మరి మైకేల్ బ్యాంక్ కొట్టేయాలని ఎందుకు అనుకున్నాడు. లిమిట్ దాటి బ్యాంక్ లో డబ్బు ఎందుకుంది అనేది తెలియాలంటే థియేటర్లలో సినిమా చూడాల్సిందే.

విశ్లేషణ: తమిళ హీరో అయిన అజిత్ కు తెలుగులోనూ ఓ మాదిరిగా క్రేజ్ ఉంది. అతడు నటించిన సినిమాలు డబ్బింగ్ మూవీస్ ఎప్పటికప్పుడు రిలీజ్ అవుతూనే ఉన్నాయి.

గతంలోనూ అజిత్ తో నెర్కొండ పార్వయ్, వలిమై సినిమాలు తీసిన హెచ్. వినోద్.. ఈసారి 'తెగింపు' తో ప్రేక్షకుల ముందుకొచ్చాడు. దీంతో అంచనాలు గట్టిగానే ఉన్నాయి.

ఇక ట్రైలర్ లో చూపించినట్లు సింపుల్ పాయింట్ తో మూవీ తీసినప్పటికీ.. సమాజానికి అవసరమైన పాయింట్ నే ఇందులో డిస్కస్ చేశారు.

అయితే సినిమా చూస్తున్నంతసేపు కూడా ఇది ఎక్కడో చూశామే అని ఫీలింగ్ ఒక్కసారైనా కలుగుతుంది. అదే టైంలో కొన్నిచోట్ల కొత్తగానూ అనిపిస్తుంది.

బ్యాంకింగ్ రంగంలోని కుంభకోణాలు, ఎంప్లాయిస్ టార్గెట్స్, క్రెడిట్ కార్డులు, ఇన్సూరెన్స్ పాలసీలు, వడ్డీలు.. వీటితో బ్యాంకులు దోపిడీలని వేరే యాంగిల్ లో ప్రెజెంట్ చేసే ప్రయత్నం చేశారు.

క్లైమాక్స్ లో అసలు దోపిడీదారులు ఎవరు అనేది రివీల్ చేసే సీక్వెన్స్ ని కొత్తగా ప్లాన్ చేశారు. ఫుల్ యాక్షన్ మోడ్ లో ప్రీ క్లైమాక్స్ అదిరిపోతుంది. కానీ ఎండింగ్ అంతగా సంతృప్తి పరచలేదు.