follow us:
బుల్లితెర పాపులర్ కామెడీ షో జబర్దస్త్ ద్వారా ఎంతోమంది టాలెంటెడ్ కమెడియన్స్ వెలుగులోకి వచ్చారు. జబర్దస్త్ వేదిక ఎంతోమందికి లైఫ్ కూడా ఇచ్చింది. అయితే.. జబర్దస్త్ లో మెగాబ్రదర్ నాగబాబు జడ్జిగా వ్యవహరించినప్పుడు షోకి ఎలాంటి ఆదరణ లభించిందో.. ఆయన షోకి దూరమైనప్పుడు నుండి ఆదరణ కాస్త తగ్గిందనే చెప్పాలి. కానీ నాగబాబు గారు జబర్దస్త్ లో ఉన్నా లేకపోయినా.. ఆయనకు, జబర్దస్త్ కమెడియన్లకు మధ్య బంధం మాత్రం విడదీయలేనిది.
నాగబాబు ఎల్లప్పుడూ తమను ఓ కుటుంబ పెద్దగా ఉంటూ గైడ్ చేస్తూ వచ్చారని గతంలో సుధీర్, గెటప్ శ్రీను, ఆది లాంటి వాళ్ళు చెబుతూ వచ్చారు. ఎప్పుడైతే నాగబాబు గారు జబర్దస్త్ ని వీడారో అప్పటినుండి కమెడియన్స్ అందరూ షోలో కంటిన్యూ అవుతూనే ఎవరి దారిని వారు చూసుకొని వెళ్లిపోయారు. అలా జబర్దస్త్ ని వదిలి వెళ్ళిన కమెడియన్లలో ముక్కు అవినాష్ ఒకరు. కమెడియన్, మిమిక్రీ ఆర్టిస్ట్ అయినటువంటి అవినాష్ తాజాగా నాగబాబుతో తనకున్న బంధాన్ని బయటపెట్టాడు.
ఇటీవలే పెళ్లి చేసుకొని ఓ ఇంటివాడైన అవినాష్.. నాగబాబు జడ్జిగా వ్యవహరిస్తున్న ‘కామెడీ స్టార్ ధమాకా’ షోలో స్కిట్స్ చేస్తున్నాడు. అలాగే పలు టీవీ కార్యక్రమాలను హోస్టింగ్ చేస్తున్నాడు. ఈ క్రమంలో తాజాగా జబర్దస్త్ ని వదిలేయడానికి అసలు కారణాలు చెబుతూ నాగబాబు గురించి మాట్లాడాడు. అవినాష్ మాట్లాడుతూ.. “ఎవరి పరిస్థితులని బట్టి వారు నిర్ణయం తీసుకుంటూ ఉంటారు. ఇప్పుడు నేను ఇండస్ట్రీకి రావడానికి కారణం నాగబాబు గారు కాదు కదా.. ఇది కూడా అంతే. కాకపోతే పరిస్థితుల వల్ల ఆయన జబర్దస్త్ ని వదిలేయడం జరిగింది. మేము కూడా అంతే.
నాగబాబు గారు ఎప్పుడూ మాకు తండ్రి స్థానంలో ఉంటారు. ఎలాంటి పాయింట్ ఎంచుకుంటే బావుంటుందో గైడెన్స్ ఇచ్చేవారు. ఏదైనా మిస్టేక్స్ చేస్తే.. నా కొడకా ఇంకోసారి రిపీట్ అయిందో.. అంటూ ఒక తండ్రిలాగా మమ్మల్ని తిట్టేవారు. ఆయన భయంతోనే మేము స్కిట్స్ బెటర్ గా పెర్ఫామ్ చేసేవాళ్ళం. జబర్దస్త్ లో ఉన్నప్పుడు కూడా తప్పులు చేస్తే.. పక్కన రూమ్ కి పిలిచి మరీ మందలించేవారు. బెటర్ సలహాలు ఇచ్చేవారు. అంతేకాని మా నిర్ణయాల విషయంలో ఆయన జోక్యామ్ చేసుకోరు. మేము జబర్దస్త్ ని విడిచిపెట్టడానికి, ఇప్పుడు మేము చేస్తున్న షోలకు నాగబాబు గారు కారణం కాదు” అని చెప్పుకొచ్చాడు. మరి అవినాష్ మాటలపై మీ అభిప్రాయాలను కామెంట్స్ లో తెలియజేయండి.
