follow us:
మూడేళ్ల క్రితం జర్మనీలో ఉన్నత చదువులను అభ్యసించడానికి వరంగల్ జిల్లా కరీమాబాద్‌కి చెందిన కడారి అఖిల్ వెళ్లాడు. రెండు రోజల క్రితం ఓ నదిలో గల్లంతయ్యాడు. ఈ ఘటనతో అఖిల్ కుటుంబ సభ్యులు ఆందోళన చెందుతూ, తమ కొడుకు వివరాలను తెలిపేందుకు సాయం చేయాలంటూ కేటీఆర్‌ను ట్విటర్‌ ద్వారా కోరారు. వెంటనే స్పందించిన కేటీఆర్.. తన వంతు సాయం చేస్తానంటూ హామీ ఇచ్చారు. బాధిత కుటుంబసభ్యుల కథనం ప్రకారం..
గ్రేట్‌ వరంగల్ కి చెందిన కడారి అఖిల్ అనే యువకుడు మూడేళ్ళ క్రితం ఉన్నత చదువులు అభ్యసించేందుకు జర్మనీ వెళ్లాడు. ప్రస్తుతం అఖిల్ ఇంజినీరింగ్‌లో ఫైనలియర్‌ చదువుతున్నాడు. రెండు రోజుల క్రితం తన స్నేహితులతో కలిసి అఖిల్ ఒక నది వద్దకు వెళ్లాడు. ఫ్రెండ్స్ తో సరదాగా గడుపుతూ.. సెల్ఫీలు తీసుకున్నాడు. స్నేహితులు చెబుతున్నప్పటికీ అకిల్ సరదాగా నది ఒడ్డుకు వెళ్లి సెల్ఫీ దిగేందుకు ప్రయత్నించాడు.. అంతలోనే ప్రవాహం రాడంతో అందులో కొట్టుకుపోయాడు. స్నేహితులు, అక్కడి ఎంబసీ అధికారులు కుటుంబ సభ్యులకు సమాచారం అందించారు.
వరంగల్ లో మేస్త్రీ పని చేస్తూ అందరికీ బాగా పరిచయం అయిన కడారి పరుశరాములు ఇంట విషాదం జరిగిందని వార్త తెలుసుకున్న స్నేహిలులు, బంధువు కుంటుంబాన్ని ఓదార్చారు. కొడుకును ఉన్నత చదువులు చదివించేందుకు తాను ఎంతో కష్టపడ్డానని.. చేతికి అందే సమయంలో దేవుడు పట్టుకుపోయాడని కుటుంబ సభ్యులు కన్నీరు మున్నీరుగా ఏడుస్తున్నారు. అఖిల్ సోదరి తన సోదరుడి ఆచూకి, వివరాలు తెలిపేందుకు సాయం చేయాలంటూ మంత్రి కేటీఆర్‌ను ట్విటర్‌ ద్వారా కోరగా.. తన వంతు సాయం తప్పకుండా చేస్తానని హామీ మంత్రి కేటీఆర్ హామీ ఇచ్చారు.
Will speak to the authorities in Germany and do our best Rasagnya
My team @KTRoffice will keep you informed on any updates that we will get https://t.co/0BZTIh3Roh
— KTR (@KTRTRS) May 10, 2022
