Karate Kalyani Latest Post About Love And Marriage: కరాటే కళ్యాణి నటిగా కన్నా కూడా వివాదాలతోనే ఎక్కువగా గుర్తింపు తెచ్చుకుంది. నిత్యం ఏదో ఓ కంట్రవర్శిలో భాగం కావడం కళ్యాణికి బాగా అలవాటు. ఇక ఇటీవల యూట్యూబర్‌ని చెంపదెబ్బలు కొట్టి.. అతనితో తిరిగి కొట్టించుకుని హాట్ టాపిక్ అయ్యింది. ఒకరిపై ఒకరు కేసులుపెట్టుకోవడంతో కరాటే కళ్యాణి వివాదాల్లో నిలిచింది. ఇక ఇటీవల కాషాయ కండువా కప్పుకున్న కరాటే కళ్యాణి.. హిందూ ధర్మ పరిరక్షణ పేరుతో ఫేస్ బుక్‌లో పోస్ట్‌లు పెడుతూ.. ట్రోలింగ్‌ బారిన పడుతూ వార్తల్లో నిలిస్తుంది. ఇక అప్పుడప్పుడు తన వ్యక్తిగత జీవితం గురించి కూడా సోషల్‌ మీడియాలో పోస్ట్‌ చేస్తుంటుంది కరాటే కళ్యాణి. ఈ క్రమంలోనే తాజాగా ఆమె పెళ్లి గురించి చేసిన ఓ పోస్ట్‌ తెగ వైరలవుతోంది. దీనిలో కరాటే కళ్యాణి.. తన అందమే తనకు శాపమని.. మగాళ్లంతా వట్టి మాయగాళ్లని.. తండ్రి ప్రేమ తప్ప ఏది శాశ్వతం కాదని.. వచ్చే జన్మలోనైనా మంచి రారాజు లాంటి భర్త రావాలని కోరుకుంటున్నాను అంటూ ఫేస్‌బుక్‌లో పోస్ట్‌ చేసింది. ప్రస్తుతం ఇది వైరలువతోంది. ఆ వివరాలు..

‘‘నీ అంత మంచి మనిషి లేదు.. నువ్వు తోపు, తురుము.. నీతో జీవితాంతం ఉంటా.. లేదంటే చచ్చిపోతా అని నిన్ను ముగ్గులోకి దించేదీ వాడే.. మోజు తీరాక అంటే కొంతకాలం లవ్ ట్రాక్ నడిపిన తరువాత నీ డామినేషన్ ఏంటి.. మూసుకొని కూర్చో.. లేదా వేరే పెళ్లి చేసుకుంటా.. ఎక్కువ మాట్లాడకు అంటాడు. అప్పటికీ నువ్వు వాడి మత్తులో ఉంటావ్.. పిచ్చిదానిలా.. నువ్వు చెప్పింది చేస్తా నాన్న.. కన్నా.. నన్ను వదలకు అని ప్రాధేయపడి వాడికి సొమ్ములు ఇస్తావ్.. అడుగులకు మడుగులు ఒత్తి.. అతనితోనే ఉంటావ్.

ఇది కూడా చదవండి: Pavitra Lokesh: నా భర్త ఎంతో మంచివాడు.. ఆయన భర్తగా లభించడం నా అదృష్టం: పవిత్ర లోకేష్‌

ఇక అప్పటి నుంచి మొదలు సారు ప్రతాపం.. ఆ బట్టలు ఏంటి.. ఆ జుట్టు అలా ఉంది ఏంటి ఇంతసేపు ఎక్కడకి వెళ్లావ్.. వాడెవడు నీతో మాట్లాడుతున్నాడు.. అందరితోనూ మాటలా.. మీ తమ్ముళ్లు… మీ అమ్మ నాన్న ఎవ్వరూ రాకూడదు. సినిమా నేను తీసుకెళ్తే రావాలి.. పిల్లలు పుట్టాక పని మానేయాలి..ఇలా ఒకటా రెండా .. అనుమానం ముందు పుట్టి వీడు వెనుక పుట్టాడా? అన్నట్టుగా.. ఇలా చిత్ర హింసలు చేసి చివరికి కొన్ని సంవత్సరాల తర్వాత వదిలి వెళ్తారు. మీరు మోసం చేసి.. ఆడవాళ్ళు మోసం చేశారని అంటారు.

