మాట నిలబెట్టుకున్న ఆనంద్ మహీంద్రా.. చెప్పినట్టుగానే..

మహీంద్రా గ్రూప్ అధినేత ఆనంద్ మహీంద్రా సోషల్ మీడియాలో చురుగ్గా ఉంటారన్న సంగతి తెలిసందే. ప్రతిభావంతులను మెచ్చుకోవడమే కాదు.. కష్టాల్లో ఉన్నవారికి సాయమందించేందుకు ఎల్లపుడూ ముందుండే ఆనంద్ మహీంద్రా మరోసారి తన సేవా గుణాన్ని చాటుకున్నారు. ఇచ్చినమాట నిలబెట్టుకుంటూ ఓ దివ్యాంగుడికి తమ సంస్థలో ఉద్యోగం కల్పించారు. ఢిల్లీలోని మహీంద్రా ఎలక్ట్రానికి వెహికల్స్ ఛార్జింగ్ కంపెనీలో ఉద్యోగం ఇచ్చినట్లు తెలిపారు.

కాళ్లు, చేతులు సరిగా వృద్ధి చెందని అంగ వైకల్యం గల ఓ వ్యక్తి తన లోపాలను అధిగమిస్తూ ఓ ద్విచక్రవాహనాన్ని.. 3 చక్రాల వాహనంగా మార్చుకొని నడుపుతున్న ఓ వీడియో గత డిసెంబర్లో వైరలయ్యింది. ‘నాకు భార్య, ఇద్దరు చిన్న పిల్లలు, ముసలి తండ్రి ఉన్నారు. అందుకే సంపాదన కోసం బయటకు వెళ్తున్నా. అయిదు సంవత్సరాలుగా ఇదే వాహనాన్ని నడుపుతున్నా’ అంటూ ఆ దివ్యాంగుడు ఆ వీడియోలో చెప్పుకొచ్చాడు.

Received this on my timeline today. Don’t know how old it is or where it’s from, but I’m awestruck by this gentleman who’s not just faced his disabilities but is GRATEFUL for what he has. Ram, can @Mahindralog_MLL make him a Business Associate for last mile delivery? pic.twitter.com/w3d63wEtvk

— anand mahindra (@anandmahindra) December 27, 2021

ఈ వీడియో కాస్తా ఆనంద్ మహీంద్రా దృష్టికి వెళ్లడంతో ఆయన అప్పుడే స్పందించారు. ‘ఈ రోజు.. ఈ వీడియో కనిపించింది. ఇది ఎంత పాతదో, ఎక్కడ చిత్రీకరించారో తెలియదు. కానీ.. తన వైకల్యాన్ని ఎదుర్కోవడమే కాకుండా ఉన్నదాంతోనే కృతజ్ఞతా భావంతో మెలుగుతున్న ఈ వ్యక్తిని చూసి ఆశ్చర్యపోయా’ అని పేర్కొన్నారు. మహీంద్రా లాజిస్టిక్స్ సంస్థలోని ఓ ఉద్యోగికి ఈ ట్వీట్ను ట్యాగ్ చేస్తూ.. ఇతన్ని బిజినెస్ అసోసియేట్గా చేర్చగలరా?’ అని అడిగారు. ఆ దివ్యాంగుడికి ఉద్యోగం ఆఫర్ చేయడంతో ఈ ట్వీట్ కాస్త వైరల్ గా మారింది. అనంతరం ఆ వ్యక్తిని దిల్లీకి చెందిన బిర్జూ రామ్ గుర్తించారు.

మహీంద్రా సంస్థకు చెందిన ఓ బృందం తాజాగా బిర్జూ రాం ఇంటికి చేరుకొని ఆయనకు ఉద్యోగ నియామక పత్రాలు అందజేశారు. ఇందుకు సంబంధించిన ఫొటోలను ఆనంద్ మహీంద్రా ట్విటర్లో పంచుకుంటూ హర్షం వ్యక్తం చేశారు. బిర్జూ రాంకు దిల్లీలోని ఎలక్ట్రానిక్ వెహికల్స్ ఛార్జింగ్ కంపెనీలో ఉద్యోగం కల్పించినందుకు రామ్ అండ్ మహీంద్రా లాజిస్టిక్స్ కంపెనీకి ధన్యవాదాలు తెలుపుతూ ప్రతిఒక్కిరికి ఓ బ్రేక్ అవసరం’ అంటూ ట్వీట్ చేశారు.

There have been many follow up videos and negative ‘revelations’ about this gentleman on YouTube But I want to thank Ram and @Mahindralog_MLL for employing Birju Ram at one of our EV charging yards in Delhi. EVERYONE deserves a break… https://t.co/pBpH6TpgnB pic.twitter.com/mJHYKvjzBZ

— anand mahindra (@anandmahindra) February 2, 2022