మితిమీరిన సంబరాలు! రక్తం కారుతున్నా కూడా..

బిగ్‌బాష్‌ లీగ్‌ 11వ సీజన్‌ టైటిల్ విజేతగా పెర్త్‌ స్కార్చర్స్‌ జట్టు విజయం సాధించిన విషయం తెలిసిందే. మెల్‌బోర్న్‌ వేదికగా సిడ్నీ సిక్సర్స్‌తో జరిగిన ఫైనల్లో 79 పరుగుల తేడాతో విజయం అందుకున్న పెర్త్‌ స్కార్చర్స్‌ జట్టు నాలుగోసారి టైటిల్‌ను ఎగురేసుకుపోయింది. మ్యాచ్‌ విజయంలో కీలకపాత్ర పోషించిన జై రిచర్డ్‌సన్‌ కు ఒక వింత అనుభవం ఎదురైంది. విజయంలో భాగంగా ఆటగాళ్లు సెలబ్రేషన్స్‌ చేసుకుంటున్న సమయంలో రిచర్డ్‌సన్‌ గాయపడ్డాడు. అందుకు సంబంధించిన వీడియో సోషల్ మీడియాలో వైరల్ గా మారింది.

మరిన్ని స్పోర్ట్స్ వార్తల కోసం ఇక్కడ క్లిక్ చేయండి

When celebrations go wrong, featuring Jhye Richardson 😂 pic.twitter.com/xAkvP59fqy

— 7Cricket (@7Cricket) January 28, 2022

మ్యాచ్‌ విజయం అనంతరం పెర్త్‌ స్కార్చర్స్‌ ఆటగాళ్లు సంబరాలు చేసుకుంటున్న సమయంలో ఈ ఘటన జరిగినట్లుగా తెలుస్తోంది. చివరి వికెట్ గా స్టీవ్ ఓకేఫె ని అవుట్ చేసిన జై రిచర్డ్సన్ ఆనందంతో ఆటగాళ్లందరితో కలిసి సంబరాలు చేసుకుంటున్న సమయంలో మరో ఆటగాడి భుజం తాకినట్లుగా వీడియోలో స్పష్టమవుతోంది. భుజం బలంగా ముక్కుకు తాకడంతో ముక్కు నుంచి రక్తం కారడం మొదలైంది. అయితే మ్యాచ్ అనంతరం వివరణ ఇచ్చిన రిచర్డ్సన్ ఇది ఒకరకంగా నాకు మొమోరీగా ఉండిపోతుంది అని సమాధానమిచ్చాడు. ప్రస్తుతం దీనికి సంబంధించిన వీడియో సోషల్‌ మీడియాలో వైరల్‌గా మారింది.

That winning feeling 🤩🏆 #BBL11 pic.twitter.com/FCu3wVSvrJ

— KFC Big Bash League (@BBL) January 28, 2022

మ్యాచ్ విషయానికొస్తే.. మొద‌ట బ్యాటింగ్ చేసిన పెర్త్ స్కార్చర్స్‌ జట్టు సిడ్నీ సిక్స‌ర్స్ బౌల‌ర్లు చెల‌రేగ‌డంతో 25 ప‌రుగుల‌కే 4 వికెట్లు కోల్పోయి క‌ష్టాల్లో ప‌డింది. ఈ క్ర‌మంలో కెప్టెన్‌ టర్నర్, లారీ ఇవాన్స్ జోడి పెర్త్ స్కార్చ‌ర్స్‌ను ఆదుకున్నారు. వీరిద్ద‌రు క‌లిసి ఐదో వికెట్‌కు ఏకంగా 104 ప‌రుగుల సెంచ‌రీ భాగ‌స్వామ్యాన్ని నెలకొల్పారు. 41 బంతుల్లోనే 76 ప‌రుగులు చేసి ఇవాన్స్ అజేయంగా నిలిచాడు. దీంతో నిర్ణీత 20 ఓవ‌ర్ల‌లో 6 వికెట్ల న‌ష్టానికి పెర్త్ స్కార్చ‌ర్స్ 171 ప‌రుగులు చేసింది.172 ప‌రుగుల ల‌క్ష్యంతో బ‌రిలోకి దిగిన సిడ్నీ సిక్స‌ర్స్ ఏ ద‌శ‌లోనూ గెలిచేలా క‌నిపించ‌లేదు. పెర్త్ స్కార్చ‌ర్స్ బౌల‌ర్ల ధాటికి సిడ్నీ సిక్స‌ర్స్‌ వ‌రుస‌గా వికెట్లు కోల్పోయింది. చివరికి 16.2 ఓవ‌ర్ల‌లో 92 ప‌రుగుల‌కే ఆలౌటై ఘోర ప‌రాజ‌యాన్ని మూటగట్టుకుంది. దీంతో 79 ప‌రుగుల తేడాతో ఘ‌న‌విజ‌యం సాధించి పెర్త్ స్కార్చ‌ర్స్ నాలుగో సారి బిగ్‌బాష్ లీగ్ ట్రోఫీని తమ ఖాతాలో వేసుకుంది. పెర్త్ బౌల‌ర్ల‌లో ఆండ్రూ టై 3 వికెట్లు, రిచ‌ర్డ్స‌న్ 2 వికెట్లతో రాణించారు.