follow us:
అడివి శేష్.. ఇండస్ట్రీలోకి వచ్చిన అనతి కాలంలోనే పరిశ్రమలో తనదైన ముద్ర వేశాడు. సినిమాల సెలక్షన్‌ విషయంలో చాలా విభన్నంగా ఆలోచిస్తాడు అడివి శేష్. ఇప్పటి వరకు చేసినవి తక్కువ చిత్రాలే అయినప్పటికి.. చాలా మంచి గుర్తింపు దక్కించుకున్నాడు. అడివి శేష్ సినిమా అంటే తప్పకుండ భిన్నమైన కథ అయి ఉంటుంది అనే భావన ప్రేక్షకుల్లో నాటుకుపోయింది. అందుకు తగ్గట్టే ఎప్పటికప్పుడు భిన్నమైన సినిమాలతో ప్రేక్షకుల ముందుకు వచ్చాడు. తాజాగా మేజర్‌ చిత్రంతో ప్రేక్షకుల ముందుకు రాబోతున్నాడు అడివి శేష్. మేజర్‌ సందీప్‌ ఉన్నికృష్ణన్‌ బయోపిక్‌గా తెరకెక్కుతున్న చిత్రం మేజర్‌. మహేశ్‌ బాబు జీఎంబీ ఎంటర్‌టైన్‌మెంట్, ఏ ప్లస్‌ ఎస్‌ మూవీస్‌తో కలిసి సోనీ పిక్చర్స్‌ ఫిల్మ్స్‌ ఇండియా నిర్మించిన ఈ మూవీ జూన్‌ 3న రిలీజ్‌ కానుంది. ఇటీవలే (మే 9న) మేజర్‌ ట్రైలర్‌ రిలీజవగా దానికి విశేష స్పందన లభిస్తోంది.
ఇది కూడా చదవండి: Hyper Aadi: హైపర్ ఆది రచ్చ.. స్టేజ్ పైనే పంచె విప్పేసి..!
ఈ సినిమా ప్రమోషన్స్‌లో భాగంగా అడివి శేష్ ఆలీతో సరదాగా షోకు హాజరయ్యాడు. ఈ సందర్భంగా అతడు పలు ఆసక్తికర విషయాలను పంచుకున్నాడు. ‘నా అసలు పేరు అడివి సన్నీ కృష్ణ.. కానీ అమెరికాలో ఉన్నప్పుడు అందరూ సన్నీలియోన్‌ అని ఆటపట్టిస్తుండటంతో అడివి శేష్‌గా పేరు మార్చుకున్నాను’ అని తెలిపాడు. మరి అమెరికాలో హీరోగా ఎందుకు ప్రయత్నించలేదన్న ప్రశ్నకు అడివి శేష్ స్పందిస్తూ.. ‘అక్కడ భారతీయులకు టెర్రరిస్ట్‌, పెట్రోల్‌ బంకులో పనిచేసే వ్యక్తి.. ఇలాంటి పాత్రలే ఇచ్చేవారు. అక్కడ ఇండియన్‌ హీరో అవలేడు. ఇప్పుడు కూడా హాలీవుడ్‌లో బాగా పాపులర్‌ అయిన ఇండియన్స్‌ కమెడియన్‌ రోల్స్‌లోనే కనిపిస్తారు’ అని తెలిపాడు.
ఇది కూడా చదవండి: అడవి శేష్ రూటు మార్చేది ఎప్పుడు?
తెలుగు ఇండస్ట్రీలో ఏవైనా చేదు అనుభవాలు ఎదురయ్యాయి అని ప్రశ్నించగా.. ఆసక్తికర విషయాలు చెప్పుకొచ్చాడు అడవి శేష్. ఈ సందర్భంగా అతడు మాట్లాడుతూ.. ‘చందమామ సినిమాలో ఒరిజినల్‌ హీరో నేను. నవదీప్‌ స్థానంలో నేను ఉండాల్సింది. రెండు రోజుల షూటింగ్‌ తర్వాత సినిమా క్యాన్సిల్‌ అయింది. ఆ తర్వాత సొంతంలో పెద్ద రోల్‌ ఉందన్నారు. కట్‌ చేస్తే సినిమాలో ఐదు సెకన్లున్నానంతే!’ అని చెప్పుకొచ్చాడు. మేజర్‌ సినిమా గురించి చెప్తూ అందరికీ సందీప్‌ ఉన్నికృష్ణన్‌ ఎలా చనిపోయాడో తెలుసు, కానీ ఎలా బతికాడనేది తెలియదని, అదే తమ సినిమా తెలియజేస్తుందన్నాడు. ఈ సినిమాకు మహేశ్‌బాబు బ్యాక్‌బోన్‌ అని, ఆయన వల్లే సినిమా సాధ్యమైందని పేర్కొన్నాడు. అడవి శేష్ వ్యాఖ్యలపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: RRR Movie: RRR ఓటీటీ డేట్ ఫిక్స్.. అధికారికంగా ప్రకటించిన జీ 5
