follow us:
సాధారణంగా భార్యభర్తల మధ్య గొడవలు సహజం. అయితే కొన్ని సందర్భాల్లో చిన్న చిన్న మనస్పర్థలతో భార్యలు అలిగి పుట్టింటికి వెళ్తుంటారు. కొన్ని రోజులకు తిరిగి భర్త వద్దకు వస్తారు. కానీ భార్యపై అలిగి ఇంటిని నుంచి వెళ్లిపోయిన భర్తలు చాలా అరుదుగా కనిపిస్తారు. ఒక వేళ వెళ్లినా తిరిగి సాయంత్రానికి ఇంటికి వస్తారు. తాజాగా ఓ వ్యక్తి అలానే భార్యపై అలిగి ఇంటి నుంచి వెళ్లిపోయాడు. భార్యకు దూరంగా ఎయిపోర్టులో జీవనం నివాసం ఉంటున్నాడు. అలా ఒకటి, రెండు కాదు దాదాపు 14 ఏళ్లు అక్కడే జీవనం సాగిస్తున్నాడు. భార్యపై కోపంతోనే ఎయిపోర్టులో జీవనం సాగిస్తున్నాడని అక్కడి సిబ్బంది తెలిపాడు. మరి. ఆ వ్యక్తి.. భార్యపై అలగటానికి గల కారణం ఏమిటో ఇప్పుడు తెలుసుకుందాం..
చైనాలోని బీజింగ్ ఇంటర్నేషనల్ వీ జియాంగ్వో ఎయిర్‌పోర్టులో అత‌డు 14 ఏళ్లుగా జీవిస్తున్నాడు. అయితే 2008 లో భార్యతో జరిగిన గొడవ జరిగింది. ఈ క్రమంలో వీ జియాంగ్వోకు చేస్తున్న ప్రభుత్వ ఉద్యోగం పోయింది.దీంతో ఆమెపై అలిగి ఇంటి నుంచి బయటకి వచ్చాడు. ఇక ఇంటికి తిరిగి వెళ్లకుడదని అప్పుడే నిర్ణయించుకున్నాడు. దీంతో బీజింగ్ ఇంటర్నేషనల్ ఎయిర్ పోర్టుకు చేరుకుని టర్మిన్-2 లో ఉంటున్నాడు.ప్రతినెలా ప్రభుత్వం నుంచి వెయ్యి యువాన్ల అల‌వెన్స్ వ‌స్తుంది. వాటితోనే జీవనం సాగిస్తున్నాడు. చిన్న స్టవ్ పై వంట చేసుకుంటాడు.
ఒక్కోసారి అక్కడే ఉన్న దుకాణాల్లో ఇష్టం వ‌చ్చింది కొనుక్కొని తింటాడు. మద్యం, సిగ‌రెట్ తాగుతాడు. ఇంటికి ఎప్పుడు వెళ్తారు అని అక్కడి మీడియా ప్రశ్నించగా.. తను ఇక ఎన్నటికీ ఇంటికి వెళ్లబోననీ వీజియాంగ్వే తెలిపాడు. అక్కడ తనకు స్వేచ్ఛలేకుండా పోయిందని వాపోయాడు. తన భార్య నిత్యం తనతో గొడవ పడుతుందని చెప్పుకొచ్చాడు. సిగరెట్లు, మద్యం మానేయాలని లేదా జీతంలోని డబ్బులు ఇవ్వాలని పట్టుబట్టేదని చెప్పుకొచ్చాడు. దీంతో ఎయిర్‌పోర్ట్‌కు వ‌చ్చి, ఇక్కడే జీవనం సాగిస్తున్నాన‌ని తెలిపాడు. మరి.. ఈఘటనపై మీ అభిప్రాయాలను కామెంట్స్ రూపంలో తెలియజేయండి.
మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.
