హోం వర్క్ చేయలేదని విద్యార్థులకు పనిష్మెంట్ ఇచ్చిన టీచర్ కు శిక్ష!

గురువులకు ప్రధానంగా ఉండాల్సింది ఓపిక. విద్యా నేర్పించే సమయంలో పిల్లలపై ప్రేమతో చూడగలిగే గుణం ఉండాలి. కానీ నేటి కాలంలో కొందరు ఉపాధ్యాయుల్లో అలాంటి వ్యక్తిత్వం కొరవడింది. విద్యార్థులు చేసే ప్రతి చిన్న తప్పుకు శిక్షించడమే సరైనదిగా భావిస్తుంటారు. ఆ క్రమంలో కొందరు టీచర్స్ విద్యార్థులకు గాయాలయ్యేలా శిక్షించిన ఘటనలు మనం అనేకం చూశాం. అయితే తాజాగా హోం వర్క్ చేయలేదని విద్యార్థులకు పనిష్మెంట్ ఇచ్చిన ఓ టీచర్ సస్పెండ్ అయ్యింది. ఈ ఘటన బాపట్ల జిల్లాలో చోటుచేసుకుంది.

వివరాల్లోకి వెళ్తే.. బాపట్ల జిల్లా కేంద్రంలోని ఓ ప్రైవేట్ పాఠశాలలోని ఓ టీచర్ అత్యూత్సహం ప్రదర్శించింది. ఆరవ తరగతి చదువుతున్న విద్యార్థులకు హోం వర్క్ ఇచ్చింది. అందులో 9 మంది విద్యార్థులు హోం వర్క్ చేయకుండా క్లాస్ కు హజరయ్యారు. దీంతో ఆగ్రహించిన సదరు టీచర్.. వారిని మోకాళ్లపై కూర్చోబెట్టింది. అంతటితో ఆగక.. వారి ఫోటోలు తీసి విద్యార్థుల తల్లిదండ్రులకు పంపింది. దీంతో ఓ విద్యార్థి తండ్రి ఆగ్రహించి సదరు టీచర్ పై జిల్లా విద్యాశాఖ అధికారికి ఫిర్యాదు చేశాడు. దీంతో వెంటనే స్పందించిన అధికారులు స్కూల్ కి వచ్చి పరిశీలించారు. విద్యార్థుల పట్ల అమానుషంగా టీచర్ పై చర్యలు తీసుకోవాలంటూ ప్రిన్సిపల్ ని ఆదేశించారు. దీంతో ఆ పాఠశాల యజమాన్యం సదరు టీచర్ ను సస్పెండ్ చేసింది. మరి.. ఈ ఘటనపై మీ అభిప్రాయాలను కామెంట్స్ రూపంలో తెలియజేయండి.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.