వెస్టిండీస్‌ సిరీస్ కి.. భారత జట్టు ఎంపిక

స్వ‌దేశంలో వెస్టిండీస్‌తో జరిగబోయే వన్డే, టీ20 సిరీస్‌లకు భారత జట్టును ప్రకటించింది బీసీసీఐ. తొడ కండరాల గాయం నుంచి పూర్తిగా కోలుకున్న రోహిత్‌శ‌ర్మ జ‌ట్టులోకి వ‌చ్చాడు. దీంతో కెప్టెన్‌గా రోహిత్ శ‌ర్మ సార‌థ్యంలో 18 మందితో కూడిన వ‌న్డే, టీ20 జ‌ట్టును సెల‌క్ట‌ర్లు ఎంపిక చేశారు. ఐపీఎల్ తో పాటుగా.. దేశవాళీ మ్యాచుల్లో మంచి ప్రదర్శన కనబరిచిన యువ ఆటగాళ్లు రవి బిష్ణోయ్, అవేష్ ఖాన్, దీపక్ హుడా తొలిసారి జట్టులో చోటు దక్కించుకున్నారు.

ఫిబ్రవరి 6వ తేదీ నుంచి భారత్, వెస్టిండీస్ మధ్య వన్డే సిరీస్ ప్రారంభం కానుంది. కెప్టెన్‌గా రోహిత్ శ‌ర్మ, వైస్ కెప్టెన్‌గా కేఎల్ రాహుల్ ఉండ‌గా.. వ‌న్డేలు, టీ20ల‌కు సీనియ‌ర్ ఆట‌గాడు విరాట్ కోహ్లీ ప్లేయర్ గా అందుబాటులో ఉన్నాడు. ఇక వ్య‌క్తిగ‌త కార‌ణాల‌తో కేఎల్ రాహుల్ తొలి వ‌న్డేకు దూరం కానుండగా.. రెండో వన్డే నుంచి జట్టుకు అందుబాటులో ఉండనున్నాడు. సీనియ‌ర్ పేస‌ర్లు జ‌స్ప్రీత్ బుమ్రా, మ‌హ్మ‌ద్ ష‌మీకి సెలెక్ల‌ర్లు విశ్రాంతి ఇచ్చారు. సౌతాఫ్రికా ప‌ర్య‌ట‌న‌లో ఆశించిన స్థాయిలో రాణించ‌లేక‌పోయిన సీనియ‌ర్ స్పిన్న‌ర్ ర‌విచంద్ర‌న్ అశ్విన్‌పై సెలెక్ట‌ర్లు వేటు వేశారు.

కొంత కాలంగా భార‌త జ‌ట్టులో చోటు లేని చైనా స్పిన్న‌ర్ కుల్దీప్ యాద‌వ్ వ‌న్డే జ‌ట్టులోకి రీఎంట్రీ ఇచ్చాడు. అత‌నితోపాటు లెగ్‌ స్పిన్నర్‌ రవి బిష్ణోయ్ తొలి సారి భార‌త జ‌ట్టుకు ఎంపిక‌య్యాడు. రెగ్యులర్ స్పిన్న‌ర్ చాహ‌ల్ జ‌ట్టులో త‌న స్థానం నిలబెట్టుకున్నాడు. ఇక సౌతాఫ్రికా ప‌ర్య‌ట‌న‌లో నిరాశ‌ప‌రించిన సీనియ‌ర్ పేస‌ర్ భువ‌నేశ్వ‌ర్ కుమార్‌కు వ‌న్డే జ‌ట్టులో చోటు ద‌క్క‌క పోయిన‌ప్ప‌టికీ టీ20 జ‌ట్టులో ద‌క్కింది. ఇక గాయం నుంచి కోలుకుంటున్న అక్ష‌ర్ ప‌టేల్ వ‌న్డే సిరీస్‌కు అందుబాటులో లేక‌పోయినప్ప‌టికీ టీ20 సిరీస్‌కు అందుబాటులో ఉండ‌నున్నాడు. గాయం నుంచి ఇంకా కోలుకోని ఆల్‌రౌండ‌ర్ ర‌వీంద్ర జ‌డేజా ఈ సిరీస్‌కు కూడా దూరంగా ఉండ‌నున్నాడు. పూర్తి ఫిట్‌నెస్ సాధించని కారణంగా ఆల్‌రౌండ‌ర్ హార్ధిక్‌పాండ్యాను సెలెక్ట‌ర్లు ఎంపిక చేయ‌లేదు.

