follow us:
ఇప్పటి వరకు తెలుగు బుల్లితెరపై ఎన్నో సీరియల్స్ సందడి చేశాయి. అందులో కొన్ని బాగా పాపులర్ అయ్యాయి. అలాంటి పాపులర్ సీరియల్ ‘కార్తీకదీపం’. ఈ సీరియల్ టైం అయ్యింది అంటే చాలు ఎక్కడున్నా టీవీల ముందు వాలిపోతారు. ఈ సీరియల్ లో వంటలక్కగా ప్రేమి విశ్వనాథ్, డాక్టర్ బాబుగా నిరుపమ్ పరిటాలకు ఎంతో క్రేజ్ వచ్చింది. ఈ సీరియల్ లో వంటక్క, డాక్టర్ బాబు లు కారు ప్రమాదంలో మరణిస్తారు. ఇక డాక్టర్ బాబు, దీప.. తర్వాత మళ్లీ అంత డిమాండ్ ఉన్న క్యారెక్టర్ ఎవరిది అంటే విలన్ రోల్ పోషిస్తున్న ‘మోనిత’ది అని ఎవరైనా చెబుతారు.
కార్తీక దీపం లో మోనిత పాత్రలో నటిస్తుంది కన్నడ బ్యూటీ శోభా శెట్టి. ఈ అమ్మడు కన్నడలో కొన్ని సీరియల్స్ నటించి మంచి పేరు సంపాదించింది. తెలుగులో మోనిత ‘కార్తీక దీపం’ సీరియల్ లో ఛాన్స్ దొరికింది. అయితే తెలుగులో ‘కార్తీక దీపం’ కంటే ముందు ‘అష్టా చమ్మా’ సీరియల్ చేశారు. ఆ సీరియల్ లో మోనితకు పెద్దగా పేరు రాలేదు. ఎప్పుడైతే కార్తీక దీపం సీరియల్ లో నటించిందో ఈ అమ్మడికి వెండితెరపైకూడా మంచి ఆఫర్లు వస్తున్నాయి.
ఈ మద్య పలువురు సినీ సెలబ్రెటీలు తమకంటూ ప్రత్యేక యూట్యూబ్ ఛానల్స్ ఏర్పాటు చేసుకుంటున్నారు. ఈ క్రమంలో కన్నడ బ్యూటీ మోనిత కూడా ఒక యూట్యూబ్ చానెల్ కూడా స్టార్ట్ చేసింది. ఇందులో ఆమె తన పర్సనల్ లైఫ్ కి సంబంధించిన పలు విషయాలను షేర్ చేస్తుంది. ఈ ముద్దుగుమ్మ ప్రస్తుతం గోవా ట్రిప్ లో ఉంది.. అక్కడ తీసుకున్న ఫోటోలు సోషల్ మీడియాలో తెగ సందడి చేస్తున్నాయి. దీనికి సంబంధిచిన ఫోటోలు ఇప్పుడు నెట్టింట తెగ వైరల్ అవుతున్నాయి.
