follow us:
లక్నో సూపర్ జెయింట్స్‌తో జరిగిన ఎలిమినేటర్ మ్యాచ్‌లో రాయల్ ఛాలెంజర్స్ బెంగళూరు అద్భుత విజయం సాధించింది. టాస్ ఓడి బ్యాటింగ్‌కు దిగిన బెంగళూరు.. రజత్ పటీదార్ సెంచరీతో(112 నాటౌట్) రాణించడంతో 207 పరుగుల భారీ స్కోరు చేసింది. అనంతరం భారీ లక్ష్యంతో బరిలోకి దిగిన లక్నో సైతం.. గట్టిపోటీ ఇచ్చింది. ఆఖరి ఓవర్ వరకు ఉత్కంఠభరితంగా సాగిన ఈ మ్యాచులో చివరకి బెంగళూరు జట్టు 14 పరుగుల తేడాతో విజయం సాధించింది. అయితే.. ఈ మ్యాచులో.. లక్నో బ్యాటర్ దీపక్ హుడా కొట్టిన సిక్స్ కారణంగా.. ఒక వ్యక్తి తనకు తాను గాయపరుచుకున్నాడు.
టాస్ ఓడి బ్యాటింగ్‌కు దిగిన ఆర్‌సీబీకి ఆదిలోనే షాక్‌ తగిలింది. కెప్టెన్‌ డుప్లెసిస్‌ ఆవేశ్‌ ఖాన్‌ బౌలింగ్‌లో గోల్డెన్‌ డక్‌గా వెనుదిరిగాడు. ఆ తర్వాత క్రీజులోకి వచ్చిన రజత్ పాటిదార్‌.. వీలు చిక్కినప్పుడల్లా బౌండరీలు బాదుతూ స్కోరును పరుగులు పెట్టించాడు. చివరకి నిర్ణీత 20 ఓవర్లలో బెంగుళూరు జట్టు.. 207 పరుగుల భారీ స్కోరు చేసింది. లక్ష్య ఛేదనలో లక్నోకు సరైన ఆరంభం లభించలేదు. క్వింటన్ డీకాక్ (6)ను సిరాజ్ అవుట్ చేశాడు. ఆ తర్వాత కాసేపటికే మనన్ వోహ్రా (19) కూడా పెవిలియన్ చేరాడు. ఇలాంటి సమయంలో రాహుల్ (79), దీపక్ హుడా (45) ఇద్దరూ ఆ జట్టును ఆదుకున్నారు. 26 బంతుల్లో 45 పరుగులు చేసిన హుడా.. హాసరంగా బౌలింగ్ లో వెనుదిరిగాడు. ఈ క్రమంలో.. దీపక్ హుడా కొట్టిన సిక్స్ ను క్యాచ్ పట్టబోయి.. గ్రౌండ్ లో విధులు నిర్వహిస్తున్న పోలీస్ అతను తనకు తాను గాయపరుచుకున్నాడు. ప్రస్తుతం ఈ వీడియో సోషల్ మీడియాలో వైరల్ గా మారింది.
ఇది కూడా చదవండి: Virat Kohli: లక్నోతో మ్యాచ్‌ తర్వాత గ్రౌండ్‌లోనే ప్రార్థన చేసి.. దేవుడికి థ్యాంక్స్‌ చెప్పిన కోహ్లీ
ఈ వీడియో చూసిన నెటిజన్స్ రకరకాలుగా స్పందిస్తున్నారు. ‘క్యాచ్ పెట్టబోయి.. అబ్బా అన్న పోలీస్’ అంటూ క్యాప్షన్ తో హోరెత్తిస్తున్నారు. ‘ఊరికే డ్యూటీ చేసుకోక.. ఆ క్యాచ్ లు ఎందుకు మనకు’ అని మరికొందరు కామెంట్ చేస్తున్నారు. ఏదేమైనప్పటికీ క్యాచ్ పట్టుకోబోయిన పోలీస్ కు తీవ్ర గాయమైనట్లు వీడియో ద్వారా తెలుస్తోంది. మరి ఈ వీడియోపై మీ అభిప్రాయాన్ని కామెంట్ రూపంలో తెలియజేయండి.
We move forward together, one step at a time. 💪🏻
Next stop: Ahmedabad 📍✈️#PlayBold #WeAreChallengers #IPL2022 #Mission2022 #RCB #ನಮ್ಮRCB #LSGvRCB #PlayOffs pic.twitter.com/aBifGSI7WH
— Royal Challengers Bangalore (@RCBTweets) May 25, 2022