క‌రోనా కార‌ణంగా సౌతాఫ్రికా ప‌ర్య‌ట‌న‌కు దూర‌మైన వాషింగ్ట‌న్ సుంద‌ర్‌కు వ‌న్డే, టీ20 రెండింట్లోనూ చోటు దక్కించుకున్నాడు. యువ వికెట్ కీప‌ర్ ఇషాన్ కిష‌న్ టీ20 జ‌ట్టులో చోటు నిల‌బెట్టుకున్నాడు. సౌతాఫ్రికా ప‌ర్య‌ట‌న‌లో వ‌న్డే సిరీస్‌లో విఫ‌ల‌మైన వెంక‌టేశ్ అయ్య‌ర్‌కు టీ20 జ‌ట్టులో చోటు ద‌క్కింది. రుతురాజ్ గైక్వాడ్ వ‌న్డే జ‌ట్టుకు ఎంపిక‌య్యాడు.

ఈ సిరీస్‌కు కొత్తగా ముగ్గురు యువ ఆటగాళ్లు ఎంపిక‌య్యారు. దీంతో వీరు అంత‌ర్జాతీయ క్రికెట్‌లో అడుగుపెట్ట‌బోతున్నారు. దీప‌క్ హుడా, ర‌వి బిష్ణోయ్‌, ఆవేశ్ ఖాన్ తొలిసారి భార‌త జ‌ట్టుకు ఎంపియ్యారు. 18 మందిలో 13 మంది ఆట‌గాళ్లు వ‌న్డే, టీ20 రెండు జ‌ట్ల‌లోనూ చోటు ద‌క్కించుకున్నారు. కాగా ఫిబ్ర‌వ‌రి 6, 9, 11వ‌ తేదీల్లో అహ్మ‌దాబాద్ వేదిక‌గా వ‌న్డే సిరీస్ (3 మ్యాచులు) జ‌ర‌గ‌నుంది. ఇక కోల్‌క‌తా వేదిక‌గా ఫిబ్ర‌వ‌రి 16, 18, 20వ‌ తేదీల‌లో టీ20 సిరీస్ (3 మ్యాచులు) జ‌ర‌గ‌నుంది.

వ‌న్డే జ‌ట్టు:

రోహిత్ శ‌ర్మ‌ (కెప్టెన్‌), కేఎల్‌ రాహుల్‌ (వైస్‌కెప్టెన్‌), రుతురాజ్ గైక్వాడ్‌, శిఖ‌ర్ ధవన్‌, విరాట్‌ కోహ్లీ, సూర్యకుమార్ యాద‌వ్‌, శ్రేయాస్ అయ్య‌ర్, దీపక్‌ హూడా, రిష‌బ్‌ పంత్‌, దీపక్ చాహర్‌, శర్దల్ ఠాకూర్, చాహల్‌, కుల్దీప్ యాద‌వ్‌, వాషింగ్టన్ సుందర్‌, ర‌వి బిష్ణోయ్‌, సిరాజ్‌, ప్రసిధ్‌ క్రిష్ణ, అవేశ్‌ఖాన్‌.

టీ 20 జట్టు
రోహిత్ శ‌ర్మ‌ (కెప్టెన్‌), కేఎల్‌ రాహుల్‌ (వైస్‌కెప్టెన్‌), ఇషన్ కిష‌న్‌, విరాట్ కోహ్లీ, శ్రేయాస్ అయ్య‌ర్, సూర్యకుమార్ యాద‌వ్, రిష‌బ్‌ పంత్‌, వెంకటేష్ అయ్యర్, దీపక్ చాహర్‌, శర్దల్ ఠాకూర్, ర‌వి బిష్ణోయ్‌, అక్షర్ ప‌టేల్, చాహల్‌, సుందర్‌, సిరాజ్‌, భువనేశ్వర్ కుమార్‌, అవేశ్‌ఖాన్‌, హర్షల్‌ ప‌టేల్

ODI squad: Rohit Sharma (Capt), KL Rahul (vc), Ruturaj Gaikwad, Shikhar, Virat Kohli, Surya Kumar Yadav, Shreyas Iyer, Deepak Hooda, Rishabh Pant (wk), D Chahar, Shardul Thakur, Y Chahal, Kuldeep Yadav, Washington Sundar, Ravi Bishnoi, Mohd. Siraj, Prasidh Krishna, Avesh Khan

— BCCI (@BCCI) January 26, 2022

T20I squad: Rohit Sharma(Capt),KL Rahul (vc),Ishan Kishan,Virat Kohli,Shreyas Iyer,Surya Kumar Yadav, Rishabh Pant (wk),Venkatesh Iyer,Deepak Chahar, Shardul Thakur, Ravi Bishnoi,Axar Patel, Yuzvendra Chahal, Washington Sundar, Mohd. Siraj, Bhuvneshwar, Avesh Khan, Harshal Patel

— BCCI (@BCCI) January 26, 2022

Jasprit Bumrah, Mohd. Shami have been rested from the series.
KL Rahul will be available from 2nd ODI onwards.
R Jadeja is undergoing his final stage of recovery post his knee injury and will not be available for the ODIs and T20Is.
Axar Patel will be available for the T20Is.

— BCCI (@BCCI) January 26, 2022