ఎదురింటి మహిళపై భర్త కన్ను.. దగ్గరుండి అత్యాచారం చేయించిన భార్య..

సమాజంలో ఎన్ని రకాల నేరాలు జరుగుతున్నాయంటే అవి వింటేనే ఛీ అనిపించక మానదు. ఇప్పుడు చెప్పుకోబోయే క్రైమ్‌ ఎంతటి దారుణమైనది అంటే భర్త ఎదురింటి మహిళపై కన్నేస్తే.. కట్టుకున్న భార్య దగ్గరుండి ఆ మహిళపై అత్యాచారం చేయించింది. అంతేకాదు ఆ పాడుపనిని ఫొటోలు, వీడియోలు తీసింది. రెండుసార్లు ఆ మహిళపై అత్యాచారం చేయడమే కాకుండా.. నా మిత్రులు కూడా వస్తారంటూ ఆమెను బెదిరంచడంతో అసలు కథ వెలుగు చూసింది.

మరిన్ని క్రైమ్‌ వార్తల కోసం క్లిక్‌ చేయండి.

ఈ దారుణ ఘటన విజయవాడలో చోటుచేసుకుంది. అజిత్‌ సింగ్‌ నగర్‌ లో దిలీప్‌, తులసి దంపతులు నివాసం ఉంటున్నారు. వారి ఎదురింట్లో ఓ క్యాటరింగ్‌ కుటుంబం నివసిస్తోంది. ఆ మహిళపై దిలీప్‌ కన్ను పడింది. ఆ విషయాన్ని తన భార్యతో కూడా పంచుకున్నాట్లున్నాడు. అతను ఆ పాడు పని చేసేందుకు భార్య నూరు శాతం సహకారం అందించింది. జనవరి 3న రాత్రి ఆ మహిళ తన ఇద్దరు పిల్లతో కలిసి ఇంట్లో నిద్ర పోతోంది. వారి ఇంట్లోకి దిలీప్‌- తులసి అక్రమంగా ప్రవేశించారు. నిద్రపోతున్న మహిళ నోరు నొక్కి వారి ఇంట్లోకి లాక్కెళ్లారు.

అలా వారి ఇంట్లోకి లాక్కెళ్లిన మహిళపై భర్త అత్యాచారం చేశాడు. అతను ఆమెపై అఘాయిత్యానికి పాల్పడుతుండగా భార్య తులసి ఆ దారుణాన్ని ఫోన్‌ లో వీడియో తీసింది. ఆ రాత్రి దిలీప్‌ ఆ మహిళపై రెండుసార్లు అత్యాచారానికి పాల్పడ్డాడు. ఆ తర్వాతి రోజు కూడా ఆ మహిళను బెదిరించి మళ్లీ అత్యాచారం చేశాడు. ఇది ఇంకా ఎంత దూరం వెళ్తుందో అని ఆ మహిళ భయాందోళన చెందడం మొదలు పెట్టింది. ఎవరికైనా చెప్పాలి అంటే వారి దగ్గర వీడియోలు, ఫొటోలు ఉన్నాయని సైలెంట్‌ గా ఉండిపోయింది.

ఇదీ చదవండి: ఈమె ఆడది కాదు.. కామ పిశాచి!

అయితే దిలీప్‌- తులసి దంపతులు అక్కడితో ఆగలేదు. దిలీప్‌ మహిళను మరోసారి బెదిరించాడు. ఈసారి తన వద్దకు రావాలని కాదు.. తన మిత్రులు వస్తారు.. వారికి కూడా సుఖం పంచాలంటూ ఆమెపై ఒత్తిడి తెచ్చాడు. ఒప్పుకోకపోతే ఆ వీడియోలు అందరికీ చూపిస్తాను. నీ పిల్లలను చంపేస్తానంటూ బెదిరించడం మొదలు పెట్టాడు. వారి వేధింపులు తట్టుకోలేక మహిళ పోలీసులను ఆశ్రయించింది. దిలీప్‌- తులసిపై ఐపీసీ 376(2), 354బి, 354డి, 109 సెక్షన్ల కింద కేసు నమోదు చేశారు. ఆ మహిళ ధైర్యం చేయబట్టి వారి చెర నుంచి ఆమెను కాపాడుకోగలిగింది. లేదంటే వాళ్లు ఆ మహిళను ఓ ఆట వస్తువుగా మార్చి వారి కామవాంఛలు తీర్చుకునేందుకు వాడుకునేవారు. ఇంతటి దారుణానికి పాల్పడిన ఈ కిరాతక దంపతులకు ఎలాంటి శిక్ష విధించాలి? మీ అభిప్రాయాలను కామెంట్స్‌ రూపంలో తెలియజేయండి.