులు చేశాడు. ఇందులో 57 సెంచరీలు, 91 హాఫ్ సెంచరీలున్నాయి. రంజీ ట్రోఫీలో అత్యధిక పరుగులు సాధించిన క్రికెటర్ గా ఘనత సాధించాడు.
Wasim Jaffer – The GOAT of Ranji Trophy. Only player to have scored 10K+ runs in this tournament. pic.twitter.com/JkzE2HOPQ4
— CricketMAN2 (@ImTanujSingh) June 7, 2022
ఇది కూడా చదవండి: Shoaib Akhtar: ఇంజమామ్ నా దగ్గరకు వచ్చి ‘సచిన్’ కు అలా వేయమని చెప్పేవాడు: షోయబ్ అక్తర్
ఇక హార్ధిక్ పాండ్యా విషయానికొస్తే.. కెరీర్ లో మొదటిసారి కెప్టెన్ గా పగ్గాలు చేపట్టినప్పటికీ.. ‘గుజరాత్ టైటాన్స్’ ను ఛాంపియన్ గా నిలపెట్టాడు. ఈ క్రమంలో.. పోయిన పరువును తిరిగి దక్కించుకోవడమే కాకుండా.. జాతీయ జట్టులోకి మరోసారి ఎంట్రీ ఇవ్వనున్నాడు. మరి.. హార్దిక్.. తన ఆరాధ్య క్రికెటర్ గా వసీం జాఫర్ ను ఎంచుకోవడంపై మీ అభిప్రాయాన్ని కామెంట్స్ రూపంలో తెలియజేయండి.
Wasim Jaffer names his all-time combined XI of the Indian T20 League.#WasimJaffer #KLRahul #ViratKohli #SureshRaina #MSDhoni #AndreRussell #HardikPandya #RashidKhan #RaviAshwin #YuzvendraChahal #JaspritBumrah #LasithMalinga #IPL2022 #Cricket #CricTracker pic.twitter.com/e8KWJmA0YB
— CricTracker (@Cricketracker) May 31, 2022
