follow us:
పరాయివాడి మోజులో పడి తాళికట్టిన భర్తను కాదని కొందరు మహిళలు క్షణిక సుఖం కోసం కొత్త దారులను వెతుకుతున్నారు. ఇలా అక్రమ సంబంధాల కోసం పాకులాడుతున్న మహిళల సంఖ్య రోజు రోజుకు పెరుగుతుంటే.. ఓ భార్య మాత్రం తాళికట్టిన భర్త కాదంటున్న అతనితోనే ఉంటానంటూ అత్తింటి ముందు పోరాటానికి దిగింది. తాజాగా కర్నూలు జిల్లాలో వెలుగు చూసిన ఈ ఘటన స్థానికంగా తీవ్ర చర్చనీయాంశమవుతోంది.
ఇక వివరాల్లోకి వెళ్తే.. ఓర్వకల్ మండలం లొద్దిపల్లి లో బెల్లం విష్ణువర్ధన్ రెడ్డి అనే వ్యక్తికి గడివేముల మండలం పెసరవాయికి చెందిన ఉమామహేశ్వరి అనే యువతితో 2017లో వివాహం జరిగింది. పెళ్లైన కొన్నిరోజులు మాత్రమే వీరి కాపురం సంతోషంగా సాగింది. ఇక రెండు వారాలు గడిచిందో లేదో భర్తకు భార్యకు మధ్య అభిప్రాయ భేదాలు వచ్చాయి. దీంతో భార్య అక్కడ ఉండలేక కొన్ని రోజులు పుట్టింటికి వెళ్లి కొంత కాలానికి ఉమామహేశ్వరి అత్తింటికి వచ్చింది. ఇక ఉమామహేశ్వరి రాకను గమనించిన అత్తింటివాళ్లు ఇంట్లోకి రాకుండా అడ్డుకున్నారు. ఇంతటితో ఆగకుండా ఇంటికి తాళం వేసి బయటకు వెళ్లిపోయారు.
ఈ భార్యాభర్తల పంచాయితిలో న్యాయం చేసేందుకు ఆ గ్రామ పెద్దలు, పోలీసులు ఎన్నో రకాల ప్రయత్నాలు చేసినా ఎంతకు కూడా వీరి చిక్కుముడి వీడలేదు. భర్తతో పాటు అత్తమామలు సైతం ఉమామహేశ్వరిపై అక్రమ సంబంధానికి పాల్పడుతుందనే ముద్ర వేసి నిందలు మోపేవారట. ఇక వీటన్నిటిని ధైర్యంగా ఎదుర్కొంటూ భర్త కోపం పరితపిస్తున్న క్రమంలోనే భర్త కోర్టు నుంచి విడాకులు నోటీసులు భార్యకు పంపించాడు. నాకు నీతో ఉండడం ఇష్టం లేదని, విడాకులకు అంగీకరించాల్సిందేనంటూ పట్టుబట్టాడు. ఇక భర్త కోరే విడాకులకు తలొగ్గని ఉమామహేశ్వరి నాకు భర్తతోనే ఉండాలని ఉందని, నాకు న్యాయం చేయాలంటూ అత్తింటి ముందుకు న్యాయపోరాటానికి దిగింది.
నాకు పిచ్చిపట్టిందని, నాపై లేని పోని నిందలు మోపి నన్ను వదిలించుకోవాలని చూస్తున్నారని బాధితురాలు ఆవేదన వ్యక్తం చేస్తుంది. ఇక బాధితురాలి వాదన ఇలా ఉంటే.. అత్తమామలు మాత్రం ఉమామహేశ్వరి నా కొడుకుతో కాకుండా మరో వ్యక్తితో కాపురం చేస్తుందని., అంతటితో ఆగకుండా నా కొడుకుపై లేని పోని కేసులు పెట్టి వేధిస్తుందని అంటున్నారు. దీని కారణంగానే ఆమెను వద్దునుకుని విడాకులు కోరుతున్నామని చెబుతున్నారు. ఇక ఏదేమైన నాకు నాకు భర్తతోనే కాపురం చేయాలని ఉందని, ఈ విషయంలో నాకు న్యాయం చేయాలి అంటూ బాధితురాలు వేడుకుంటోంది. తాజాగా ఉమామహేశ్వరి అంశం స్థానికంగా తీవ్ర చర్చనీయాంశమవుతోంది. ఈ ఘటనపై మీ అభిప్రాయాలను కామెంట్ రూపంలో తెలియజేయండి.
ఇది కూడా చదవండి: వర్షం కురిసిన ఆ రాత్రి.. ఆషాడ మాసమని కూతురు ఇంటికొస్తే!
