follow us:
సాధారణంగా స్టార్ హీరోయిన్స్ కెరీర్ పరంగా బిజీగా ఉన్నప్పుడు పెళ్లి చేసుకున్నారంటే చాలు.. వాళ్ళ సినీ కెరీర్ పై ఇండస్ట్రీలో, అభిమానులలో అనుమానాలు మొదలైపోతాయి. కెరీర్ పీక్స్ లో ఉన్నప్పుడే పెళ్లి చేసుకుంది.. ఇకపై సినిమాలు చేస్తుందా లేదా? అనుకుంటారు. అయితే.. పెళ్ళైనా సినిమాలు చేసిన హీరోయిన్స్ ఉన్నారు. కానీ పిల్లలు పుట్టాక సినిమాలు చేస్తారా లేదా? అనేది అసలు సందేహం. ప్రస్తుతం దక్షిణాది స్టార్ హీరోయిన్ కాజల్ అగర్వాల్ కెరీర్ గురించి ఇవే అనుమానాలు ఇండస్ట్రీలో రేకెత్తుతున్నాయి.
కాజల్ గురించి ఈ అనుమానాలు రావడానికి కూడా కారణాలు లేకపోలేదు. కాజల్ మొన్నటివరకూ ప్రెగ్నన్సీ కారణంగా సినిమాలకు దూరంగా ఉంటూ వచ్చింది. ఇప్పుడు ఓ బిడ్డకు తల్లి. చిన్ననాటి స్నేహితుడు, వ్యాపారి గౌతమ్ కిచ్లుని లాక్ డౌన్ లో పెళ్లాడిన కాజల్.. ఇటీవలే పండంటి మగబిడ్డకు జన్మనిచ్చింది. ఇక పుట్టిన బాబుకు నీల్ కిచ్లు అని పేరు పెట్టిన విషయాన్ని కూడా కాజల్ సోషల్ మీడియా ద్వారా ఫ్యాన్స్ కి తెలియజేసింది.
టాలీవుడ్ ఇండస్ట్రీలో దాదాపు అందరూ స్టార్స్ సరసన సినిమాలు చేసింది కాజల్. ఇటీవల ఆచార్య సినిమాలో కూడా కనిపించాల్సింది. కానీ సినిమాలో స్కోప్ లేని కారణంగా సైడ్ అయ్యింది. అయితే.. పెళ్లయ్యాక సినిమాలు కంటిన్యూ చేస్తానని చెప్పిన కాజల్.. చెప్పినట్లుగా సినిమాలు, వెబ్ సిరీస్ లు చేస్తూ వచ్చింది. ఇప్పటివరకు ఆమె సైన్ చేసిన సినిమాలన్నీ కంప్లీట్ చేసి.. తన పూర్తి సమయాన్ని బిడ్డకు, కుటుంబానికే కేటాయిస్తోంది. ఈ క్రమంలో కాజల్ ఇకపై సినిమాలు చేస్తుందా లేదా? అనే సందేహాలు ఫ్యాన్స్ లో తలెత్తుతున్నాయి.
కాజల్ ప్రస్తుతం తన బిడ్డతో కలిసి మాతృత్వాన్ని ఆస్వాదిస్తోంది. కాగా తాజా సినీ వర్గాల సమాచారం ప్రకారం.. కాజల్ మెల్లగా సినిమాలకు దూరం కాబోతుందని వార్తలు వినిపిస్తున్నాయి. కాజల్ తన బిడ్డ ఎదుగుదలను దృష్టిలో పెట్టుకొని సినిమాలకు దూరం కాబోతుందని.. సినిమాలకు దూరం కావాలన్న కాజల్ నిర్ణయాన్ని భర్త గౌతమ్ సైతం సమర్థించాడని ఇండస్ట్రీ టాక్. ఇదివరకు కాజల్ చెల్లి నిషా కూడా పెళ్లి తర్వాత సినిమాలు చేయలేదు. మరి అక్క కాజల్ కూడా చెల్లి బాటలోనే వెళ్తుందేమో చూడాలి. ప్రస్తుతం కాజల్ వార్తలపై నిజమెంత అనేది తెలియాల్సి ఉంది. కాజల్ సినిమాలకు దూరం కానుందని తెలిసి ఫ్యాన్స్ మాత్రం కంగారు పడుతున్నారు. మరి కాజల్ గురించి మీ అభిప్రాయాలను కామెంట్స్ లో తెలియజేయండి.
View this post on Instagram
