follow us:
పారశ్రామికవేత్త ఆనంద్ మహీంద్రా గురించి ప్రత్యేక పరిచయం అక్కర్లేదు. వేల కోట్ల వ్యాపార సామ్రాజ్యానికి అధినేత.. నిత్యం ఊపిరిసలపని పనులతో బిజీగా ఉంటారు. అయితే తన వ్యాపార కార్యకలాపాలతో ఎంత బిజీగా ఉన్నా.. సోషల్‌ మీడియాలో కూడా అంతే యాక్టీవ్‌గా ఉంటారు. స్ఫూర్తిదాయక కథనాలు, వ్యక్తుల గురించి పోస్ట్‌ చేస్తూ ఉంటారు. ఇక ప్రతిభ ఉండి.. ఆదరణకు నోచుకోనివారికి తన వంతు సాయం చేస్తారు. ఇప్పటివరకు ఎందరినో ఆదుకున్న ఆనంద్ మహీంద్రా తాజాగా మరోసారి గతంలో తాను ఇచ్చిన మాట నిలబెట్టుకుని.. అందరి చేత ప్రశంసలు పొందుతున్నారు. ఇల్లు కట్టించి ఇస్తానని ఇడ్లీ అమ్మకు ఇచ్చిన మాట నిలబెట్టుకున్నారు ఆనంద్ మహీంద్రా. మదర్స్‌ డే రోజున కొత్త ఇంటిని ఆమెకు అప్పగించి.. తన మంచి మనసు చాటుకున్నారు ఆనంద్ మహీంద్రా. ప్రస్తుతం ఇందుకు సంబంధించిన వీడియో నెట్టింట వైరల్‌గా మారింది. ఆ వివరాలు…
ఇది కూడా చదవండి: వీడియో: కాకుల మాస్టర్‌ ప్లాన్‌.. ఆనంద్ మహీంద్రా ఫిదా!
తమిళనాడులోని వడివెలంపాలయం గ్రామానికి చెందని కమలాత్తాళ్‌ 37 ఏళ్లుగా రూపాయికే నాలుగు ఇడ్లీలు అమ్ముతూ పేదల ఆకలి తీరుస్తోంది. ఆ ప్రాంతంలో ఆమెను ఇడ్లీ అమ్మగా పిలుచుకుంటారు. ఈ ఇడ్లీ బామ్మ గురించి 2019లో ఆనంద్ మహీంద్రాకు ట్వీట్ చేయడంతో ఈ కథనం వైరల్‌గా మారింది. ఆమె సేవ గుణం చూసి ఫిదా అయిన ఆనంద్ మహీంద్రా ఆమెకు సాయం చేయడానికి ముందుకు వచ్చాడు. వంటగ్యాస్‌ కు అయ్యే ఖర్చును భరిస్తానని తెలిపాడు. అంతటితో ఆగక.. ఆమెకు ఇంటిని నిర్మించి ఇవ్వాలని నిర్ణయం తీసుకున్నాడు. ఈ విషయాన్ని ట్విట్టర్‌ వేదికగా ప్రకటించారు. ఇక మదర్స్‌డే సందర్భంగా ఆ హామీని నిలబెట్టుకున్నాడు ఆనంద్ మహీంద్రా.
ఇది కూడా చదవండి: ప్రభాస్ సినిమాను ఆకాశానికి ఎత్తేస్తూ ఆనంద్ మహీంద్రా ట్వీట్
మదర్స్‌ డే రోజున తాము నిర్మించిన ఇంటిని.. ఇడ్లీ అమ్మకు అందించారు. ఇందుకు సంబంధించిన వీడియోని ట్విట్టర్‌లో షేర్‌ చేయడంతో ప్రస్తుతం ఇది వైరలవుతోంది. ఈ వీడియో చూసిన నెటిజనులు.. ఆనంద్ మహీంద్రా మంచి మనసుపై ప్రశంసలు కురిపిస్తున్నారు. మీకు సెల్యూట్‌ సార్‌.. మిమ్మల్ని చూసి గర్వపడుతున్నాను.. మీరు ఎప్పుడు ఇలానే మా అందరికి స్ఫూర్తిగా ఉండాలని కోరుతున్నాను అంటూ ప్రశంసిస్తున్నారు. మదర్స్‌ డే రోజున ఇడ్లీ అమ్మ ఆశీస్సులు పొందడం దేవుడి ఆశీస్సులు పొందడం లాంటిదేనని మరొకరు కామెంట్‌ చేశారు. ఆనంద్ మహీంద్రా చేసిన ఈ మంచి పనిపై మీ అభిప్రాయాలను కామెంట్స్‌ రూపంలో తెలియజేయండి.
Immense gratitude to our team for completing the construction of the house in time to gift it to Idli Amma on #MothersDay She’s the embodiment of a Mother’s virtues: nurturing, caring & selfless. A privilege to be able to support her & her work. Happy Mother’s Day to you all! pic.twitter.com/LgfR2UIfnm
— anand mahindra (@anandmahindra) May 8, 2022
ఇది కూడా చదవండి: ఆనంద్ మహీంద్రాను ఫిదా చేసిన ఉడెన్‌ ట్రెడ్‌మిల్‌.. ఒకటి పంపాలంటూ రిక్వెస్ట్‌
