హైదరాబాద్ కు  చెందిన ప్రముఖ కంపెనీ తయారు చేసిన e-bike ప్రపంచ వ్యాప్తంగా సంచలనం సృష్టిస్తోంది.

ఈ బైక్ ను ఒక్కసారి ఛార్జింగ్ చేస్తే కశ్మీర్ నుంచి కన్యాకుమారి వరకు ప్రయాణించవచ్చని నిరూపించింది. 

గ్రావ్టన్ మోటార్స్ అనే కంపెనీ తయారు చేసిన e-bike ఒక సారి ఛార్జింగ్ తో 4 వేల 11 కి.మీ ప్రయాణించి ఆసియా బుక్ ఆఫ్ రికార్డ్స్ లో చోటు సంపాదించుకుంది. 

ఈ బైక్ కన్యాకుమారి నుంచి లడఖ్ లోని  ఖర్దుంగ్కు ఒక్క ఛార్జ్ తోనే నడవడం విశేషం. 

ఇందుకు e-bike తీసుకున్న మొత్తం సమయం 164 గంటల 30 నిమిషాలు. 

అంటే ఏడు రోజుల కంటే తక్కువ. దీంతో ఈ బైక్ ఆసియా బుక్ ఆఫ్ రికార్డ్స్ లో  నమోదైంది. 

సెప్టెంబర్ 13, 2021న కన్యాకుమారి నుంచి ఈ బైక్ ప్రయాణం ప్రారంభమై సెప్టెంబర్ 20, 2021న ముగిసింది.

e-bike నడిపిన వారు ముందుగా కన్యాకుమారి నుంచి మనాలి వరకు 3,400 కి.మీ నాన్ స్టాప్ జర్నీ చేశారు.

 మనాలిలో రాత్రంతా బస చేశారు. ఆ తర్వాత వారు మిగిలిన మార్గం ప్రయాణించారు. 

ఈ  ప్రయాణ మార్గంలో ఎక్కడా బైక్ లో ఎలాంటి సమస్యలు రాలేదని  తెలిపారు. 

ప్రస్తుతానికి ఈ బైకుకు Quanta అని పేరు పెట్టారు. భవిష్యత్తులో దీన్ని మరింత శక్తివంతంగా తయారుచేస్తామని కంపెనీ తెలిపింది.

2022 చివరి నాటికి బైక్ లను మార్కెట్ లోకి  తేవడానికి ప్రయత్నిస్తున్నట్లు తయారీదారులు తెలిపారు. 

హైదరాబాద్ లోని చర్లపల్లి కేంద్రంగా గ్రావ్టన్ మోటార్స్ కంపెనీ కార్యకలాపాలు కొనసాగనున్నాయి.