సినిమా ఇండస్ట్రీలో అందరి నటీ, నటుల జీవితాలు ఒకే విధంగా ఉండవు అన్నది అక్షర సత్యం.
ఇక హీరోలు, హీరోయిన్స్ ఇతర స్టార్ నటీ, నటుల జీవితాలు ఎలాగున్నా.. కొంతమంది క్యారెక్టర్ ఆర్టిస్టుల, జూనియర్ ఆర్టిస్టుల జీవితాలు చాలా దర్భరంగా ఉంటాయి.
గతంలో ఓ వెలుగు వెలిగిన చాలా మంది సీనియర్ ఆర్టిస్టులు ఇప్పుడు అధ్వాన్న స్థితిలో ఉన్న సంఘటనలు మనం చూస్తూనే ఉన్నాం.
తాజాగా సీనియర్ నటి పాకీజా దీన స్థితిని ప్రపంచానికి చూపెట్టింది సుమన్ టీవీ. దాంతో ఆమె పరిస్థితికి చెలించిన చాలా మంది నటులు తమ చేతనైన సాయం చేశారు.
ఇక పాకీజా స్థితి చూసిన మెగాస్టార్ లక్ష రూపాయలు సాయం చేసి మరోసారి తన దానగుణాన్ని చాటుకున్నారు
మెగా బ్రదర్ నాగబాబు సైతం లక్ష సాయం చేసి మంచి మనసును చాటిచెప్పారు.
ఈ క్రమంలోనే తాజాగా పాకీజాకు సాయం చేశాడు టాలీవుడ్ స్టార్ హీరో మంచు విష్ణు.
ఇక సుమన్ టీవీ ఇంటర్వ్యూ ద్వారా పాకీజా కష్టాల్లో ఉందని తెలుసుకున్న మోహన్ బాబు.. స్వయంగా పాకీజాతో ఫోన్ లో మాట్లాడారు.
తాను అమెరికాలో ఉన్నానని ఇండియా రాగానే సాయం చేస్తానని మోహన్ బాబు మాట ఇచ్చినట్లుగా పాకీజా చెప్పుకొచ్చింది.
ఇక మంచు విష్ణు తన సొంత డబ్బులతో మూవీ ఆర్టిస్ట్ అసోసియేషన్ కార్డ్ పాకీజాకి అందించనున్నాడు. ఈ విషయాన్ని నటి కరాటే కళ్యాణి సోషల్ మీడియా ద్వారా వెళ్లడించింది.
మా అసోసియేషన్ కార్డుకు గతంలో రూ. లక్ష రూపాయలు ఉండేది. కానీ ప్రస్తుతం దానిని రూ. 90 వేలకు తగ్గించారు.
దీంతో ఆమె కుటుంబానికి మా అసోసియేషన్ ద్వారా లభించే అన్ని సౌకర్యాలకు ఆమె అర్హురాలు అవుతుంది.