Nayanthara: తన పెళ్లికి రాబోయే అతిథులకు కండిషన్ పెట్టిన నయనతార..!

దక్షిణాది చిత్ర పరిశ్రమలో లేడీ సూపర్ స్టార్ గా గుర్తింపు తెచ్చుకున్న నయనతార పెళ్లి పీటలెక్కనున్న సంగతి తెలిసిందే. డైరెక్టర్ విగ్నేష్ శివన్ చేత జూన్ 9న నయన్ మెడలో మూడుముళ్లు వేయించుకునేందుకు రెడీ అయ్యింది. కొన్నేళ్లుగా ప్రేమలో ఉన్న నయన్ – విగ్నేష్ జంట మొత్తానికి అన్ని పుకార్లకు చెక్ పెడుతూ ఒక్కటి కానున్నారు. అయితే.. వీరి పెళ్లి హిందూ సంప్రదాయం ప్రకారం జరగబోతుండటం విశేషం. ప్రస్తుతం వీరి పెళ్లికి సంబంధించిన పెళ్లి పత్రిక పిక్ సోషల్ మీడియాలో వైరల్ అవుతోంది.

నయన్ ప్రేమలో పడిందనే వార్తలొచ్చినప్పటి నుండి పెళ్లి కబురు ఎప్పుడు చెబుతుందా అని వెయిట్ చేశారు ఫ్యాన్స్. ఎందుకంటే.. నయన్ లైఫ్ లో ప్రేమలు, బ్రేకప్స్ గురించి అందరికీ తెలుసు. అందుకే స్వయంగా నయన్ తన ప్రేమను డైరెక్టర్ విగ్నేష్ తో కన్ఫర్మ్ చేసేవరకు ఎవరూ నమ్మేలేదు. చివరికి తన ప్రేమను బయటపెట్టి.. ఇంతకాలం అతనితో ట్రావెల్ చేసిన నయన్.. పెళ్లి పీటలెక్కబోతుంది. నయన్ పెళ్ళికి ఇంకా కొద్దీ గంటల సమయం మాత్రమే ఉన్నట్లు తెలుస్తుంది.

తాజాగా నయన్, విగ్నేష్ ల పెళ్లి పత్రిక ఫోటో బయటికి వచ్చినప్పటి నుండి.. అందులో తన పెళ్లికి రాబోయే అతిథులకు నయన్ పెట్టిన కండిషన్ హాట్ టాపిక్ గా మారింది. ఎట్టకేలకు వీరి పెళ్లికి అన్ని ఏర్పాట్లు సిద్ధం అయ్యాయి. జూన్ 9న మహాబలిపురంలోని ఓ ప్రత్యేకమైన షెరటన్ గ్రాండ్ లో వీరి పెళ్లి జరగనుంది. ఉదయం 8:30కి జరగనున్న వీరి వివాహానికి కుటుంబ సభ్యులు, తక్కువమంది సన్నిహితులు హాజరు కానున్నారని తమిళ వర్గాలు చెబుతున్నాయి.

 

View this post on Instagram

 

A post shared by Vignesh Shivan (@wikkiofficial)

ఇంతకీ నయన్ పెళ్లికి వచ్చేవారికి పెట్టిన కండిషన్ ఏంటనేది చూసినట్లయితే.. పెళ్లి పత్రికలో ఆ కండిషన్ ని ప్రత్యేకంగా తెలియజేయడం విశేషం. పెళ్ళికి వచ్చే వారందరూ ఎత్నిక్ పాస్టల్స్ డ్రెస్ కోడ్‌ ను పాటించాలని అందులో పేర్కొన్నారు నయన్, విగ్నేష్. చాలావరకు వీరి పెళ్లికి కుటుంబ సభ్యులు, స్నేహితులు మాత్రమే హాజరవుతారని.. అందుకే ఈ కండిషన్ పెట్టారని.. ఈ కండిషన్ కూడా సెలబ్రేషన్స్ లో ఒక భాగమే అవుతుందని నయన్ సన్నిహితులు చెప్పినట్లు తెలుస్తుంది.

 

View this post on Instagram

 

A post shared by 𝑵𝒂𝒚𝒂𝒏𝒕𝒉𝒂𝒓𝒂 (@nayanthara.kurian)

ఇక పెళ్లి అనంతరం జూన్ 11న ప్రత్యేక లంచ్ కోసం ఈ కొత్త జంట మీడియాను కలవనున్నారు. అలాగే మరి కొంతమంది సినీ సెలబ్రిటీలకు, పెద్దలకు కూడా ప్రత్యేకంగా పార్టీ ఇచ్చే ఆలోచనలో ఉన్నారట. ఇదిలా ఉండగా.. నయన్ – విగ్నేష్ మొదట తిరుపతిలో పెళ్లి చేసుకోవాలని అనుకున్నారు. కానీ.. కొన్ని ఇబ్బందుల కారణంగా వేదికను మహాబలిపురంకి మార్చారట. మరి నయన్ – విగ్నేష్ పెళ్లికి హాజరుకాబోయే అతిథులకు పెట్టిన కండిషన్ పై మీ అభిప్రాయాలను కామెంట్స్ లో తెలియజేయండి.

Here is the Wedding invitation of #Nayanthara and @VigneshShivN. #Nayantharawedding #VigneshShivan #WikkyNayan pic.twitter.com/IlCZM8Q7hM

— jeanpierre (@Jeanpie77) June 7, 2022