follow us:
2016లో ఐపీఎల్ ట్రోఫీని ముద్దాడి.. 2018లో తుది సమరం వరకు వెళ్లిన సన్రైజర్స్ జట్టు.. ఈ సీజన్లో మాత్రం ఆ ప్రదర్శన ఎక్కడా కనబర్చలేకపోయింది. సన్రైజర్స్ ఆటగాళ్లు.. సినిమా డైలాగ్స్ మీద ఉన్న ఇంట్రస్ట్ మైదానంలో చూపించలేకపోయారు. చుట్టూ కోట్ల మంది అభిమానులు మనకు మద్దతుగా ఉన్నారే.. వారి ముందు ఎలాంటి ప్రదర్శన ఇవ్వాలి అనే ఆలోచన లేకుండా మైదానంలోకి దిగేవారు. వారి మోహంలో గెలవాలనే కసి కాసింతయినా కనిపించేది కాదు. దీని ఫలితమే.. కనీసం ప్లేఆఫ్స్ కు కూడా చేరకుండానే ఇంటిదారిపట్టింది. కోట్ల మంది అభిమానులను నిరుత్సాహ పరిచింది.
సన్ రైజర్స్ ప్రయాణం..
2013లో ఐపీఎల్ లోకి ఎంట్రీ ఇచ్చిన సన్ రైజర్స్ జట్టుకు ప్రధాన అస్త్రం.. బౌలింగ్. ప్రతి సీజన్ లోనూ బ్యాటర్లు విఫలమైనా బౌలింగ్ తో నెట్టుకొచ్చేది. 20 ఓవర్లలో కనీసం 130 పరుగులు చేసిన గెలవగలం అనే పట్టుదల వారిలో కనిపించేది. జట్టులో నాణ్యమైన ఆటగాళ్లు ఉన్నా, లేకపోయినా.. గెలవాలనే కసి, తపన వారిలో కనిపించేది. 2013 సీజన్ లో ప్లే అప్స్ కు చేరిన సన్ రైజర్స్.. 2014, 2015 సీజన్లలో లీగ్ దశలోనే ఇంటిదారిపట్టింది. అయితే.. ఎవరూ ఊహించని రీతిలో సన్ రైజర్స్ 2016 సీజన్ లో ఛాంపియన్స్ గా నిలించింది.
A day to remember in 2016 for the Orange Army, SRH. Beating the odds against a public favourite RCB, they won the title and created history. They’re still the only team to win the IPL title by playing the Eliminator. Captain David Warner led from the front with over 800 runs. pic.twitter.com/w0O6KWlUlp
— Mufaddal Vohra (@mufaddal_vohra) May 29, 2022
ఆ తరువాత కూడా 2020 వరకు ప్రతి సీజన్ లోనూ సన్ రైజర్స్ ప్లేఆఫ్స్ కు చేరింది. ఇలా సన్ రైజర్స్ విజయాలకు ప్రధాన కారణం .. కెప్టెన్‌ డెవిడ్‌ వార్నర్‌ది. వార్నర్ ప్రదర్శనపైనే సన్రైజర్స్ విజయావకాశాలు ఆధారపడి ఉండేవి. అయితే.. ఏం జరిగిందో తెలియదు కానీ, 2021 సీజన్ లో కొన్ని మ్యాచులు అయ్యాక వార్నర్ ను కెప్టెన్సీ నుంచి తప్పించిన యాజమాన్యం.. ఆ తరువాత జట్టు నుంచి కూడా తప్పించింది. ఆ బాధ్యతను న్యూజిలాండ్ సారథి కేన్ విలియమ్సన్ కు అప్పగించింది.
