స్టార్‌ హీరోకి అవమానం.. తోసిపడేసిన పోలీసులు!

 Pratik Gandhi: కర్తవ్య నిర్వహణ పేరిట ‘‘స్కామ్‌ 1992’’ ఫేమ్‌ ప్రతీక్‌ గాంధీతో దురుసుగా ప్రవర్తించారు ముంబై పోలీసులు. కారు దిగి షూటింగ్‌ స్పాట్‌కు నడుచుకుంటూ వెళుతున్న ఆయన్ని భుజాలు పట్టుకుని, పక్కకు తోసి పడేసినంత పని చేశారు. ఈ విషయాన్ని స్వయంగా ఆయనే తన ట్విటర్‌ ఖాతా ద్వారా చెప్పుకొచ్చారు. ఆదివారం ట్విటర్‌ వేదికగా తన ఆవేదనను వ్యక్తం చేశారు. ‘‘ ఎవరో వీఐపీ వెళుతున్న కారణంగా వెస్ట్రన్‌ ఎక్స్‌ప్రెస్‌ హైవే మొత్తం ట్రాఫిక్‌ జామ్‌ అయింది. దీంతో నేను కారు దిగి షూటింగ్‌ లోకేషన్‌ వైపు నడుచుకుంటూ వెళ్లసాగాను. కొద్దిదూరం వెళ్లగానే కొంతమంది పోలీసులు నా భుజాలు పట్టుకున్నారు. పక్కనే ఉన్న మార్బల్‌ షాపులోకి తోసి పడేసినంత పని చేశారు. నన్ను మారు మాట్లాడనివ్వలేదు. ఆ వీఐపీ అక్కడినుంచి వెళ్లిపోయేంత వరకు అక్కడే ఉండమని ఆదేశించారు’’ అని పేర్కొన్నారు.

ప్రస్తుతం ఈ ట్వీట్‌ సోషల్‌ మీడియాలో వైరల్‌గా మారింది. దీంతో కొంతమంది ప్రతీక్‌ను సపోర్టు చేస్తూ మాట్లాడుతున్నారు. మరికొంతమంది ఆ పోలీసులు ఎందుకలా చేయాల్సి వచ్చిందో చెబుతున్నారు. ఓ ట్విటర్‌ ఖాతాదారుడు ప్రతీక్‌కు రిప్లై ఇస్తూ.. ‘‘ ప్రతీక్‌, ఆ సమయంలో అక్కడ వెళుతున్నది ప్రధాని నరేంద్ర మోదీ. టెర్రరిజం, ఇతర సంఘ విద్రోహ శక్తులకు వ్యతిరేకంగా ఆయన చేస్తున్న పోరాటం కారణంగా పెద్ద రిస్క్‌లో ఉన్నారు. అందుకే పోలీసులు అలా చేసుకుంటారు. నువ్వు నీ సహనాన్ని కోల్పోవద్దు. ఈ విషయాన్ని పెద్దది చేయోద్దు’’ అని పేర్కొన్నాడు. మరి, ప్రతీక్‌ గాంధీ ఆవేదనపై మీ అభిప్రాయాలను కామెంట్ల రూపంలో తెలియజేయండి.

Mumbai WEH is jammed coz of “VIP” movement, I started walking on the roads to reach the shoot location and Police caught me by shoulder and almost pushed me in some random marble warehouse to wait till without any discussion. #humiliated

— Pratik Gandhi (@pratikg80) April 24, 2022

ఇవి కూడా చదవండి : ఫ్యాన్స్ కి బ్యాడ్ న్యూస్.. అక్కడ ఆచార్య ఎంట్రీ లేనట్టే..!

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.