తాగి వచ్చి కొడతారు.. ఒకటా రెండా.. డబ్బులు కావాలి అంటే మాత్రం మామూలుగా ఉండదు. కొందరికి అందం దేవుడు ఇచ్చిన వరం.. అదే శాపం కూడా అవుతుంది కొంతమందికి ఏమిచేస్తాం. ఇలా మనం ప్రేమ దోమా అనగానే పడిపోతే ఇలాగే ఉంటుంది. వీళ్ళని ఎక్కడ త…న్నా..లో మరి. నాకు తెలిసీ ఇందులో నాకు జరిగినవి ఉన్నాయి. ప్రతి అమ్మాయికి జరుగుతాయి. కానీ మేము మనుషులం అని ఎప్పటికీ అర్థం అవుతుంది. నాన్న ప్రేమ తప్పా ఇంకేది శాశ్వతంగా ఉండదు. మగాళ్లు వట్టి మాయగాళ్లు.. ఇదే నిజం.. నిజంగా మంచిభర్త దొరికితే అదృష్టం అంటారు. నాకు ఈ జన్మకి అదిలేదు. అనుకొని బ్రతికే నన్ను కెలికింది నా స్నేహితురాలు.

ఇది కూడా చదవండి: Rashmi Guatam: ఆ అంకుల్ అలా అనడం కరెక్టేనా? రష్మీ ఎమోషనల్ పోస్ట్ వైరల్!

ఒసేయ్ మీ ఆయన కూడా దొంగ కాబట్టి అవకాశం రానంత వరకు అమాయకులు.. వస్తే చూపిస్తారు తడాఖా. ఇంకొందరు అయితే.. నాదే తప్పా.. నువ్వు ఆనందించావు కదా అనేవాళ్ళు ఉంటారు వెర్రిదానా.. రాస్తే మీ మా ఇంటి కథలు పెద్ద పుస్తకం రాయొచ్చు గానీ.. మంచి వాళ్ళు ఇంకా మంచివారుగా మారండి.. మీ భార్యల కష్టం కాస్త చూడండి.

మూడో వాడు ఏమనుకుంటారో అని ఆలోచన వస్తే విడిపోతారు. ఇదే నిజం.. వచ్చే జన్మ ఉంటే ఆ జన్మలో నాకు నా అందాల రా రాజు రావాలని ఎదురు చూస్తా.. తప్పుకాదుగా.. ఇప్పుడు మళ్లీ పెళ్లి చేసుకో అనకండి.. వచ్చేవాడికి ఇలాంటి పోరాటాలు నచ్చవు. ఒకవేళ నచ్చేవాడు వస్తే మనవాళ్ళు నువ్వు చేసుకోకూడదు అని అనేస్తారు ట్రోలింగ్‌లో. నేను మంచి గయ్యాళిని కదా.. ప్రపంచంలో ఎవ్వరికీ నచ్చను. ఈరోజు బాగా బాధ పెట్టిన నా స్నేహితురాలుకి గట్టిగాక్లాస్ పీకాను. కోపం వస్తుంది బాధా అన్ని కలిపి ఈపోస్ట్ పెట్టాను. తప్పుగా ఎవరికైనా అనిపిస్తే నేను బాధ్యురాలిని కాదు.. ప్రేమ,గీమ ఇలాంటి తొక్కలో కమిట్మెంట్ పెట్టుకోవద్దు.. అర్థమైందా పిల్లా.. ఇది నీకే.. ఇక ఉంటా’ అంటూ పోస్ట్ పెట్టింది కరాటే కళ్యాణి. ప్రస్తుతం ఇది తెగ వైరలవుతోంది. మరి దీనిపై మీ అభిప్రాయాలను కామెంట్స్‌ రూపంలో తెలియజేయండి.

ఇది కూడా చదవండి: Annu Kapoor: మన్మథుడు సీన్‌ రిపీట్‌.. ఫ్రాన్స్‌లో ప్రముఖ నటుడి బ్యాగు కొట్టేసిన దొంగలు