— Govardhan Reddy (@gova3555) May 30, 2022
కేన్ విలియమ్సన్ సారధ్యంలో 2022
మెగా వేలానికి ముందు.. కేన్ విలియమ్సన్, అబ్దుల్ సమ్మద్, ఉమ్రాన్ మాలిక్లను రిటైన్ చేసుకున్న సన్రైజర్స్.. మెగావేలంలో చాలా నిరుత్సాహ పరిచింది. భువనేశ్వర్ కుమార్, నటరాజన్ను తిరిగి సొంతం చేసుకోగా.. నికోలస్ పూరన్, మక్రామ్ పై మాత్రమే ఆసక్తిచూపించింది. జట్టు విజయాలకు వీరు సరిపోతారులే అన్నట్లుగా ప్రవర్తించిన సన్ రైజర్స్.. నాణ్యమైన తగాళ్లను తీసుకోవడంలో అశ్రద్ధ వహించింది. ఈ అతినమ్మకమే వారి కొంపముంచింది. ఒంటి చేత్తో మ్యాచ్ స్వరూపాన్నే మార్చేయగల వార్నర్ ను వదులుకున్న సన్ రైజర్స్.. మిస్టరీ స్పిన్నర్ రషీద్ ఖాన్ ను సైతం వదులుకుంది. ఆ పాపం వారిని ఊరికే వదలలేదు.
ఈ సీజన్ లో తొలి రెండు మ్యాచులను ఓటమితో ప్రారంభించిన సన్ రైజర్స్.. తర్వాత ఐదు మ్యాచులు వరుసగా గెలిచి ప్లేఆఫ్స్ కు అర్హత సాధించేలా కనిపించింది. కానీ తర్వాత అనూహ్యంగా మళ్లీ ఓటముల బాట పట్టింది. తిరిగి ఐదు పరాజయాలతో ప్లేఆఫ్ అవకాశాలను కోల్పోవడమే కాకుండా ఎనిమిదో స్థానంలో నిలిచింది. అందుకు ప్రధాన కారణం.. వార్నర్ స్థానంలో పగ్గాలందుకున్న న్యూజిలాండ్ సారధి కేన్ విలియమ్సన్. ఈ సీజన్ లో 13 మ్యాచులు ఆడిన విలియమ్సన్.. 216 పరుగులు చేశాడు. ఎస్ఆర్హెచ్ తరఫున ఓపెనర్ గా బరిలోకి దిగుతున్న ఈ న్యూజిలాండ్ సారథి.. టెస్టు క్రికెట్ మాదిరిగా ఆడుతూ విలువైన బంతులను వృథా చేశాడు. మరో ఎండ్ లో కుర్రాడు, పెద్దగా అనుభవం కూడా లేని అభిషేక్ శర్మ స్వేచ్ఛగా బ్యాటింగ్ చేస్తుంటే.. విలియమ్సన్ మాత్రం టెస్టుల కంటే అధ్వాన్నంగా ఆడుతూ జట్టు విజయాలను దెబ్బ తీశాడు.
Kane Williamson#IPL2022 #KKRvSRH pic.twitter.com/irSFRllr5D
— RVCJ Media (@RVCJ_FB) May 14, 2022
ఈ క్రమంలో హైదరాబాద్ అభిమానులు.. కేన్ మామను విమర్శించడమే కాకుండా వార్నర్ ను వదులుకున్నందుకు యాజమాన్యాన్ని సైతం ఏకిపారేస్తున్నారు. ట్విటర్ వేదికగా పలువురు ఎస్ఆర్హెచ్ ఫ్యాన్స్ స్పందిస్తూ.. ‘జట్టును ఛాంపియన్స్ గా నిలిపిన వార్నర్ ను అవమానించారు.. ఆ పాపం ఊరికే పోలేదంటూ’ శాపనార్థాలు పెడుతున్నారు. మరి.. ఈ సీజన్ లో వార్నర్.. సన్ రైజర్స్ జట్టులో ఉండుంటే ఎలా ఉండేది అన్న దానిపై మీ అభిప్రాయాన్ని కామెంట్ రూపంలో తెలియాజేయండి.
TL is filled with SRH 2016 title winning pics
But Every single time I see this.. I get tears in my eyes… pic.twitter.com/U1jOhUKUT4— Arun🧘♂ (@the_urban_fight) May 29, 2022
The Most negative impacted player award of IPL 2022 goes to Kane Williamson! pic.twitter.com/vb43TmvwD0
— Róhìth (@Rohith_sPyD3r) May 30, 2022
ఇది కూడా చదవండి: SRH Vs DC: కావ్య పాపపై ప్రతీకారం తీర్చుకున్న వార్నర్.. ప్రపంచ రికార్డు బద్దలు!
