సాధారణంగా ప్రజాప్రతినిధులు అంటే ప్రజలకు సేవ చేయడానికి ఎన్నోబడతారు. అందుకే ఎన్నిల సమయంలో మాకే ఓటేయండి అంటూ ప్రజల చుట్టూనే తిరుగుతూంటారు. అలా గెలిచిన కొందరు నాయకులు ప్రజల సమస్యల పరిష్కరం కోసం కృషి చేస్తారు. మరికొందరు అధికార గర్వం తలకెక్కి తమకంటే గొప్పవారు ఎవరు లేరనట్టూ ప్రవర్తిస్తుంటారు. కొన్ని సందర్భాల్లో వారి అధికారం చూపించడం కోసం ప్రభుత్వం ఉద్యోగులపై రెచ్చిపోయి మాట్లాడుతుంటారు. మరికొన్ని సందర్భాల్లో ప్రభుత్వ అధికారులపై చేయి కూడా చేసుకుంటారు. అలా శృతిమించి అతిచేసి విమర్శల పాలవుతుంటారు. తాజాగా కర్ణాటక రాష్ట్రంలోని ఓ ఎమ్మెల్యే.. కళాశాల ప్రిన్సి పాల్ పై అందరిముందు చేయి చేసుకున్నాడు. ప్రస్తుతం ఈ వీడియో సోషల్ మీడియాలో వైరల్ అవుతోంది. ఎమ్మెల్యేకి అధికార గర్వం తలకెక్కిందంటూ నెటిజన్లు సోషల్ మీడియాలో ఓ రేంజ్ లో ఫైర్ అవుతున్నారు. వివరాల్లోకి వెళ్తే.. కర్ణాటక రాష్ట్రంలోని జనతదళ్ ఎమ్మెల్యే ఎమ్.శ్రీనివాస్ మండ్యలోని నల్వాడి క్రిష్ణరాజ వడియార్ ఐటీఐ కాలేజిని సందర్శించాడు. అక్కడ జరుగుతున్న అభివృద్ధి పనులను పరిశీలించాడు. ఈక్రమంలో అభివృద్ధి పనుల గురించి ఆ కాలేజి ప్రిన్సిపాల్ ను ఎమ్మెల్యే అడిగాడు. అయితే సరైన సమాధానం ఇవ్వలేదని కోపంతో స్థానిక నాయకుల, మహిళల ముందు ఎమ్మెల్యే శ్రీనివాస రావు .. ప్రిన్సిపాల్ పై చేయిచేసుకున్నాడు. అనంతరం తీవ్రమైన పదజాలంతో దూషించాడు. ఇంత జరుగుతున్నా సహచర ఉపాధ్యాయులు కానీ, అక్కడి వారు కానీ ఎవరు నోరు మెదపలేదు. ఈఘటనకు సంబంధించిన వీడియో సోషల్ మీడియాలో వైరల్ అవుతోంది. వీడియో వైరల్ గా మారి పోవడం తో ఎమ్మెల్యే పై విమర్శలు వస్తున్నాయి. ప్రిన్సిపాల్ కి మద్దతుగా తోటి సహచరులు ఉంటూ ఆ ఎమ్మెల్యేపై పోలీసులకు ఫిర్యాదు చేయాలని, ఆ ఎమ్మెల్యేకి అధికార గర్వం తలకెక్కిందంటూ నెటిజన్లు కామెంట్స్ చేస్తున్నారు. మరి.. ఈ ఘటనపై మీ అభిప్రాయాలను కామెంట్స్ రూపంలో తెలియజేయండి. JanataDal MLA M Srinivas slaps the Principal of Nalwadi krishnaraja college in Karnataka in infront of everyone This happens when power goes to head Shame pic.twitter.com/8RTCCud8Mo — Sheetal Chopra (@SheetalPronamo) June 21, 2022
