చలికాలంలో చలి మాత్రమే కాదు ఎన్నో రకాల అనారోగ్య సమస్యలు కూడా వస్తాయి. పిల్లలే ఈ సీజన్ లో ఎక్కువగా ఇబ్బంది పడుతుంటారు.
చలికాలంలో వైరల్, బ్యాక్టీరియల్ ఇన్ఫెక్షన్లు పిల్లల్నే ఎక్కువగా ఇబ్బంది పెడుతుంటాయి. అందుకే వారి రోగనిరోధక శక్తి పెంచడం చాలా అవసరం.
చలికాలంలో పిల్లలకు జలుబు, దగ్గు, న్యూమోనియా, ఫ్లూ, చెవి ఇన్ఫెక్షన్లు, శ్వాసలోపం, కడుపునకు సంబంధించిన సమస్యలు, ఉబ్బసం వంటి సమస్యలు ఎక్కువగా వస్తాయి.
రోగనిరోధక వ్యవస్థ బలంగా ఉంటే అనారోగ్య సమస్యలొచ్చే ఛాన్స్ ఉండదు. అయితే తల్లిదండ్రులు పిల్లల పట్ల కొన్ని జాగ్రత్తలు తీసుకుంటే వాళ్లు ఆరోగ్యంగా ఉంటారు.
సాధారణ జలుబుకు, ఫ్లూ లాంటి సమస్యలకు డాక్టర్ ని అడిగి మెడిసిన్స్ ఇవ్వాలి. కానీ చాలామంది తల్లిదండ్రులు సొంత వైద్యం చేస్తుంటారు.
డాక్టరుతో మాట్లాడకుండా బిడ్డకు ఎలాంటి యాంటీ బయాటిక్స్ ఇవ్వకూడని నిపుణులు చెబుతున్నారు. వీటిని ఎక్కువగా ఉపయోగించడం వల్ల రోగనిరోధక శక్తి తగ్గిపోతుంది.
చలికాలంలో పెద్దలే కాదు పిల్లలు కూడా నీళ్లు ఎక్కువగా తాగరు. అలానే చల్లని నీటిని తాగడం వల్ల బ్రీత్ ఇన్ఫెక్షన్లు వచ్చే ఛాన్సుంది.
అందుకే పిల్లలకు నీటిని మరిగించి ఇవ్వడం మంచిది. శరీరంలో తగినంత నీరుంటేనే శరీరంలోచి విష పదార్థాలు బయటకు పోతాయి.
చలికాలంలో ఫ్రై చేసిన ఆహారాన్నే ఎక్కువగా తింటుంటారు. పిల్లలైతే ఫ్రెంచ్ ఫ్రైస్, పాస్తా, బర్గర్లు లేదా ఇతర డీప్ ఫ్రైడ్ ఆహారాలనే ఎక్కువగా తింటుంటారు.
కానీ ఈ స్నాక్స్ పిల్లల ఆరోగ్యానికి అస్సలు మంచివి కావు. నిపుణులు చెప్పిన దాని ప్రకారం కాల్చిన మఖానా, పాప్ కార్న్, ఉడికించిన మొక్కజొన్న గింజలు లాంటి మంచి ఫుడ్ పెట్టండి.
ప్రోటీన్, ఐరన్, జింక్ వంటి పోషకాలు.. చలికాలంలో పిల్లల రోగనిరోధక శక్తిని పెంచడానికి సహాయపడతాయి. ఆరోగ్యంగా ఉండేలా చేస్తాయి
పిల్లలు ఆరుబయట వ్యాయామం చేసేలా చూడాలి. ఇతర పిల్లలతో ఆడుకునేలా చేయండి. వాళ్లు తగినంత సూర్యరశ్మిని పొందేలా చూడండి.
క్రమం తప్పకుండా వ్యాయామం చేయడం వల్ల పిల్లల ఆరోగ్యం బాగుంటుంది. ఇది వారి ఎముకలను బలంగా చేస్తుంది. మానసిక ఆరోగ్యాన్ని మెరుగుపరుస్తుంది.
పిల్లల్లో రోగనిరోధక శక్తిని పెంచడానికి నాణ్యమైన నిద్ర చాలా చాలా అవసరం. రోగనిరోధక శక్తిని వల్ల పిల్లల పెరుగుదల బాగుంటుంది. ఎలాంటి వ్యాధులు బారిన పడరు.
తల్లిదండ్రులు పిల్లల మెనూలో పన్నీర్, చికెన్, సోయా, చిక్పీస్, పాలు వంటి పోషకాహారాలనే పెట్టండి.
వాళ్ల ఆహారంలో తగినంత ప్రోటీన్ ఉంటే, ఏదైనా గాయమైనా సరే అవి తొందరగా మానిపోతాయి. కండరాల పెరుగుదల బాగుంటుంది.
నోట్: పైన టిప్స్ పాటించేముందు మీ దగ్గర్లోని డాక్టర్, నిపుణుల సలహా కూడా తీసుకోవడం ఉత్తమం.