విషాదం: పోలీసుల కాల్పుల్లో బాలిక దుర్మరణం

మారణాయుధంతో వస్త్ర దుకాణంలోకి చొరబడి దుండగుడు అందరిని భయభ్రాంతులకు గురిచేశాడు. పోలీసులు అతడిపై కాల్పులు జరిపుతున్న క్రమంలో ఓ తూట తగిలి పాప మృతిచెందింది. క్రిస్మస్ వేళ ఆ పాప ఇంట విషాదం నిండింది. వివరాల్లోకి వెళ్తే.. అమెరికాలోని శాన్ ఫెర్నాండో వ్యాలీ ప్రాంతంలోని బర్లింగ్ టన్ క్లాత్ స్టోర్ లో క్రిస్మస్ పండుగ కోసం షాపింగ్ వచ్చిన వారితో రద్దీగా ఉంది. ఆ సమయంలో ఓ దుండగుడు మారణాయుధంతో చొరబడి అందరినీ భయభ్రాయంతులకు గురిచేశాడు. ఆ దుండగుడు మతిస్థిమితం లేనివాడిలా ప్రవర్తిస్తూ చేతి కందిన వస్తువులను అక్కడివారిపై విసిరేశాడు.

మరిన్ని క్రైమ్‌ వార్తల కోసం క్లిక్‌ చేయండి.

సైకిల్ లాక్ కేబుల్ తో ఓ మహిళపై దాడి కూడా చేసినట్లు ప్రత్యక్ష సాక్షులు తెలిపారు. సమాచారం అందుకున్న పోలీసులు  అక్కడికి చేరుకుని ఆ దుండగుడిపై కాల్పులు జరిపారు. దీంతో  అతడు అక్కడిక్కడే మృతిచెందాడు. ఈ క్రమంలో ఆ దుండగుడి వెనుకే ట్రయల్ రూంలో ఉన్న 14 ఏళ్ల బాలికకు ఓ తూట తాకడంతో ఆమె కూడా అక్కడికక్కడే మృతి చెందింది. బాలిక మృతిపట్ల తీవ్ర విచారం వ్యక్తం చేస్తున్నట్లు అక్కడి పోలీస్ అధికారి తెలిపారు. మృతుల పేర్లు, వివరాలు పోలీసులు వెల్లడించలేదు.

I’m seeing 14 yr old girl, shot by police while in a dressing room, police were firing at an assault suspect. One dead one in hospital after shooting at Roosters restaurant, in Louisville, KY. Per @WLKY. I’m still watching to get more details on dressing room shooting.

— Tim requires ACCOUNTABILITY (@TC40219) December 24, 2021